Népszerű bibliai igeversek innen: JUAN 14

Megosztás

Aseyara teko tuprɨsa peü. Ko amondo va'e che reko tuprɨsa che yesuindar ite, namondoi chira rumo peü inungar omondo va'e ko ɨvɨ pɨpendar yuvɨreko yepi. Anichira rumo peiko vɨ'are'ɨ̇sa pɨpe ndape sɨkɨyei chietera no.

Jesús omboyevɨ chupe:–Che ni'ä aiko perɨ supiete va'e iyavei tekovesa. Che rupi gweraño ite peyepotara che Ru upe.

“Pepɨ'añemoñeta atɨi rene; peroya katu Tüpä che reroya aveira peye.

akoi Poropɨtɨ̇vɨïsar, iyavei Espíritu Maräne'ɨ̇ che Ru omboura che rer pɨpe, a'e pe mbo'era opakatu mba'e avɨye va'e rese pe moma'endu'a aveira opakatu che ñe'ëngagwer amombe'u va'ekwer rese.

Akoi oɨpɨsɨ va'e che porokwaita iyavei omboyeroya va'e, a'e omboyekwa ite che raɨsusa oiko. Che Ru osaɨsu aveira a'e che raɨsusar, che avei asaɨsura, ayemboyekwa aveira yuvɨreko chupe.”

Iyavei che aporandura che Ru upe ombou va'erä ambuae Pepɨtɨ̇vɨï agwä, a'e Espíritu sekoi supiete va'e, a'e sekoi va'erä ite perese yepi. Akoi yuvɨrekoi va'e ko ɨvɨ pɨpe a'e ndoikatui chietera ipɨsɨ yuvɨreko, esepia ndosepiai iyavei ndoikwai ete yuvɨreko; pe rumo peikwa ite, esepia a'e sekoi ete pe rese iyavei a'e sekoi ñoitera pereseve yepi.”

Iyavei peporanduse opakatu mba'e rese che rer pɨpe, che amondoño itera peü, ipɨpe sui che Ta'ɨrɨ amboyekwara che Ru reko porañetesa vichiko. Che amondora mba'e peü peremimbotar peporanduse che rer pɨpe.

“Supiete che raɨsuse peye, pemboyeroya katu che porokwaita.

Esepia che Ru rëtä pɨpe ni'ä oime tuvicha iteanga pɨtu'u agwä yepi; ndipoise evokoi nungar viña, che namombe'ui chietera mba'e amoigätu va'erä peü narä viña.

Iyavei che aso pare amoigätura mba'e peü narä, ayevɨ irira rumo vitu ko'ave pereraso agwä che yeupi kuri, a'eve che aikora pe a'eve tuprɨ avei peikora no.

Tomás aipo e'i Jesús upe:–Che Yar, ore ndoroikwai ete kevo katu eresora. ¿marä oro'era pi'ä aipo perɨkwa agwä viña?