Népszerű bibliai igeversek innen: Juan 1

Megosztás

Mamĩda eperãarã ũkꞌuruurãpa iru auteebaijida mãikꞌaapa wãara irude ijãajida. Irua mãgɨɨrã Tachi Akꞌõre warrarã papiji.

Na pꞌekꞌau eujã bai naaweda Jesucristo, Tachi Akꞌõre Pedee apata, bapachi. Mãgɨ́ bapachi Tachi Akꞌõre ome. Iru ichita Tachi Akꞌõre bapari.

Atꞌãri irua Tachi Akꞌõre kꞌawapimaa bɨ eperãarãmaa. Apidaapa pꞌoyaa jarada–e irua mãga oonaamerã.

Mãgɨ́ Pedee, Jesucristo Tachi Akꞌõrepa pëida. Tꞌoji eperã kꞌapꞌɨade mãikꞌaapa tachi tꞌãide bapachi. Iru Tachi Akꞌõre Warra pada perã, Tachi Akꞌõre kꞌĩra wãree unupiji tachimaa. Eperãarã kꞌinia iru bapachi mãikꞌaapa Tachi Akꞌõre wãarata ãchimaa kꞌawapipachi.

Iru kꞌapꞌɨa pari Tachi Akꞌõrepa ne–inaa jõmaweda ooji. Iru wẽe Tachi Akꞌõrepa ne–inaa maarepida oo–e paji. Irua chokꞌai bapipachi ne–inaa jõmaweda chokꞌai bɨ. Ɨ̃daa pɨkꞌa bapachi eperãarã tꞌãide, ma kꞌaurepa eperãarãpa Tachi Akꞌõre kꞌawapataadamerã.

Aɨ norema Juanpa unukꞌãri Jesús ichi kꞌaitꞌa cheru, mãgaji: —¡Akꞌɨ́tɨ! Nãgɨ́ eperã oveja chakꞌekꞌa bɨ, Tachi Akꞌõrepa pëida perã piumerã eperãarã pari. Nãgɨpa wẽpapiitꞌee eperãarãpa pꞌekꞌau kꞌachia oopata.

Mãgɨ́ Pedee, Jesucristo ba cheji na pꞌekꞌau eujãde, ichia eujã oodade. Mamĩda na pꞌekꞌau eujãdepemaarãpa kꞌawada–e paji iru Tachi Akꞌõre Warra. Cheji mĩda ichi aukꞌaarã tꞌãide, ãchia auteebaida–e paji.

ma wãara ɨ̃daa pɨkꞌa bɨ na pꞌekꞌau eujãdee cheji, Tachi Akꞌõre eperãarãmaa kꞌawapiitꞌee.

Tachi Akꞌõrepa ichi ũraa kꞌawapiji eperãarãmaa Moisés kꞌapꞌɨa pari. Mamĩda eperãarã kꞌinia iru baji mãikꞌaapa ichi wãarata kꞌawapiji ãramaa Jesucristo kꞌapꞌɨa pari.