Népszerű bibliai igeversek innen: MWANDUSO 6

Megosztás

MNDEWA kona giogio sama ya kuwalumba wanhu muisi, na moyo wake umema usungu.

MNDEWA kona kamba wiho wa wanhu ukala ubanzile muisi, na kamba mazua gose mbuli ziwakalile wogelegeza na kuzigesa mmioyo yao zikala zihile.

Ila Nuhu kanogelwa na MNDEWA.

Luno lulo lukolo lwa Nuhu. Nuhu kakala munhu yalibule uzenzeleganye, kakala bule mbuli na munhu mmwanza wa wanhu wa kipigiti chake, na heyo kakala mwende wa Mulungu.

Avo MNDEWA kalonga, “Nowabananga wanhu iniwalumbile, wahalawe muisi hamoja na wang'onyo wose, na vinhu inivilumbile vili muisi, na ndege wa kuulanga. Kwavija nie nokona giogio sama ya kuwalumba hewo.”

Wanhu viwasongile kongezeka muna iisi na kulela wandele, wana wa Mulungu wawona waja iwandele wa wanhu kamba wanoga, avo wamsola yoyose iwamsagule. MNDEWA kalonga, “Loho yangu haikala mzing'huli zidanganhika kipigiti kitali kamba kino, kwavija hewo walumbigwa na nyama, Avo kipigiti chao cha kukala muisi hakibanza milao mia na malongo mabili.” Mkipigiti hicho, na mkipigiti kidodo hamwande, Wanefili wakala muisi, kipigiti wana wa Mulungu viwacholile ha wandele wa wanhu na kulela nao wana. Wakala wanhu magalu na wali na matwaga makulu mkipigiti cha umwaka.

Nuhu katenda kila kinhu kamba Mulungu viyamulagize.

Mulungu kamulongela Nuhu, “Nowabananga wanhu wose walumbigwe, kwavija ulumwengu umemezwa na ukaini sama yao, avo nowabananga hewo hamoja na ulumwengu.

Itendele mwenyego safina ya mbamha za m'vinje, tenda magati mgati yake na uibakaze lami mgati na hanze giladi mazi sambigengile mgati.

Mulungu kalola na kona vija ulumwengu vuubanangike, kwavija wanhu wose muulumwengu wakala ukazi wa kutenda mbuli zihile.

Uvingize muisafina vinhu vose inivilumbile vili na ugima, uvingize vibilivibili, mtwanzi na mbigalo, giladi gweye na hewo muwe na ugima.