Népszerű bibliai igeversek innen: Matayi 5

Megosztás

Nayumo umuntu yuyo akukozya inyale nukuyikupikila ni sonta. Loli akuyibika pabuzelu, umwakuti yibalamilaye abantu bosi munyumba mula. Momumo namwe ulukozyo lwinyu lulamaye pa bantu, ukuti bennyanje imbombo zyinyu inyiza nukumupala Utata winyu uwa kumwanya.

“Amwe mwe lukozyo ulwa bantu aba muchisu ichapasi. Akaya akakulu nkani kako kazengiwe pighamba katangavwama.

Basayiwa babo bazelu mumoyo, pakuti bakwiza pakumwennya u Chala.

Basayiwa abantu babo bali ni zala ni nyota iya bugholosu, pakuti u Chala akwiza pakubikutizya.

Loli ilelo inkubabuzya ukuti mubaghane abalwani binyu nukubiputila babo bakubavwima

“Basayiwa abantu babo bazimenye ukuti bapina mubuzimu, pakuti Ubumwene ubwa Kumwanya bwabo.

Basayiwa abantu babo bakupela umutende, pakuti bakwiza pakuba bana aba Chala.

Basayiwa babo bakulila akabalilo aka, pakuti u Chala akwiza pakubapumizya

Basayiwa babo bakuvwimiwa, pachifukwa chakuti bakubomba vivyo u Chala akulonda, pakuti Ubumwene ubwa Kumwanya bwabo.

Basayiwa abantu babo bali ni chisa na bamwabo, pakuti u Chala akwiza pakubapelela bope ichisa.

“Mwe basayiwa, nanti abantu bakubatuka, bakubavwima nukubatamantila ivintu vyosi ivibibi pachifukwa chakuti mwe bakonki bane. Hobokagha nu kusekela pakuti umuvwalo winyu mukulu nkani kumwanya. Umu mo mumo abalaghuzi babo bakabako kale bakavwimiliwanga.

Basayiwa abantu babo bakwiyisya, pakuti bakwiza pakupokela zizyo u Chala akabalayizya.

“Amwe mwe mbeya pakasi pa bantu aba muchisu ichapasi. Loli nanti imbeya yasupa, nkimba mungayipela buli-buli pakuba sona mbeya? Yite sona ni mbombo napo panandi, loli yikusumbiwa kuzi, po abantu bakuyikanyannya.

Po mubanje bantu abiza muvintu vyosi ukuyana na mumo Ughuso uwa kumwanya abeleye!

Nena bulo ukuti, ‘Ee’ pamo ‘Awe’ amazyu ghosi ghagho ukonjelezya pa mazyu ghanagha kokuti ghakufuma kwa Satana, Umubibi yula.

“Mwivuye ukuti kale zikaneniwa ukuti, ‘Ilyiso lilipile ilyiso, ilyino lilipile ilyino.’ Loli ilelo inkubabuzya ukuti mutakamutanikizizyanje umuntu yuyo akubombela ububibi. Nanti umuntu yumo akukoma kulusaya ulwa ndilo, mupe ulwamwabo ukuti akukome sona.

Nanti ilyiso lyako ilyandilo likukupuvya, likolompolelyo nukulisumba! Chizapo pakutagha ichigaba chimo icha mubili wako ukuchila ukuti umubili wako ghosi ghusumbiwe mu Gehena. Po nanti inyobe yako indilo yikukupuvya, yidumule nukuyisumba. Chizapo pakutagha inyobe yako yoka ukuchila ukuti umubili wako ghosi ghusumbiwe mu Gehena.