Népszerű bibliai igeversek innen: Romens 5

Megosztás

Regavo no madu usuibe noka vek ise reoin. Regavo God fuka bomana no oijmuinma ijefuon fu Jesu Kurais kuamga fu ise nuvuon ijefuon guain.

No vuak iji ma vierafen ijefuon no oifiaduomo bakin. Ijefuon maiji God fu Kaven Akai fuon fun kege oinuvuon guf ijia uniafduin. Ijefuon no Kaven Akai ijia game vierafega God fu bomana no amarigia oijmuom.

No Jesu Kurais ma vierafenva ijefuon fu unam nuvuon amarema no Godon unam ma iji gain. Regavo iviakma non Godon unam ma ijia funa karij. No bomana oimarev ijefuon maiji no vierafe God fu no aferduoga no tavan rad funa fuon sanainma ijia karivak. No ijesugin oimarvo bagavo no madu izeg no moikigia afikin abejo no ijefuon oimarev. Ijefuon maiji no afikin abejo no ijia game vierafero rad no God ma vierafeknum giriesame karivakro no ijeg vierafej. Noka afikin abej gavo no vek God ma vierafejo ijefuon God fu iji guome oinuvuon ijia unam ma iji vierafe vajuoko no reoij. No unam ma ijia ijeg kegokva no ma vierafe God fu rad no amarigia samuagduokfuon.

No Jesu ma vierafenva ijefuon iviakma God fu E Bomana nuvuon Jesu Kuraison duadok ijia no kege una unam fuon ma ijia unuido no una funa besum afurvene karivak. No Jesu Kurais ma vierafenva ijefuon fu unam nuvuon amarema no Godon unam ma iji gain. Regavo iviakma non Godon unam ma ijia funa karij. No bomana oimarev ijefuon maiji no vierafe God fu no aferduoga no tavan rad funa fuon sanainma ijia karivak. No ijesugin oimarvo bagavo no madu izeg no moikigia afikin abejo no ijefuon oimarev. Ijefuon maiji no afikin abejo no ijia game vierafero rad no God ma vierafeknum giriesame karivakro no ijeg vierafej.

Usuibe no oinva ijia no daro abe koiknuvuon karaunianamikfuon unam iji fuka bakin. Regavo God fuka bomana no oijmuin ijefuon fu Jesu Kurais kuamga fu tavan ma ijia ise nuvuon ijefuon guain.

God fu Jesu Kuraison kavuan fu kuros ijia arinma iji abe ise nuvuon somduome karaunuin. Ijefuon tavan rad God fu Jesuon duadok ijia no fuba kege vajai fian vajuok.

Regavo fun Adamri Godon akaij iji ba igainma ijefuon fur vuak rene e fok miain. Ijefuon e fok bu moikigia ise reoin. Regavo madu fu Jesu Kuraisri fuonkua God irerag fu vierafenma ijia kegoinma ijefuon fur unam amaredo God fu e fok karauniame ke unam fuon ma ijia uniak.

Regavo ijesugin bakin gavo no Godon bomana oimarev. Ijefuon maiji fur Jesu Kuraison duadok ijia unam nuvuon amarema iviakma no funa afuim karioij.