Népszerű bibliai igeversek innen: LUCAS 3

Megosztás

Egwë e'i aipo Juan oñapirämo seta ava oiko, a'eve avei Jesús ñapirämosa; ipare iyerure vɨteseve avɨyeteramo tëi oyemboi tuprɨ ɨva ipare Espíritu Maräne'ɨ̇ ogweyɨ ou i'arɨve oyekwa tuprɨ inungar apɨkasu, ichui oyeendu ñe'ësa ɨva sui aipo e'i va'e:–Nde che Ra'ɨrɨ che rembiaɨsu, che rembiporavo ereiko.

Juan rumo aipo e'i opakatu ava upe: “Che supiete opoapirämo, ɨ pɨpe tëi; oura rumo ambuae che rakɨkwei a'e pe apirämora Espíritu Maräne'ɨ̇ tata nungar pɨpe. A'e seko pirätä katu va'e sekoi che sui, sese cheu ndiyai ete ipɨtakïsa yora agwä ichui.

Peiko tuprɨra mba'e avɨye va'e pɨpe oyekwa va'erä yande Yar upe peyevɨsa resendar, iyavei aipo ndapeyei chira peyoupe ae: ‘¡Ore oroiko Abraham suindar!’; esepia supiete Tüpä oikatuño ite ko ita sui Abraham suindar nungar tuprɨ apo agwä oyeupe narä yepi.

Iyavei hacha ni'ä imoigätusa ite ɨvɨra asɨa agwä sapo sui tuprɨ. Opakatu ɨvɨra i'a naporäi va'e, yasɨasara imondosa va'erä tatave.”

Ko yavɨye ite Tüpä ñe'ë mombe'usar Isaías rembikwachiagwer pɨpe aipo e'i va'e:“Sendusa ɨvɨ iporupɨre'ɨ̇sa rupi ñepëi ava sapukaisa aipo e'i va'e:‘Pemoigätu perɨ yande Yar raperä;pemboi tuprɨ ñepëi perɨ i'ɨ̇vɨi va'e chupe. Opakatu ɨvɨsokwer opara imboapɨposa,opakatu ɨvɨtrɨ iyavei ɨvɨtrɨmi opara imboyoyasa tuprɨ no,akoi perɨ ipäri va'e opara imo'ɨ̇visa tuprɨ,iyavei perɨ ipɨkuku atɨ va'e opara imboapɨposa. Opakatu ava ɨvɨ pɨpendar osepiara Pɨsɨrösar Tüpä remimbou yuvɨreko kuri.’ ”