Népszerű bibliai igeversek innen: Luke 23

Megosztás

Aku-siku tiring kene Yesos-ni nimba mele: “Tata, na-kene tekemele mele akili yambuma-ni naa piliiku tekemele akiliinga nu-ni tekemelaliinga “Mindili nangi.” naa nikunu kanokunu konde tenji.” nirim. [Aku-siku tekuliinga, ui unji-perana ola [toku] ku toku naa panjiku kene] ui kumbi-leku yunga mulumbale [posuku wendu liiku nusuringma] moke tingíndu enini lupa-lupa liingíndu ku-kas teku piliiku kene penga mulumbalema liiring.

Yesos-ni pundu topa kene yundu nimba mele: “Na-ni nundu aima sika nimbu siker: “Ekupu nu na-kene wasie Yambuma Molku Konjulemele Kolea Kaína pupu molumbulú.” niker.” nirim.

Aku-sipa nimbaliinga yu-ni [Yesos-ndu] nimba mele: “Yesos, nu yi nuim kingele molkunu mélema nukuni kene na pilíí.” nirim kene

Yesos-ni ung te tondulu mundupa nimba mele: “Tata, nanga mulungale ‘Nu molluna upili.’ nimbu nu siker.” nirim. Aku-sipa nimba kene yu kulurum.

Kolea ‘Pengí Ombele’ nílina puring kene yu kene mong liiringli yisele kene unji-pera yupukunga ola [toku] ku toku panjiring. Mong liiringli yiselenga te Yesos yunga ki-bokundu [toku] ku toku, te Yesos yunga ki-tarukundu [toku] ku toku panjiring.

Yesos unji-perana ola we pípili ai-tangili ena tuwallup killok tirim kene kolea pali sumbulú topa kene penga ipinjali ena tre killok tirim kene ena alsupa topa kolea tangurum. [Ulu auli te walsekale wendu urumko. Pulu Yili popu toku kaluring] lku-temboll [Jerusallem sukundu angiliirim akuna sukundu Pulu Yili mulurum] Sulumina Aima Kake Tili akuna keri-puluna [‘Yambuma sukundu naa pangi.’ nikuliinga ui taki-taki] mulumbale auli te-ni pipi siku panjiring angiliirim. Mulumbale kanili ai-suku-singina olá topa ulsu purum.

[Rom] ami-yi wan-andret nukurum yi te Yesos turing ami-yima nokupa mulurum yi kanili-ni Yesos ung te nimba kulurum mele piliipa kanupa kene yu-ni Pulu Yili kape nimba kene nimba mele: “Yi ili yu aima sika yi numanu sumbi-nili te lam.” nirim.