Sea Island Creole English: De Nyew Testament

De Nyew Testament

<div class="version vid585 iso6393gul" data-vid="585" data-iso6393="gul">
   <div class="book bkLUK">
      <div class="chapter ch4" data-usfm="LUK.4">
         <div class="label">4</div><div class="m"><span class="content">  </span><span class="verse v1" data-usfm="LUK.4.1"><span class="label">1</span><span class="content">Jedus come back fom de Jerden Riba, an e been full op wid de Holy Sperit. De Sperit lead um eenta de wildaness. </span></span><span class="verse v2" data-usfm="LUK.4.2"><span class="label">2</span><span class="content">Jedus been dey foty day. An all dat time de Debil beena try fa mek um do some ebil ting. Jedus ain nyam nottin jurin dat time. So wen dem foty day done pass, e been hongry down.</span></span></div><div class="p"><span class="verse v2" data-usfm="LUK.4.2"><span class="content">  </span></span><span class="verse v3" data-usfm="LUK.4.3"><span class="label">3</span><span class="content">De Debil tell um say, &#8220;Since ya God Son, mek dis rock yah ton ta bread.&#8221;</span></span></div><div class="p"><span class="verse v3" data-usfm="LUK.4.3"><span class="content">  </span></span><span class="verse v4" data-usfm="LUK.4.4"><span class="label">4</span><span class="content">Jedus ansa um say, &#8220;Dey write down een God Book say, &#8216;People ain able fa lib fa true lessin dey got mo den sompin fa nyam. Dey lib by ebry wod wa God gim.&#8217; &#8221;</span></span></div><div class="p"><span class="verse v4" data-usfm="LUK.4.4"><span class="content">  </span></span><span class="verse v5" data-usfm="LUK.4.5"><span class="label">5</span><span class="content">De Debil tek Jedus op a high place an show um all de country een de wol at one time. </span></span><span class="verse v6" data-usfm="LUK.4.6"><span class="label">6</span><span class="content">E tell Jedus say, &#8220;A gwine gii ya powa fa rule oba all dem country yah an all de good ting dem dey, wa mek people too heppy. Cause all dem ting yah blongst ta me now, an A able fa gim ta anybody A wahn. </span></span><span class="verse v7" data-usfm="LUK.4.7"><span class="label">7</span><span class="content">A gwine gii ya all dem ting ef ya bow down an woshup me op.&#8221;</span></span></div><div class="p"><span class="verse v7" data-usfm="LUK.4.7"><span class="content">  </span></span><span class="verse v8" data-usfm="LUK.4.8"><span class="label">8</span><span class="content">Jedus ansa um say, &#8220;Dey write down een God Book, say, &#8216;Mus woshup de Lawd ya God an mus dohn saab nobody cep um.&#8217; &#8221;</span></span></div><div class="p"><span class="verse v8" data-usfm="LUK.4.8"><span class="content">  </span></span><span class="verse v9" data-usfm="LUK.4.9"><span class="label">9</span><span class="content">De Debil tek Jedus ta Jerusalem an set um op pon de mos high paat ob God House. E tell Jedus say, &#8220;Since ya God Son, shrow yasef down fom yah. </span></span><span class="verse v10" data-usfm="LUK.4.10"><span class="label">10</span><span class="content">Cause dey write down een God Book say,</span></span></div><div class="q"><span class="verse v10" data-usfm="LUK.4.10"><span class="content">&#8216;God gwine gii orda ta e angel dem,</span></span></div><div class="q2"><span class="verse v10" data-usfm="LUK.4.10"><span class="content">tell um fa tek cyah ob ya so dat nottin ain gwine haam ya.&#8217;</span></span></div><div class="q"><span class="verse v10" data-usfm="LUK.4.10"><span class="content">  </span></span><span class="verse v11" data-usfm="LUK.4.11"><span class="label">11</span><span class="content">An e say too, &#8216;De angel dem gwine tote ya een dey han,</span></span></div><div class="q2"><span class="verse v11" data-usfm="LUK.4.11"><span class="content">so dat ya ain gwine hut eben ya foot pon a rock.&#8217; &#8221;</span></span></div><div class="p"><span class="verse v11" data-usfm="LUK.4.11"><span class="content">  </span></span><span class="verse v12" data-usfm="LUK.4.12"><span class="label">12</span><span class="content">Jedus ansa um, &#8220;Dey write down een God Book, say, &#8216;Mus dohn tempt de Lawd ya God fa jes do wa ya wahn.&#8217; &#8221;</span></span></div><div class="p"><span class="verse v12" data-usfm="LUK.4.12"><span class="content">  </span></span><span class="verse v13" data-usfm="LUK.4.13"><span class="label">13</span><span class="content">Wen de Debil done try fa mek Jedus do ebil een all kind ob way an e ain able fa tempt um, e gone an lef Jedus fa leetle wile.</span></span></div><div class="s"><span class="heading">Jedus Staat E Wok een Galilee</span></div><div class="r"><span class="heading">  </span><span class="heading">Matthew 4:12-17</span><span class="heading">; </span><span class="heading">Mark 1:14-15</span></div><div class="p"><span class="verse v13" data-usfm="LUK.4.13"><span class="content">  </span></span><span class="verse v14" data-usfm="LUK.4.14"><span class="label">14</span><span class="content">Jedus gone back ta Galilee wid de powa ob God Sperit, an de nyews bout Jedus git roun ebryweh een de whole arie. </span></span><span class="verse v15" data-usfm="LUK.4.15"><span class="label">15</span><span class="content">Jedus beena laan de people een all dey meetin house, an ebrybody praise um.