Népszerű bibliai igeversek innen: Mwanzo 17

Megosztás

Buraimu pafikire hirimu ya myaka tuswini na kenda Mola wetu akimwisusira ruhuya akimwambira akamba: “Omi ndi Nlungu Mwenyé uwezo piya. Enenda ukiniwaza Omi, uinshi bila makosa.

Mwanzo wa sambi-pa awitiwa tena Buraimu, ila ukwitiwa Iburahima konta núkutula kuwa wawa wa wanu wa inti nyingi zawenye.

Nírimbisa miyadi yangu yakupatana Omi nowe pamoja na ujukulu wako wa tarehe zija-zo. Kupatana siko ka milele, ipate niwe Mwenyezimungu wako pamoja na ujukulu wako.

“Kwa eyi miyadi yaniturire kupatana nawe-yi, ukuja kuwa wawa wa wanu wa inti nyingi zawenye.

Akinjibu akamba: “Aye! Fala na nkawako Sara akupongorera mwana nlume na uwe umpe zina ra Izaki, nírimbisa miyadi ya kupatana naye pamoja na ujukulu wake, miyadi ya kupatana daima milele.

Kanaa-yi, inti ya uri myeni sambi-pa-yi, núkupani kuwa yenu nfululu iwe mali enu uwe pamoja na ujukulu wako. Omi nikuwa Mwenyezimungu wawo.”

Noparepare Iburahima akisujudi akiseka akiwaza kimoyomoyo akamba: “Epa kweli víkidirika toto kupongoriwa na nzee wa myaka miya? Sara kawa nawo myaka tuswini ámpongola mwana namunani?”

Ikisa Mwenyezimungu kamwambira tena Iburahima kaamba: “Nkawako aumwita tena Sarai, ila úmwita Sara ndi zina rake.

Muvinirane, ipate iwe alama ya miyadi ya kupatana Omi nowe.

Fala miyadi yangu ya kupatana nírimbisa kwa sababu ya Izaki mwana waaja kukupongorera Sara mwakani kwa nowu wakati-wu.”

Kila toto nlume wa hirimu ya suku nane kati yenu umwe, ájuzi ataiwe itani. Mana ake, kwa kila ujukulu wako wa kila tarehe, na watwana wako wapongóriwe pakaya pako novyo na wantwana wayeni sawari wa rikolo rako, newo novyo wájuzi wataiwe itani. Basi novyo na watwana wapongóriwe pakaya pako na woziwe na nzuruku, piya wájuzi wataiwe itani novyo. Suna iri mmwiri mwenu ndi alama ya miyadi ya kupatana Omi nowe daima milele.