Népszerű bibliai igeversek innen: MATTHEW 3

Megosztás

Haꞌi atsh am dada hegam mo d Palasi ch hegam mo d Sajusi matsh wo nei ihda pahl wakona. Sh hab ha ahg g John, “Hah, ahpim mam pi ap chegitoidag, bamki e elid mamt wo e doꞌibia ab amjed g s‑koꞌok e‑namkidadag heg wabsh hekaj mam ab d Abrahambad amjedkam. Nt wabshaba wo em‑ahgi mamt pi woho wo e doꞌibia, heg hi wa mamt am wo e chehgi am hab junihidch g s‑apꞌekam mamt gam hu s‑ohhod g pi ap e‑chegitoi. Wehs hegam mat gam hu wo s‑ohhod g pi ap e‑chegitoi at d wo Jiosh hemajkamgak ch hekaj hab masma wo e kuint mo d Abrahambad amjedkam, chum wa g nahnko mahs hemajkam.

Sh ab neok g Jiosh ab dahm kahchim t amjed ch hab kaij, “Id o d si ni‑tatchuidch ni‑alidag ch am si ni‑tatchui oidch hab masma.”

Tsh am haha wabsh i chum wuhsh g Jesus shuhdagi t amjed. Tsh g dahm kahchim gam i e kuhpiꞌo. Tsh ab i hud g Hekia S‑apꞌekam Gewkdag ab ab g Jesus hab sha masma mat g hohhi.

Kush hab ep kaij g John, “Pi g hab wo ni‑elid manis ahni d si haꞌichu. Ab at hema wo i wuhsh ni‑oidk k d wo si haꞌichuk. Ahni ani hi wa em‑pahl wapkon mamt eda gam hu wo s‑ohhod g pi ap e‑chegitoi. T wabshaba heg ab wo em‑mah g Hekia S‑apꞌekam Gewkdag k gam hu hab wo i juh g pi em‑apꞌekam hab sha masma mat g mehi wo mehi g shaꞌi.

Kumt ahpim gam hu wo s‑e ohhod hab masma mat g pi kehg bahidkam uꞌus mamtp pi gam hu wo s‑ohhod g pi ap e‑chegitoi k pi am hu hab wo junihid g s‑apꞌekam.”

Neh, id o hab ahg John hegai kelibad Jiosh haꞌichu i tashogiddam mash hab chehgig Isaiah mash eda hab kaij: Hema atsh gam hu jeg ed wo ha mihshmad g hemajkam hab kaijch: Neh, in atsh wo i wuhsh jewed dahm hegai mo d ge kownal wehs haꞌichu dahm. Kumt heg wehhejed wo i e nako.