</span></span></div><div class="s"><span class="heading">Jedus een Nazareth</span></div><div class="r"><span class="heading">  </span><span class="heading">Matthew 13:53-58</span><span class="heading">; </span><span class="heading">Mark 6:1-6</span></div><div class="p"><span class="verse v15" data-usfm="LUK.4.15"><span class="content">  </span></span><span class="verse v16" data-usfm="LUK.4.16"><span class="label">16</span><span class="content">Jedus gone ta Nazareth, weh e lib fom de time e been a leetle chile til e git big. Wen de Jew Woshup Day come, e gone ta de meetin house like done all de time, an e stanop fa read God Book ta de people. </span></span><span class="verse v17" data-usfm="LUK.4.17"><span class="label">17</span><span class="content">Dey gim de book wa de prophet Isaiah been write. So den, Jedus open de book ta de place weh Isaiah write, say,</span></span></div><div class="q"><span class="verse v17" data-usfm="LUK.4.17"><span class="content">  </span></span><span class="verse v18" data-usfm="LUK.4.18"><span class="label">18</span><span class="content">&#8220;De Sperit ob de Lawd pon me.</span></span></div><div class="q2"><span class="verse v18" data-usfm="LUK.4.18"><span class="content">E done pick me fa tell de Good Nyews ta de po people.</span></span></div><div class="q"><span class="verse v18" data-usfm="LUK.4.18"><span class="content">E done sen me fa tell dem wa ain free,</span></span></div><div class="q2"><span class="verse v18" data-usfm="LUK.4.18"><span class="content">say, &#8216;Oona gwine be free.&#8217;</span></span></div><div class="q"><span class="verse v18" data-usfm="LUK.4.18"><span class="content">E sen me fa tell de bline people,</span></span></div><div class="q2"><span class="verse v18" data-usfm="LUK.4.18"><span class="content">say, &#8216;Oona gwine see gin.&#8217;</span></span></div><div class="q"><span class="verse v18" data-usfm="LUK.4.18"><span class="content">E sen me fa free dem wa da suffa.</span></span></div><div class="q"><span class="verse v18" data-usfm="LUK.4.18"><span class="content">  </span></span><span class="verse v19" data-usfm="LUK.4.19"><span class="label">19</span><span class="content">An e sen me fa tell de people say,</span></span></div><div class="q2"><span class="verse v19" data-usfm="LUK.4.19"><span class="content">&#8216;De time done come wen de Lawd gwine sabe e people.&#8217; &#8221;</span></span></div><div class="p"><span class="verse v19" data-usfm="LUK.4.19"><span class="content">  </span></span><span class="verse v20" data-usfm="LUK.4.20"><span class="label">20</span><span class="content">Den Jedus shet de book an gim ta de man wa tek cyah ob de book an e seddown. Ebrybody een de meetin house fasten e eye pon um. </span></span><span class="verse v21" data-usfm="LUK.4.21"><span class="label">21</span><span class="content">An Jedus tell um say, &#8220;Taday dis paat ob God Book done come true, same time oona yeh um.&#8221;</span></span></div><div class="p"><span class="verse v21" data-usfm="LUK.4.21"><span class="content">  </span></span><span class="verse v22" data-usfm="LUK.4.22"><span class="label">22</span><span class="content">De people dem all taak good bout Jedus. Dey stonish cause e know how fa pit e wod jes so. An dey say, &#8220;Ain dis Joseph boy?&#8221;</span></span></div><div class="p"><span class="verse v22" data-usfm="LUK.4.22"><span class="content">  </span></span><span class="verse v23" data-usfm="LUK.4.23"><span class="label">23</span><span class="content">An Jedus tell um say, &#8220;Fa sho, oona gwine tell me dat ole wise wod, say, &#8216;Docta, mek yasef well!&#8217; Oona gwine say, &#8216;All dem miracle wa we yeh say ya done een Capernaum, ya mus do de same ting yah weh ya raise op.&#8217; &#8221; </span></span><span class="verse v24" data-usfm="LUK.4.24"><span class="label">24</span><span class="content">An Jedus say, &#8220;A da tell oona fa true, ain no prophet wa eba git hona weh e raise op. </span></span><span class="verse v25" data-usfm="LUK.4.25"><span class="label">25</span><span class="content">Fa true, de time wen Elijah been een Israel, e ain rain fa shree yeah an six mont. Dey been a dry drought, an de people beena staab een de whole country. An fa sho, plenty wida ooman been dey een Israel. </span></span><span class="verse v26" data-usfm="LUK.4.26"><span class="label">26</span><span class="content">Stillyet, God ain sen Elijah ta none dem wida ooman een Israel. Steada dat, e jes sen um ta one wida wa lib een Zarephath town een de arie call Sidon. </span></span><span class="verse v27" data-usfm="LUK.4.27"><span class="label">27</span><span class="content">An de time wen Elisha de prophet beena tell God wod een Israel, plenty people wid leposy been dey, bot Elisha ain mek none dem clean cep fa Naaman, wa come fom Syria.&#8221;</span></span></div><div class="p"><span class="verse v27" data-usfm="LUK.4.27"><span class="content">  </span></span><span class="verse v28" data-usfm="LUK.4.28"><span class="label">28</span><span class="content">Wen de people een de meetin house yeh dat, dey all been mad down. </span></span><span class="verse v29" data-usfm="LUK.4.29"><span class="label">29</span><span class="content">Dey jomp op an chunk Jedus outta de town. Dey tek um ta de top ob de hill weh dey town been build, fa shrow um oba de edge ob de hill. </span></span><span class="verse v30" data-usfm="LUK.4.30"><span class="label">30</span><span class="content">Bot Jedus waak shru de middle ob de people an gone pon e way.