Bicolano, Central - Bikol Popular Version (NT) Drama

Bicolano, Central - Bikol Popular Version (NT)

<div class="version vid890 iso6393bcl" data-vid="890" data-iso6393="bcl">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">Dinara si Jesus ki Pilato</div><div class="r">(Mt. 27:1-2, 11-14; Mk. 15:1-5; Jn. 18:28-38)</div><div class="p"> 1Nagtindog an bilog na Konseho asin dinara si Jesus sa atubang ni Pilato. 2Duman isinumbong siya ninda, &#8220;Nadakop mi an tawong ini na sinosotsotan an mga tawo na magrebelde, asin nagpapangalad kan pagbayad nin buhis ki Cesar saka nagsabi na siya mismo an Cristo na sarong hade.&#8221;</div><div class="p"> 3Hinapot siya ni Pilato, &#8220;Ika an hade kan mga Judio?&#8221;</div><div class="p">&#8220;Ika na an nagsasabi,&#8221; an simbag ni Jesus.</div><div class="p"> 4Dangan sinabihan ni Pilato an mga poon na padi asin an mga tawo, &#8220;Mayo ako nin nakukuang kasalan sa tawong ini.&#8221;</div><div class="p"> 5Alagad orog sindang nag-insistir, &#8220;Nagpaparibok siya sa mga tawo sa bilog na Judea huli kan saiyang katukdoan! Nagpoon siya sa Galilea asin ngunyan uya na siya digdi.&#8221;</div><div class="s">Dinara si Jesus ki Herodes</div><div class="p"> 6Kan madangog ini ni Pilato, naghapot siya kun taga Galilea si Jesus. 7Kan maaraman niyang taga Galilea si Jesus, ipinadara niya ini ki Herodes na iyo an kagsakop sa rehiyon na idto. Si Herodes yaon sa Jerusalem kan panahon na iyan. 8Naogma nin marahay si Herodes kan mahiling niya si Jesus, huli ta nadangog na niya an dapit saiya asin haloy na niyang boot mahiling si Jesus. Boot man niyang mahiling na maggibo nin mga milagro si Jesus. 9Kaya pinagparahapot ni Herodes si Jesus, alagad dai ini nagsimbag. 10An mga poon na padi asin an mga paratukdo kan Katogonan nagduman sa enotan saka nagpahayag nin magagabat na sumbong tumang ki Jesus. 11Pinag-olog-olog saka pinagbasang-basang siya ni Herodes asin kan mga soldados kaini; dangan sinulotan siya nin magayon na gubing saka ibinalik ki Pilato. 12Kan aldaw man sanang idto nagin magkatood si Herodes asin si Pilato na dating magkaiwal.</div><div class="s">Sinentensyahan si Jesus nin Kagadanan</div><div class="r">(Mt. 27:15-26; Mk. 15:6-15; Jn. 18:39&#8211;19:16)</div><div class="p"> 13Tinipon ni Pilato an mga poon na padi, an mga lider, asin an mga tawo, 14saka sinabihan, &#8220;Dinara nindo sako an tawong ini huli ta sabi nindo nagpaparibok siya sa mga tawo. Hinapot ko siya digdi sa atubangan nindo, alagad dai ko napatunayan na nagkasala siya kan mga isinumbong nindo tumang saiya; 15siring man si Herodes, kaya ipinabalik niya si Jesus digdi sato. Mayo siya nin ginibo na magin dahelan tanganing gadanon siya. 16Kaya ipapahampak ko siya, dangan bubutasan.