Népszerű bibliai igeversek innen: Noo Ean 11

Megosztás

Dooyrt Yeesey r’ee, Mish yn irree-seose-reesht veih ny merriu as yn vea: bee eshyn ta credjal aynym’s bio, ga dy vow eh baase; As quoi-erbee ta bio, as credjal aynym’s, cha vow eh yn baase dy bragh farraghtyn. Vel uss credjal shoh?

Dooyrt Yeesey r’ee, Nagh dooyrt mee rhyt, my chredjagh oo, dy vaikagh oo gloyr Yee.

Ren Yeesey keayney.

Tra cheayll Yeesey shoh, dooyrt eh, Cha vel y chingys shoh gys baase, agh son gloyr Yee, dy vod Mac Yee v’er ny ghloyraghey liorish.

As tra v’eh er ghra shoh, deïe eh lesh ard-choraa, Lazarus, tar magh. As haink eshyn va marroo magh soillit cass as laue ayns aanrityn oanluckee: as bussal mysh e eddin. Dooyrt Yeesey roo, Feayshil-jee eh, as lhig-jee yn raad da.

Hayrn Yeesey er-y-fa shen osney hrome reesht veih e chree, as haink eh gys yn oaie. She ooig v’ayn, as va clagh er e beeal.

Ny goan shoh loayr eh: as ny lurg shen dooyrt eh roo, Ta nyn garrey Lazarus ny chadley; agh ta mish goll dy ghoostey eh ass e chadley.