</span></span></div><div class="s"><span class="heading">Jedus Mek Ebil Sperit Come Outta a Man</span></div><div class="r"><span class="heading">  </span><span class="heading">Mark 1:21-28</span></div><div class="p"><span class="verse v30" data-usfm="LUK.4.30"><span class="content">  </span></span><span class="verse v31" data-usfm="LUK.4.31"><span class="label">31</span><span class="content">Jedus gone down ta Capernaum, a town een Galilee. E beena laan de people dey ebry Jew Woshup Day. </span></span><span class="verse v32" data-usfm="LUK.4.32"><span class="label">32</span><span class="content">An dey been stonish wen dey yeh um, cause e laan um wid tority fa true. </span></span><span class="verse v33" data-usfm="LUK.4.33"><span class="label">33</span><span class="content">One ebil sperit been een a man dey een de Jew meetin house, an e holla loud say, </span></span><span class="verse v34" data-usfm="LUK.4.34"><span class="label">34</span><span class="content">&#8220;Leh we be! Jedus fom Nazareth, wa bidness ya got wid we? Ya come fa stroy we? A know who ya da. Ya blongst ta God fa true!&#8221;</span></span></div><div class="p"><span class="verse v34" data-usfm="LUK.4.34"><span class="content">  </span></span><span class="verse v35" data-usfm="LUK.4.35"><span class="label">35</span><span class="content">Jedus chaage dat ebil sperit say, &#8220;Dohn crack ya teet! Come out fom eenside dis man!&#8221; De ebil sperit shrow de man ta de groun fo all de people, an e lef um. An e ain done de man no haam.</span></span></div><div class="p"><span class="verse v35" data-usfm="LUK.4.35"><span class="content">  </span></span><span class="verse v36" data-usfm="LUK.4.36"><span class="label">36</span><span class="content">All de people been stonish, an dey tell one noda say, &#8220;Wa kind ob wod dis man nyuse? E da taak scrong, wid tority, an e da gii orda ta de ebil sperit an dey come out!&#8221; </span></span><span class="verse v37" data-usfm="LUK.4.37"><span class="label">37</span><span class="content">An de nyews git roun all de town an settlement close by bout wa Jedus da do.</span></span></div><div class="s"><span class="heading">Jedus Heal Plenty People</span></div><div class="r"><span class="heading">  </span><span class="heading">Matthew 8:14-17</span><span class="heading">; </span><span class="heading">Mark 1:29-34</span></div><div class="p"><span class="verse v37" data-usfm="LUK.4.37"><span class="content">  </span></span><span class="verse v38" data-usfm="LUK.4.38"><span class="label">38</span><span class="content">Jedus git op an lef de meetin house an gone ta Simon house. Simon wife modda been bad off sick wid a high feba, so dey aks Jedus fa hep de sick ooman. </span></span><span class="verse v39" data-usfm="LUK.4.39"><span class="label">39</span><span class="content">Jedus gone stanop close ta e bed, an e buke de feba, an de feba lef um. Same time de ooman git op an staat fa fix sompin fa dem fa nyam.</span></span></div><div class="p"><span class="verse v39" data-usfm="LUK.4.39"><span class="content">  </span></span><span class="verse v40" data-usfm="LUK.4.40"><span class="label">40</span><span class="content">Bout fus daak, all de people bring all kind ob sick people ta Jedus. E pit e two han pon um, an all dem been heal. </span></span><span class="verse v41" data-usfm="LUK.4.41"><span class="label">41</span><span class="content">Fodamo, ebil sperit dem come outta a heapa people. Dem sperit holla say, &#8220;Ya God Son!&#8221;</span></span></div><div class="p"><span class="verse v41" data-usfm="LUK.4.41"><span class="content">Jedus chaage um say, &#8220;Mus dohn open oona mout!&#8221; Cause de ebil sperit been know Jedus de Messiah.</span></span></div><div class="s"><span class="heading">Jedus Preach de Good Nyews ta de People</span></div><div class="r"><span class="heading">  </span><span class="heading">Mark 1:35-39</span></div><div class="p"><span class="verse v41" data-usfm="LUK.4.41"><span class="content">  </span></span><span class="verse v42" data-usfm="LUK.4.42"><span class="label">42</span><span class="content">Wen day clean, Jedus lef de town an gone ta a place weh dey ain been no people, an de crowd saach fa um. Wen dey find um, dey try fa keep um dey wid um. </span></span><span class="verse v43" data-usfm="LUK.4.43"><span class="label">43</span><span class="content">Bot Jedus tell um say, &#8220;A haffa go ta all de oda town dem too, fa tell de people de Good Nyews bout how God da rule, cause dat wa God sen me fa do.&#8221;</span></span></div><div class="p"><span class="verse v43" data-usfm="LUK.4.43"><span class="content">  </span></span><span class="verse v44" data-usfm="LUK.4.44"><span class="label">44</span><span class="content">An Jedus gone an preach een de Jew meetin house dem een Judea.</span></span></div><div class="s"><span class="heading">De Fus Ciple Dem Folla Jedus</span></div><div class="r"><span class="heading">  </span><span class="heading">Matthew 4:18-22</span><span class="heading">; </span><span class="heading">Mark 1:16-20</span></div>
      </div>
   </div>
</div>