&#8221;</div><div class="p"> 17Lambang Pyesta nin Paskwa, binubutasan ni Pilato an sarong bilanggo na pilion kan mga tawo. 18Alagad nagkurahaw an gabos na tawo, &#8220;Gadanon siya! Si Barrabas an butasan!&#8221; (19Nabilanggo si Barrabas huli sa kariribokan na nangyari sa syudad asin huli sa panggadan.)</div><div class="p"> 20Boot ni Pilatong butasan si Jesus, kaya nagtaram giraray siya sa mga tawo. 21Alagad nagkurahaw sinda, &#8220;Ipako siya sa krus! Ipako siya sa krus!&#8221;</div><div class="p"> 22Nagsabi si Pilato sa ikatolong beses, &#8220;Tadaw, anong karatan an ginibo niya? Dai akong nakukuang anoman na dahelan tanganing gadanon siya! Kaya, ipapahampak ko siya dangan bubutasan.&#8221;</div><div class="p"> 23Alagad orog sindang nagkurahaw na si Jesus ipako sa krus, asin naotob an saindang kahagadan. 24Kaya sinentensyahan ni Pilato si Jesus tanganing masunod an kahagadan kan mga tawo. 25Binutasan niya an lalaking hinagad ninda, an nabilanggo sa pagparibok saka panggadan. Dangan itinao sainda si Jesus tanganing gibohon saiya an boot ninda.</div><div class="s">Ipinako si Jesus sa Krus</div><div class="r">(Mt. 27:32-44; Mk. 15:21-32; Jn. 19:17-27)</div><div class="p"> 26Kan ilinuluwas ninda si Jesus hale sa palasyo, nasabat ninda an sarong taga Cirene na an ngaran Simon, na minaabot pa sana hale sa oma. Pinugol ninda ini, ipinapasan an krus ni Jesus dangan pinasunod sa hudyan kaini.</div><div class="p"> 27Dakul na tawo an nagsunod ki Jesus; kabilang digdi an mga babae na nagtatangis saka naghahaya. 28Nag-atubang sainda si Jesus asin nagsabi, &#8220;Mga babaeng taga Jerusalem, dai nindo ako pagtangisan kundi pagtangisan nindo an sadiri nindo saka an saindong mga aki. 29Huli ta maabot an panahon na an mga tawo magsasabi, &#8216;Paladan an mga babaeng baog, an mga dai nagbados asin an mga dai nagpasuso!&#8217; 30Sa panahon na iyan, an mga tawo masabi sa mga bukid, &#8216;Rumpagi nindo kami!&#8217; dangan sa mga bulod, &#8216;Tambonan nindo kami!&#8217; 31Huli ta kun an siring kaini ginigibo ninda sa sarong kahoy na berde, ano daw an mangyayari sa kahoy na alang?&#8221;</div><div class="p"> 32Ilinuwas man ninda an duwang lalaking kriminal, na gagadanon kaiba ni Jesus. 33Pag-abot ninda sa lugar na inaapod &#8220;An Bungo,&#8221; ipinako ninda sa krus si Jesus; siring man an duwang kriminal, saro sa too niya asin saro sa wala. 34Nagtaram si Jesus, &#8220;Ama, patawada sinda! Huli ta dai ninda aram an saindang ginigibo.&#8221;</div><div class="p">Pinagripahan kan mga soldados an mga gubing ni Jesus tanganing pagbarangaon. 35An mga tawong yaon duman nagmamasid mantang an mga lider na Judio nagtutuya-tuya saiya. An sabi ninda, &#8220;Ilinigtas niya an iba; iligtas man niya ngunyan an sadiri niyang buhay kun talagang siya an Cristo, an pinili nin Dios!