Népszerű bibliai igeversek innen: त‍इरकर 3

Megosztás

औंगे नीम जियन किर्त'आ, होले धर्मेस निम्‍है उर्मी पापन छमा ननोस।

लिकिन पतरस आसिन बाचस, “सोना अरा चाँदी गा एंग्‍‍है गुसन मल्‍ला, लिकिन एंग्‍‍है गुसन एन्‍द्रा र'ई, अदिन निंगा चि'अदन। नासरेत ता येसु मसीसी नामे ती चो'आ अरा कुद्दा नुंगा।”

अरा पतरस आसी तीना ख़ेक्खन धरचस ती चॊदस। आ बारिम लेंगड़ासी ख़ेड्डे अरा मूका गुट्ठी नू पैया बरचा केरा। अरा आस उदकारस ती इज्‍जस ती कुद्दा नुंगा हेलरस। अरा आस ईकनुम अरा उदकारनुम अरा धर्मेसी ओहमा नन्नुम आर ही गने धर्मेसी मन्दिर ही चाली नू कोरचस।

अरा आ येसु मसीस मइय्याँ ता पत्त'अना ती अरा आसी नामे तिम ई आलस पैया ख़क्खियस, नॆकन नीम अख़दर अरा ऎरदर। अरा येसुसी म‍इय्याँ ता पत्त'अना आद दिम नीम ओर्मर ही मुन्‍दहारे ईसिन दौ गने कोड़े नंजकी र'ई।