Népszerű bibliai igeversek innen: လု 14

Megosztás

“ၽူႈလႂ်​သေဢမ်ႇဝႃႈ၊ၵေႃႉ​ဢၼ်​မႃး​တီႈ​ၵဝ်​ၼၼ်ႉ​ပေႃး​မၼ်း​ယင်း​ဢမ်ႇ​ႁၵ်ႉ​ၵဝ်​ၼႃႇ​သေ​ပေႃႈ​မႄႈ​မၼ်း၊လုၵ်ႈ​မေး​မၼ်း၊ပီႈၼွင်ႉ​မၼ်း​ၸဵမ်​ယိင်း​ၸဵမ်​ၸၢႆး၊ဢိၵ်ႇတင်း​ဢသၢၵ်ႈ​မၼ်း​ၼၼ်ႉ​ၸိုင်၊ၵေႃႉ​ၼၼ်ႉ​ဢမ်ႇ​ပဵၼ်​တပႄး​ၵဝ်​လႆႈ။

ၽူႈလႂ်​သေဢမ်ႇဝႃႈ၊ပေႃး​မၼ်း​ဢမ်ႇ​မႅၵ်ႇ​သဝ်မႆႉဝႃးမိုဝ်း​တူဝ်ၸဝ်ႈၵဝ်ႇ​လႄႈ​ၸွမ်း​ၵဝ်​ၸိုင်၊ၵေႃႉ​ၼၼ်ႉ​ဢမ်ႇ​ပဵၼ်​တပႄး​ၵဝ်​လႆႈ။

ၽူႈလႂ်​သေဢမ်ႇဝႃႈ၊ၵေႃႉ​ဢၼ်​ယုၵ်ႉယွင်ႈ​တူဝ်ၸဝ်ႈၵဝ်ႇ​ၼၼ်ႉ၊တၵ်း​လႆႈ​ၶၢမ်ႇ​တၢင်း​ဢၼ်​ၶျႃးတူၵ်း​တီႈ​တႅမ်ႇ​လႄႈ​ၵေႃႉ​ဢၼ်​ၶျႃးတႅမ်ႇ​တူဝ်ၸဝ်ႈၵဝ်ႇ​ၼၼ်ႉ​ၸမ်ႉ၊တၵ်း​လႆႈ​ၶၢမ်ႇ​တၢင်း​ဢၼ်​ယုၵ်ႉယွင်ႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မိူၼ်​ၸိူဝ်ႉ​ၼင်ႇ​ၼၼ်​ၼႂ်း​သူ​ၼႆႉ​ၽူႈလႂ်​သေဢမ်ႇဝႃႈ၊ပေႃး​ဢမ်ႇ​ၸုၼ်ႉပႅတ်ႈ​ၵႃႈ​ဢၼ်​မၼ်း​မီး​ၵူႈၸိူဝ်ႉၵူႈပိူင်​လႆႈ​ၸိုင်၊ဢမ်ႇ​ပဵၼ်​တပႄး​ၵဝ်​လႆႈ။

