Népszerű bibliai igeversek innen: Cenisihs 3

Megosztás

Ahpii tahsh ihkwe wiyaapamaatc ini mihtikoon e⁠onishihshinitc ci⁠ontancikewintc, aahpici kaye ekii minwentamo naakosinitc, ekii mihsawinaakosinitc kaye ini mihtikoon, okii otaahpinaan a'a ihkwe i'i miin ekii miicitc. Miitahsh kaye kaa⁠ishi ahshamaatc onaapeman.

Inashke tahsh kinepik nawac kiih⁠kakiihtaawentamokopan ahpiihc pahkaan aya'aawihsha' kaakii oshi'aatc kaaTipenciketc Kishemanitoo. Mii 'awe kaa'inaatc ihkwewan, “Tepwe na ko kii‑ihkito Kishemanitoo, ‘Kaawiin kika ontancikehsiim entahswaahkosiwaatc mihtikook o'omaa kihtikewahkamikonk eyaawaatc?’ ”

Kika ishi'ininim ci⁠shiinkenintiyek a'a ihkwe, kiniicaanihsiwaak kaye ta⁠shiinkenintiwak. Wiin tahsh a'a ihkwe ke⁠oniicaanihsitc kika shikohtikwaaneshkaakowaan, kiin tahsh kika wiihsakishkawimaan otoontaniniink.”

Ihkwewan tahsh okii'inaan, “Nawac kika ishi'in awahshime ci⁠wiihsakentaman kikishkawaawahsoyan, ci⁠wiihsakentaman kaye waapamaawahsoyan. Kika antawenimaa tahsh kinaapem. Wiin tahsh kika tipenimik.”

Nahkawe ci⁠apwenohkiiyan cipwaa miiciyan kimiicimim piinihsh cini ishkwaa pimaatisiyan cini kiiweyan i'imaa ahkiink kaakii onci oshi'ikooyan. Kipaankwataawankis aaniihsh, miihsh i'imaa keshi kiiweyan.”

Kishemanitoo tahsh okii'inaan Aatamoon (Adam) , “Ekiih pisintawatc tahsh a'a kiwiiw i'imaa ekii onci wiihsiniyan mihtikonk kaakii onci'inaampaan ci⁠ontancikehsiwan, mii hsa 'i kiin kiih⁠pahtaahtamaasoyan o'o ahki. Entahso kiishik kika ayaan kihci anohkiiwin ci⁠onci wiihsiniyan minihk ke⁠pimaatisiyan.

Kii‑ishi nahkwehtawaa tahsh, “Awenen kaa⁠inihk kekoon e⁠kikishkansiwan? Kikii onci wiihsin ina a'a mihtik kaakii onci'inaan ci⁠onci wiihsinihsiwan?”

Okii saakicikonkonaan itahsh ini ininiwan. Okii ahsaa' tahsh cerapiihkaana' (Cherubim) i'imaa nahke waapanonk kihtikewahkamikonk, mino ahkiink Iitin kaa⁠ishinihkaatenik. Kihci moohkomaan kaye e⁠wewepahkonehsek ke⁠kakiiponikotc awiya ci‑ishaahsik i'imaa pimaatisiwinaahtikonk.

A'a tahsh inini Aatam (Adam) okii ishinihkaanaan ini ihkwewan Iip (Eve) . Mii 'i aaniihsh wa'a keni omaamaamikotc kahkina kaa⁠pimaatisinitc.