Jedus come back fom de Jerden Riba, an e been full op wid de Holy Sperit. De Sperit lead um eenta de wildaness. Jedus been dey foty day. An all dat time de Debil beena try fa mek um do some ebil ting. Jedus ain nyam nottin jurin dat time. So wen dem foty day done pass, e been hongry down.
De Debil tell um say, “Since ya God Son, mek dis rock yah ton ta bread.”
Jedus ansa um say, “Dey write down een God Book say, ‘People ain able fa lib fa true lessin dey got mo den sompin fa nyam. Dey lib by ebry wod wa God gim.’ ”
De Debil tek Jedus op a high place an show um all de country een de wol at one time. E tell Jedus say, “A gwine gii ya powa fa rule oba all dem country yah an all de good ting dem dey, wa mek people too heppy. Cause all dem ting yah blongst ta me now, an A able fa gim ta anybody A wahn. A gwine gii ya all dem ting ef ya bow down an woshup me op.”
Jedus ansa um say, “Dey write down een God Book, say, ‘Mus woshup de Lawd ya God an mus dohn saab nobody cep um.’ ”
De Debil tek Jedus ta Jerusalem an set um op pon de mos high paat ob God House. E tell Jedus say, “Since ya God Son, shrow yasef down fom yah. Cause dey write down een God Book say,
‘God gwine gii orda ta e angel dem,
tell um fa tek cyah ob ya so dat nottin ain gwine haam ya.’
An e say too, ‘De angel dem gwine tote ya een dey han,
so dat ya ain gwine hut eben ya foot pon a rock.’ ”
Jedus ansa um, “Dey write down een God Book, say, ‘Mus dohn tempt de Lawd ya God fa jes do wa ya wahn.’ ”
Wen de Debil done try fa mek Jedus do ebil een all kind ob way an e ain able fa tempt um, e gone an lef Jedus fa leetle wile.


