Népszerű bibliai igeversek innen: Ohuchaaka 6

Megosztás

yabona obubi muno yeeyichulisa esyakera yaloonga abaandu yaabata hu syaalo.

Nae Omwaami niyabona obubi bwa buli muundu hu syaalo koti lu bwali neende koti ebibaaso byaabwe byali ebibi buli siha

Nae Nowa yaba omuluungifu mu moni w'Omwaami.

Luno nilwo olukano ludiira hu Nowa. Nowa yali omuundu muluungifu muno, otaalihooho esibi syoosi mu luse lwae. Nowa yakeendaanga neende Nasaae.

Omwaami mani yaboola ati, “Njia ohusihirisa abaandu bandaloonga boosi bawe hu syaalo, alala neende esolo choosi neende amayoni koosi, olwohuba ndeyichulisa lwasiina ndabiloonga.”

Abaandu nibeebulana bemeeda ohuba abaangi hu syaalo, haandi nibeebula abaana bahaana, abaana basyaani ba Nasaae nibabonaho sa bati, abahaana b'abaandu babonehana ohuba abalai muno; mani nibachaaka ohubukulamo abaandi nibabadeehya koti lubadahaanga. Mani Omwaami n'aboola ati, “Haba siinjia hufukiirira abaandu ohubaao endaalo choosi daawe; bachia ohubechaanga abafwa sa. Ohutula buti ohwemeeda mu moni, haba sibachia huyiindiraanga ohubitaanga emyaaka emia ndala neende amahumi kabiri daawe.” Mani mu ndaalo echo, neende mu ndaalo chiindi chaloondaho choosi, kyaliwo kirahula hu syaalo ki baana basyaani ba Nasaae beebulaanga mu bahaana b'abaandu. Bano nibo abali abaandu bahunuufu haandi abamanyihana muno mu ndaalo ehale echo.

Nowa yahola buli siindu si Nasaae yamulagira ohuhola.

Mani Nasaae yaboolera Nowa ati, “Ndi omumaliirifu ohusihirisa abaandu boosi hu syaalo olwohuba abaandu bohu syaalo boosi bali beechuulemo obusuku; bona, mbao njia ohubasihirisa boosi alala neende esyaalo.

Mani ewe webaachire elyaato niwehoonyera embaao ndai muno. Yoombahamo ebiseenge mani obiwomeho ewula mukati neende humukulu.

Nasaae yabona ati, esyaalo syali esiliichaki haandi buli siindu esyali hu syaalo syoosi syali esiliichaki.

Nae hu buli siindu silamu, ochia ohudolaangaho bibiri-bibiri, esisaacha neende esihasi, mani obite mu lyaato obiliinde biwonere alala naawe.