&#8221;</div><div class="p"> 36Pinagtuya-tuya man siya kan mga soldados; nagrani sinda saiya, inalok nin suka, 37saka sinabihan, &#8220;Kun ika nanggad an hade kan mga Judio, ligtasan an sadiri mong buhay!&#8221;</div><div class="p"> 38Igwa nin nakasurat sa may pamayohan niya (sa tataramon na Griyego, Latin saka Hebreyo), &#8220;Ini an Hade kan mga Judio.&#8221;</div><div class="p"> 39Pinag-olog-olog siya kan saro sa mga kriminal na nakapako. &#8220;Bakong ika an Cristo? Iligtas mo an sadiri mo asin kami,&#8221; an sabi niya.</div><div class="p"> 40Alagad sinaway siya kan kaiba niya, &#8220;Dai ka natatakot sa Dios? Sinentensyahan ka man arog saiya. 41Tama an sentensya sato huli sa ginibo ta; alagad mayo siyang ginibong sala.&#8221; 42Dangan nagsabi siya, &#8220;Jesus, giromdoma man ako pag-abot mo sa saimong Kahadean.&#8221;</div><div class="p"> 43Sinabihan siya ni Jesus, &#8220;Sa katotoohan sinasabihan taka, ngunyan mismo makakaiba taka sa Paraiso.&#8221;</div><div class="s">An Pagkagadan ni Jesus</div><div class="r">(Mt. 27:45-56; Mk. 15:33-41; Jn. 19:28-30)</div><div class="p"> 44Kan maodto na, nag-ontok sa pagsaldang an aldaw asin nagdiklom an bilog na daga sagkod alas tres nin hapon; 45dangan nabanga sa tahaw an kurtina na nasa laog kan Templo. 46Nagkurahaw si Jesus, &#8220;Ama! Sa mga kamot mo idinudusay ko an sakong espiritu!&#8221; Pakasabi niya kaini nautsan siya.</div><div class="p"> 47Kan an nangyaring ini mahiling kan kapitan na Romano, nag-omaw siya sa Dios saka nagsabi, &#8220;Totoo mananggad na mayo nin sala an tawong ini!&#8221;</div><div class="p"> 48An mga tawo na nagtiripon sa paghiling kaini, kan mahiling an nangyari, nagpuli na nagtutumbok kan saindang daghan. 49Alagad nakatindog sa harayo an mga katood ni Jesus asin an mga babaeng nagsunod saiya magpoon sa Galilea; nahiling ninda an mga bagay na ini.</div><div class="s">Ilinubong si Jesus</div><div class="r">(Mt. 27:57-61; Mk. 15:42-47; Jn. 19:38-42)</div><div class="p"> 50-51May sarong lalaki na an ngaran Jose, na taga Arimatea, sarong banwaan sa Judea. Marahay saka matanos siyang tawo na naghahalat kan pag-abot kan Kahadean nin Dios. Kaayon siya kan Konseho, alagad dai siya nag-oyon sa saindang mga plano asin mga gibo. 52Nagduman siya ki Pilato dangan hinagad an bangkay ni Jesus. 53Tinanggal niya sa krus an bangkay, pinatos nin telang lino, dangan ilinubong sa dai pa lamang ginagamit na lulubngan na tinuki sa gapo. 54Aldaw na Byernes idto, asin mapoon na an aldaw na Sabbath.</div><div class="p"> 55Nag-iba ki Jose an mga babaeng nagsunod ki Jesus magpoon sa Galilea. Nahiling ninda an linubngan asin kun paano ilinubong an bangkay ni Jesus. 56Pakatapos, nagpuli sinda dangan nag-andam nin mga pahamot saka mga panlahid para sa bangkay.</div><div class="p">Nagpahingalo sinda kan aldaw na Sabbath, sosog sa Katogonan.</div>
 </div>
 </div>
</div>

