Népszerű bibliai igeversek innen: Mata 18

Megosztás

Kə̀ aakíin, zɔ̀ŋ aa nɛ́b bəd iira, sínkɔ̀ toora ìì wál bə máá nə́gə́lə́ rə, máá kɔ̀ mə́ tə́ boò tə́ŋú.»

«Mə́ tə́ ii kíìn baàn sɔ̀ŋ, dáà nɛ́b bəd iirə aí tə́ŋú, ìì wálì ɔ̀dbə zɔ̀ŋə yɛb ba, kóó in déè nyɛɛ̀mbə̀ gə́, Báá mə́ aa lɛgə́ paà rə, dá bə̀ kíìn piinàá.

Yéésù dɛ̀rà wàà bɛ̀ŋ́sə̀wà nə́ŋ̀á, yaà dí'ù boò númú, bít bàà bə̀: «Mə́ tə́ ii kíìn baanàá, aarə nwɔŋ sɔ̀ɔ̀ná, íí pɛ́n tɛ́m, íí bíl kìínmbə̀ yɛb bɛ̀ŋ́sə̀ bəd kíin síngə́, íí bán piìnmbə̀ Vɛnɛ́b gààrə́ gá.

Nɛ́ŋ gbàáro Vɛnɛ́b Gààd lɛgə́ paà bə̀ rú bə̀, kùmsə̀n màn aa bí' yíl oò bə̀ dùú, bít bíl kìínmbə̀ wàà bɛ̀ŋ́sə̀wà aa kíin doó.

Dáà nɛ́ŋə̀ nə́ŋ̀ kè' wàà bɛ̀ŋ́sə̀wà nə́ŋ̀ì oò yiilú, kìínmbə̀ wàà aa yée kíin máá nɛ́gə́lú gə́, kè' mə́ì kɔ̀.»

Mə́ tə́ ii kíìn baanàá, aarə nwɔŋ sɔ̀ɔ̀ná: «In aa íí wáálì zɔ̀ŋə yɛ́b bərə, dákíìn wáàl lɛgə́ poú. Bít in aa íí bìnì zɔ̀ŋə yɛ́b bərə, lɛgə́ paà kɔ̀ dákíìn binmínàá.»

Bít Yéésù bàà zəg sɔ̀ŋ: «Báá mə́ aa lɛgə́ paà rə, dá ii ma'ǹ kə̀ aarə kíin. Kóó nɛ́ɛ̀réè, aí tə́ŋú, lɛ́' dàà ɔ̀dkuvɛɛ̀l oò invaksə́ aa mà'ù rə kə̀ tɛ́m nə́ŋ̀ní síngə́ roó.»

«Màn aa mà' wàà bɛ̀ŋ́sə̀wà nə́ŋ̀, bɔ̀' tɛ́mbagké oòì, yɛb bɛ̀ŋ́sə̀ bəraa tə́ mə́ bagǹ də tə́ŋə́ gə́, aa dá sɔɔ̀n də, dáà boò tabə̀ nagə̀l bəŋ gàálú, bít pà' boò lɛ́'ù nwuu gbà'á rú.

«Íí sèl tə́ leè gú? Nɛ́ŋ váàndo nə́ŋ̀ kùmì kə̀ bɛ̀rə̀ bəd naà laa núnà, bít nə́ŋ̀ bɔ̀bì gə́, zá' dàà bɛ̀rə̀ ɔ̀d kam bəraa laa naara zè kób zè dàànə́ŋ̀ní, bɔ̀b síndə fɔ̀g ba, kɔ̀l yílú, ɛ̀m dá sàà bɛ̀rə̀ nə́ŋ̀ aa bɔ̀b də géè? Dákíìn saanàá.