Népszerű bibliai igeversek innen: MWANDUSO 3

Megosztás

Ija imtwanzi viyawene kamba mujo wa m'biki uja unoga kudigwa, na wonogeza meso, na vivija wosulukilwa mkongeza ng'hungwe, kasola mujo wake kauja. Kamgwelela mbigalo wake, na heyo vivija kaja.

Nyoka kakala m'bala ng'hani kubanza wang'onyo wose wa kumuhulo yaawalumbile MNDEWA Mulungu. Nyoka kamuuza ija imtwanzi, “Kweli Mulungu kawalongela kamba sambimuje mujo wa m'biki wowose uli mkihati?”

Nokwika udumuka hagatigati yako na ija imtwanzi, hagatigati ya wanago na wanage. Heyo kokuhonda ditwi jako, na gweye komulumiza kisiginho chake.”

Abaho kamulongela ija imtwanzi, “Nowongeza usungu wako wa kulela, na gweye kolela na usungu, hata avo sulukila yako yowa ha mbigalo wako, na heyo kokutawala.”

Koja mandia gako mkusang'hanika ng'hani mbaka vondauibwelele isi ija iulumbigwe nayo. Kwavija kulumbigwa na timbwisi, na kobweleganya kuwa timbwisi kabili.”

Abaho kamulongela ija imbigalo, “Kwavija gweye kumtegeleza mtwanzi wako, na kuja mujo uja unikulongele sambiuje, isi yodukumizwa. Kopata mandia gako mkugaya ng'hani mkuilima isi mmazua gose ga ugima wako.

MNDEWA Mulungu kamulongela, “Yalihi yakulongele kamba gweye kwa mwazi? Kuja mujo uja unikulagize sambiuje?”

Viyeshile kuwawinga waja iwanhu, keka Makelubi ng'ambu ya ulawilo wa zua wa Ikihati cha Edeni na kwika zele dili na moto dimeluka dihindukahinduka kuno na kuno kwiimiliza nzila ya kuchola hana um'biki ulava ugima.

Adamu kamkema mtwanzi wake Hawa, kwavija kowa mama wa wanhu wose.