Népszerű bibliai igeversek innen: HAOKAPHOK 21

Megosztás

2PROHOna hāngkahai thāda Sarahli asamphangda rida ngashitmi kahai chi tāzakta Sarahli shokngasaka.

Kala Varena nao chiwui khon shai; kala Varewui kazingraona atungshong eina vaotāda Hagarli hānga, “Khina nali khanang ngasakhaokhala Hagar? Mangacheealu, kaja naona leida khaleipam chiwui eina awui kachapkhon Varena shāhaira. Ngakarthuilu, naomayara chi khangkāda vamkhuilu, khikhalajila ina ali kahaka yur akha sāngasakra.”

Kala Sarah nao vaihaowa, kala asarlamshong Varena hāngkahai atam horzakta Abrahamli mayarnao akha pharāmi.

Kala Sarahna hānga, “Varena ili mana̱ khavai sāmihaira; kala hi kashā mi kachiva̱na ili mana̱rumra.”

Kha Varena Abrahamli hānga, “Nao chiwui vang kala sha̱nao chiwui vang ning maringkaphā masaalu; Sarahna nali kahāng kachiva̱ thāda sālu, kaja Isaacwui eina nawui ara̱-azāwui ming phokki kajina.

Kala raopava̱wui naomayarawui einala ina yur akha shokngasakra, kaja ala nawui naotheina.”