Népszerű bibliai igeversek innen: त‍इरकर 16

Megosztás

आर बाचर, “नीन उर्बा येसुसिन पत्त'आ होले, नीन अरा निंग्‍है एड़पातर नाड़र'ओर।”

अधरात माख़ा नू पौलुस दरा सीलास गोहरारनुम धर्मेसिन भजन नना लगियर। अरा गुड़रकर आर ही भजनन मेना लगियर। अरा आचका ही ओन्‍टा कोहाँ ख़ॆख़ेल नुक्रना मंजा। ख़ने जेहेल एड़पा ही नेव गुट्ठी हूँ नुकुर ख़च्‍चिया, अरा लॆम उर्मी बली तिसग्रा केरा, अरा ओर्मा गुड़रकर ही बींड़ी कोल्‍लरा केरा।

अरा आरिन बहरी ओन्‍द्रस ती बाचस, “अना उर्बारो, नाड़र'आ गे एंगा एन्‍देर नन्ना र'ई?”

दरोगस एजरस ती चॊचस अरा जेहेल एड़पा ही बली गुट्ठिन तिसगरका ईरियस ती गुड़रका आलर बोंगर केरर बाचस ती आस तलवार ओथ्रस ती तंगन पिटा बिद्दियस। लिकिन पौलुस जॊरसरिया चिच्चि‍यारस ती बाचस, “निंगन अमा नठाब'आ, एन्‍देरगेका ऎम ओर्मम इसानिम र'अदम।”