Marahay na Bareta Biblia © Philippine Bible Society, 1992.

Nagtindog an bilog na Konseho asin dinara si Jesus sa atubang ni Pilato. Duman isinumbong siya ninda, “Nadakop mi an tawong ini na sinosotsotan an mga tawo na magrebelde, asin nagpapangalad kan pagbayad nin buhis ki Cesar saka nagsabi na siya mismo an Cristo na sarong hade.”
Hinapot siya ni Pilato, “Ika an hade kan mga Judio?”
“Ika na an nagsasabi,” an simbag ni Jesus.
Dangan sinabihan ni Pilato an mga poon na padi asin an mga tawo, “Mayo ako nin nakukuang kasalan sa tawong ini.”
Alagad orog sindang nag-insistir, “Nagpaparibok siya sa mga tawo sa bilog na Judea huli kan saiyang katukdoan! Nagpoon siya sa Galilea asin ngunyan uya na siya digdi.”

Kan madangog ini ni Pilato, naghapot siya kun taga Galilea si Jesus. Kan maaraman niyang taga Galilea si Jesus, ipinadara niya ini ki Herodes na iyo an kagsakop sa rehiyon na idto. Si Herodes yaon sa Jerusalem kan panahon na iyan. Naogma nin marahay si Herodes kan mahiling niya si Jesus, huli ta nadangog na niya an dapit saiya asin haloy na niyang boot mahiling si Jesus. Boot man niyang mahiling na maggibo nin mga milagro si Jesus. Kaya pinagparahapot ni Herodes si Jesus, alagad dai ini nagsimbag. An mga poon na padi asin an mga paratukdo kan Katogonan nagduman sa enotan saka nagpahayag nin magagabat na sumbong tumang ki Jesus. Pinag-olog-olog saka pinagbasang-basang siya ni Herodes asin kan mga soldados kaini; dangan sinulotan siya nin magayon na gubing saka ibinalik ki Pilato. Kan aldaw man sanang idto nagin magkatood si Herodes asin si Pilato na dating magkaiwal.


Tinipon ni Pilato an mga poon na padi, an mga lider, asin an mga tawo, saka sinabihan, “Dinara nindo sako an tawong ini huli ta sabi nindo nagpaparibok siya sa mga tawo. Hinapot ko siya digdi sa atubangan nindo, alagad dai ko napatunayan na nagkasala siya kan mga isinumbong nindo tumang saiya; siring man si Herodes, kaya ipinabalik niya si Jesus digdi sato. Mayo siya nin ginibo na magin dahelan tanganing gadanon siya. Kaya ipapahampak ko siya, dangan bubutasan.”
Lambang Pyesta nin Paskwa, binubutasan ni Pilato an sarong bilanggo na pilion kan mga tawo. Alagad nagkurahaw an gabos na tawo, “Gadanon siya! Si Barrabas an butasan!” (Nabilanggo si Barrabas huli sa kariribokan na nangyari sa syudad asin huli sa panggadan.)
Boot ni Pilatong butasan si Jesus, kaya nagtaram giraray siya sa mga tawo. Alagad nagkurahaw sinda, “Ipako siya sa krus! Ipako siya sa krus!”
Nagsabi si Pilato sa ikatolong beses, “Tadaw, anong karatan an ginibo niya? Dai akong nakukuang anoman na dahelan tanganing gadanon siya! Kaya, ipapahampak ko siya dangan bubutasan.”
Alagad orog sindang nagkurahaw na si Jesus ipako sa krus, asin naotob an saindang kahagadan. Kaya sinentensyahan ni Pilato si Jesus tanganing masunod an kahagadan kan mga tawo. Binutasan niya an lalaking hinagad ninda, an nabilanggo sa pagparibok saka panggadan. Dangan itinao sainda si Jesus tanganing gibohon saiya an boot ninda.


