Népszerű bibliai igeversek innen: Mataayo 10

Megosztás

“Lola, ndikʉvasuungʼa ndi ngʼolo itsigenda pagatinagati pa ngʼekeeva. Pwʉ muveetsage vanya lʉhala ʉngata nzoka ikange muveetsage vadeke ʉngata ngʉndya.

Ʉmuunu ʉvaveetsaga ʉvɨ inogwa ʉkʉponia ʉwʉʉmi wa mwene, vɨ alawaambʉtsa. Ikange ʉmuunu ʉvaveetsaga ʉvɨ ikʉwaambʉtsa ʉwʉʉmi wa mwene pa kulongwi jyango, alavʉponia.

Mulekage ʉkʉvadwada avibuda ʉmmana gwene, wʉ aveene naviweesa ʉkʉbuda ɨnumbula. Munʼdwadage ʉNgʉlʉve mwene ʉvɨ iweesa ʉkwongometsa ʉmmana paninie nɨ numbula mu mwoto gwa sikutsooni.

Ʉmuunu ʉvɨ nikɨtwɨka ɨkɨdamingʼanie kya mwene nʉ kʉngʼonga, nanogelaniili kwane.

“Ʉmuunu ʉvaveetsaga ʉvɨ ikɨpaala kʉ vaanu ʉkʉta ikʉngʼonga ʉne, najyʉne ndɨlantsova ʉjwa ʉkʉta inkongi vango pavʉlongolo pa Daada ʉvɨ alɨ kʉkyanya. Lɨno, ʉvaveetsaga ʉvɨ ikʉmbeela pavʉlongolo pa vaanu, najyʉne ndɨlamʼbeela pavʉlongolo pa Daada ʉvɨ alɨ kʉkyanya.

Muvaponiage avatamu, muvatsʉʉsaage avaswe, muvavalatsaage avanya bʉʉba nʉ kʉswɨma imepo imbiivi. ɄNgʉlʉve avapye vʉvʉle amaka ago, pwʉ najyʉnyie muvatangage avaanu vʉvʉle, kɨtsila lʉhombo.

Pwʉ lɨno mulekage ʉkʉdwada ʉlwakʉva ʉnyie mulɨ nawo ʉwɨɨmɨkiwa ʉkʉlʉtɨɨlɨla isidege.

“Mulekage ʉkʉsaaga ʉkʉta nditsile mu kɨlʉnga ɨkɨ pa vʉsumbe wa kʉvɨɨka ʉlʉnotsehetso. Baako! Nawʉ jɨlɨwo. Apeene, nditsile pa vʉsumbe wa kʉleeta ʉlʉsʉʉtɨngʼano