Jedus gone back ta Galilee wid de powa ob God Sperit, an de nyews bout Jedus git roun ebryweh een de whole arie. Jedus beena laan de people een all dey meetin house, an ebrybody praise um.


Jedus gone ta Nazareth, weh e lib fom de time e been a leetle chile til e git big. Wen de Jew Woshup Day come, e gone ta de meetin house like done all de time, an e stanop fa read God Book ta de people. Dey gim de book wa de prophet Isaiah been write. So den, Jedus open de book ta de place weh Isaiah write, say,
“De Sperit ob de Lawd pon me.
E done pick me fa tell de Good Nyews ta de po people.
E done sen me fa tell dem wa ain free,
say, ‘Oona gwine be free.’
E sen me fa tell de bline people,
say, ‘Oona gwine see gin.’
E sen me fa free dem wa da suffa.
An e sen me fa tell de people say,
‘De time done come wen de Lawd gwine sabe e people.’ ”
Den Jedus shet de book an gim ta de man wa tek cyah ob de book an e seddown. Ebrybody een de meetin house fasten e eye pon um. An Jedus tell um say, “Taday dis paat ob God Book done come true, same time oona yeh um.”
De people dem all taak good bout Jedus. Dey stonish cause e know how fa pit e wod jes so. An dey say, “Ain dis Joseph boy?”
An Jedus tell um say, “Fa sho, oona gwine tell me dat ole wise wod, say, ‘Docta, mek yasef well!’ Oona gwine say, ‘All dem miracle wa we yeh say ya done een Capernaum, ya mus do de same ting yah weh ya raise op.’ ” An Jedus say, “A da tell oona fa true, ain no prophet wa eba git hona weh e raise op. Fa true, de time wen Elijah been een Israel, e ain rain fa shree yeah an six mont. Dey been a dry drought, an de people beena staab een de whole country. An fa sho, plenty wida ooman been dey een Israel. Stillyet, God ain sen Elijah ta none dem wida ooman een Israel. Steada dat, e jes sen um ta one wida wa lib een Zarephath town een de arie call Sidon. An de time wen Elisha de prophet beena tell God wod een Israel, plenty people wid leposy been dey, bot Elisha ain mek none dem clean cep fa Naaman, wa come fom Syria.”
Wen de people een de meetin house yeh dat, dey all been mad down. Dey jomp op an chunk Jedus outta de town. Dey tek um ta de top ob de hill weh dey town been build, fa shrow um oba de edge ob de hill. Bot Jedus waak shru de middle ob de people an gone pon e way.


Jedus gone down ta Capernaum, a town een Galilee. E beena laan de people dey ebry Jew Woshup Day. An dey been stonish wen dey yeh um, cause e laan um wid tority fa true. One ebil sperit been een a man dey een de Jew meetin house, an e holla loud say, “Leh we be! Jedus fom Nazareth, wa bidness ya got wid we? Ya come fa stroy we? A know who ya da. Ya blongst ta God fa true!”
Jedus chaage dat ebil sperit say, “Dohn crack ya teet! Come out fom eenside dis man!” De ebil sperit shrow de man ta de groun fo all de people, an e lef um. An e ain done de man no haam.
All de people been stonish, an dey tell one noda say, “Wa kind ob wod dis man nyuse? E da taak scrong, wid tority, an e da gii orda ta de ebil sperit an dey come out!” An de nyews git roun all de town an settlement close by bout wa Jedus da do.


Jedus git op an lef de meetin house an gone ta Simon house. Simon wife modda been bad off sick wid a high feba, so dey aks Jedus fa hep de sick ooman. Jedus gone stanop close ta e bed, an e buke de feba, an de feba lef um. Same time de ooman git op an staat fa fix sompin fa dem fa nyam.
Bout fus daak, all de people bring all kind ob sick people ta Jedus. E pit e two han pon um, an all dem been heal. Fodamo, ebil sperit dem come outta a heapa people. Dem sperit holla say, “Ya God Son!”
Jedus chaage um say, “Mus dohn open oona mout!” Cause de ebil sperit been know Jedus de Messiah.


Wen day clean, Jedus lef de town an gone ta a place weh dey ain been no people, an de crowd saach fa um. Wen dey find um, dey try fa keep um dey wid um. Bot Jedus tell um say, “A haffa go ta all de oda town dem too, fa tell de people de Good Nyews bout how God da rule, cause dat wa God sen me fa do.”
An Jedus gone an preach een de Jew meetin house dem een Judea.

Hallgasd meg Luke 4