Népszerű bibliai igeversek innen: - प्रेरितन के काम 5

Megosztás

तब पतरस और दूसरे प्रेरितन ने उत्तर दओ, मान्सन के हुकम से बढ़के, परमेसुर के हुकम कौ पालन करबो हमाओ कर्त्तव्य आय।

बे रोजीना मन्दर में और घर घर में बचन सुनात, और ई बात कौ भलो सन्देसो सुनाबे से, कि यीशु ही मसीह आय न रुके।

पतरस ने कओ; हे हनन्याह! शैतान छलिया ने तोरे हिए में जा बात काय डाली, कि तें पवित्तर आत्मा से लाबरी काबे, और भूमि के दाम में से कछु रख लैबे। जब लग बा तोरे ऐंगर हती, का तोरी न हती? और जब बिक गई तो का तोरे वस में न हती? तेंने अपने हिए में जा बात काय सोची? तें मान्सन से नोईं, परन्त परमेसुर से लाबरी बोलो। जे बातें सुनतई हनन्याह गिर पड़ो, और प्राण छोड़ दए; और सबरे सुनबेवारन में बिकट डर समा गओ।

ई लाने मैं तुम से कैत आंव, इन मान्सन से बचे रओ और इन से कछु काम न राखो; कायसे के जदि जौ काम मान्सन कुदाऊं से होबे तब तो मिट जै है। पर जदि परमेसुर कुदाऊं से होबे, तो तुम कौनऊं भात ऊहां मिटा न सक हौ; कऊं ऐसो न होबे, कि तुम परमेसुर से सोई लड़बेवारे ठैरो।