ၼႂ်း​သူ​ၼႆႉ ပေႃး​သေၵေႃႉသေၵူၼ်း​ဢၢင်ႈ​ဢၢၼ်း​တႄႇတင်ႈ​ႁဵတ်း​သဝ်လၢင်း​ၸိုင်၊ဢွၼ်တၢင်း​သေပိူၼ်ႈ​မၼ်း​ၸၢင်ႈ​ၼင်ႈ​သေယဝ်ႉ၊ၼပ်ႉဢၢၼ်ႇ​ငိုၼ်း​ဢၼ်​တၵ်း​သဵင်ႈ​ၼၼ်ႉ ႁႂ်ႈလႆႈ​ႁု​လွင်ႈ​ဢၼ်​ငိုၼ်း​မၼ်း​တေ​ပေႃးၵုမ်ႇ​ႁိုဝ်၊ဢမ်ႇ​ပေႃးၵုမ်ႇ​ႁိုဝ်​ၼၼ်ႉ​ဢေႃႈ။- ပေႃး​ဢမ်ႇၼၼ်​မၼ်း​ၶုတ်း​ငဝ်ႈႁၢၵ်ႈ​သဝ်လၢင်း​သေလႄႈ​ဢမ်ႇ​ႁႂ်ႈ​ယဝ်ႉ​တူဝ်ႈ​လႆႈ​ၸိုင်၊ၵူၼ်း​ဢၼ်​ႁုႁၼ်​တင်းလၢႆ၊တၵ်း​ႁဵတ်းပျၢၵ်ႈ​ႁဵတ်း​ၶူဝ်​တီႈ​မၼ်း​လႄႈ​ဝႃႈ၊- ‘ၵေႃႉ​ၼႆႉ၊တႄႇၸႃႉ​ႁဵတ်းၵၢၼ်​ၵူၺ်း​လႄႈ​ဢမ်ႇ​ၸၢင်ႈ​ႁႂ်ႈ​ၵၢၼ်ငၢၼ်း​မၼ်း​ယဝ်ႉ​တူဝ်ႈ​လႆႈ၊’ ဝႃႈၼႆ​ယဝ်ႉ။

မိူဝ်ႈ​ဢၼ်​မႂ်း​ၸႃႇၵႃႉ​လဵင်ႉလူ​ၸိုင်၊ၽိတ်ႈပၢင်း​ၵူၼ်းယၢၵ်ႈ​ၵူၼ်းၽၢၼ်၊ၵူၼ်း​ၶႃပုတ်း​ၶႃၶႄႉ၊ဢိၵ်ႇတင်း​ၵူၼ်းတႃမွတ်ႇ​တင်းလၢႆ​ၸိူဝ်း​ၼၼ်ႉ​တႃႉ။- ပေႃး​မႂ်း​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊မႂ်း​တၵ်း​မီး​မၢင်ႇၵလႃႇ​ၵွပ်ႈပိူဝ်ႈ​ၶဝ်​ဢမ်ႇ​တၢတ်ႈၼိူင်ႇ​ႁႂ်ႈလႆႈ​တွပ်ႇတႅၼ်း​ၵျေးၸူး​မႂ်း​ၶိုၼ်း​ၼၼ်ႉ​ဢေႃႈ။ ၽြႃးပဵၼ်ၸဝ်ႈ​တေ​တွပ်ႇတႅၼ်း​ပၼ်​ၼႂ်း​ၶိင်ႇ​မိုဝ်ႉ​ဝၼ်း​ဢၼ်​ၵူၼ်း​သိုဝ်ႈတေႃႇ​တင်းလၢႆ​လုၵ်ႉၶိုၼ်းလိပ်း​ၼၼ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

“ၵိူဝ်​ၸမ်ႉ၊လီ​ဢေႃႈ။ ၵူၺ်းၵႃႈ၊ပေႃး​ဢၼ်​ၸဵမ်း​မၼ်း​ႁၢႆ​ယဝ်ႉ​ၸိုင်၊ဢမ်ႇ​ၸၢင်ႈ​ၶိုၼ်း​လႆႈ​ဢၼ်​ၸဵမ်း​မၼ်း​ထႅင်ႈ​ယဝ်ႉ။- ဢမ်ႇ​မီး​ဢၵျူဝ်း​ပုၼ်ႈ​လိၼ်။ ႁဵတ်း​ၽုၼ်ႇ​ၵေႃႈ​ဢမ်ႇ​လႆႈ​ယဝ်ႉ​လႄႈ​တၵ်း​လႆႈ​ထွၵ်ႇ​ပႅတ်ႈ​ၵူၺ်း​ဢေႃႈ။ ပေႃး​မီး​ႁူ​ဢၼ်​လီ​ငိၼ်း​ၸိုင်၊ႁႂ်ႈ​ငိၼ်း​သေၵမ်း​လူၺ်ႈ၊” ဝႃႈ​ၼင်ႇ​ၼႆ​ဢေႃႈ။