Kan ilinuluwas ninda si Jesus hale sa palasyo, nasabat ninda an sarong taga Cirene na an ngaran Simon, na minaabot pa sana hale sa oma. Pinugol ninda ini, ipinapasan an krus ni Jesus dangan pinasunod sa hudyan kaini.
Dakul na tawo an nagsunod ki Jesus; kabilang digdi an mga babae na nagtatangis saka naghahaya. Nag-atubang sainda si Jesus asin nagsabi, “Mga babaeng taga Jerusalem, dai nindo ako pagtangisan kundi pagtangisan nindo an sadiri nindo saka an saindong mga aki. Huli ta maabot an panahon na an mga tawo magsasabi, ‘Paladan an mga babaeng baog, an mga dai nagbados asin an mga dai nagpasuso!’ Sa panahon na iyan, an mga tawo masabi sa mga bukid, ‘Rumpagi nindo kami!’ dangan sa mga bulod, ‘Tambonan nindo kami!’ Huli ta kun an siring kaini ginigibo ninda sa sarong kahoy na berde, ano daw an mangyayari sa kahoy na alang?”
Ilinuwas man ninda an duwang lalaking kriminal, na gagadanon kaiba ni Jesus. Pag-abot ninda sa lugar na inaapod “An Bungo,” ipinako ninda sa krus si Jesus; siring man an duwang kriminal, saro sa too niya asin saro sa wala. Nagtaram si Jesus, “Ama, patawada sinda! Huli ta dai ninda aram an saindang ginigibo.”
Pinagripahan kan mga soldados an mga gubing ni Jesus tanganing pagbarangaon. An mga tawong yaon duman nagmamasid mantang an mga lider na Judio nagtutuya-tuya saiya. An sabi ninda, “Ilinigtas niya an iba; iligtas man niya ngunyan an sadiri niyang buhay kun talagang siya an Cristo, an pinili nin Dios!”
Pinagtuya-tuya man siya kan mga soldados; nagrani sinda saiya, inalok nin suka, saka sinabihan, “Kun ika nanggad an hade kan mga Judio, ligtasan an sadiri mong buhay!”
Igwa nin nakasurat sa may pamayohan niya (sa tataramon na Griyego, Latin saka Hebreyo), “Ini an Hade kan mga Judio.”
Pinag-olog-olog siya kan saro sa mga kriminal na nakapako. “Bakong ika an Cristo? Iligtas mo an sadiri mo asin kami,” an sabi niya.
Alagad sinaway siya kan kaiba niya, “Dai ka natatakot sa Dios? Sinentensyahan ka man arog saiya. Tama an sentensya sato huli sa ginibo ta; alagad mayo siyang ginibong sala.” Dangan nagsabi siya, “Jesus, giromdoma man ako pag-abot mo sa saimong Kahadean.”
Sinabihan siya ni Jesus, “Sa katotoohan sinasabihan taka, ngunyan mismo makakaiba taka sa Paraiso.”


Kan maodto na, nag-ontok sa pagsaldang an aldaw asin nagdiklom an bilog na daga sagkod alas tres nin hapon; dangan nabanga sa tahaw an kurtina na nasa laog kan Templo. Nagkurahaw si Jesus, “Ama! Sa mga kamot mo idinudusay ko an sakong espiritu!” Pakasabi niya kaini nautsan siya.
Kan an nangyaring ini mahiling kan kapitan na Romano, nag-omaw siya sa Dios saka nagsabi, “Totoo mananggad na mayo nin sala an tawong ini!”
An mga tawo na nagtiripon sa paghiling kaini, kan mahiling an nangyari, nagpuli na nagtutumbok kan saindang daghan. Alagad nakatindog sa harayo an mga katood ni Jesus asin an mga babaeng nagsunod saiya magpoon sa Galilea; nahiling ninda an mga bagay na ini.


May sarong lalaki na an ngaran Jose, na taga Arimatea, sarong banwaan sa Judea. Marahay saka matanos siyang tawo na naghahalat kan pag-abot kan Kahadean nin Dios. Kaayon siya kan Konseho, alagad dai siya nag-oyon sa saindang mga plano asin mga gibo. Nagduman siya ki Pilato dangan hinagad an bangkay ni Jesus. Tinanggal niya sa krus an bangkay, pinatos nin telang lino, dangan ilinubong sa dai pa lamang ginagamit na lulubngan na tinuki sa gapo. Aldaw na Byernes idto, asin mapoon na an aldaw na Sabbath.
Nag-iba ki Jose an mga babaeng nagsunod ki Jesus magpoon sa Galilea. Nahiling ninda an linubngan asin kun paano ilinubong an bangkay ni Jesus. Pakatapos, nagpuli sinda dangan nag-andam nin mga pahamot saka mga panlahid para sa bangkay.
Nagpahingalo sinda kan aldaw na Sabbath, sosog sa Katogonan.

Hallgasd meg Lukas 23