If you would like a copy of this version please contact info@davarpartners.org

Cigogo Old Testament

<div class="version vid3039 iso6393gog" data-vid="3039" data-iso6393="gog">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s">Kayini na Habeli</div><div class="p"> 1Nayo Adamu yakamumanya u mugolece wakwe Hawa, yakatuga 'nda, yakamulela Kayini. Nayo Hawa yakatya, &#8220;Ane namutuga mwana we cilume ko wutazi wo Muwaha Mulungu.&#8221; 2Hanyuma kanyhi yakawa kumulela Habeli mwanakwawe. Habeli yali mudima ngholo, na Kayini nayo yali mulimi wa mugunda. 3Hanyuma ya vilo vicefu, Kayini yakamulavizya Mulungu vilavywa ku wulawa mu vilimwa vya mu mugunda wakwe. 4Habeli nayo, yakamulavizya Mulungu zinyana ze zingholo zinongozi kulelwa, za mwi'tewa lyakwe, zono zijinile viswanu muno muno. Nayo Muwaha Mulungu, yakendezwa muno muno na Habeli, hamonga ne vilavywa vyakwe. 5Ninga u Mulungu siyendezwa hamba hadodo na Kayini, hamonga ne vilavywa vyakwe. Hodu, nayo Kayini yali yeza kuziwona zizo, yakawa kukolwa ne likuwo muno muno, no wusu wakwe wukakununghala muno muno, ku soko ya lilyo likuwo lyakwe. 6U Muwaha Mulungu yakawa kumutya Kayini, &#8220;Kayini, alu nhawule wakolwa ne likuwo, sunga no wusu wako wukununghaye nhavivyo? 7Alu, wule, si yili mbeka vyono nagwe wali wuvumilwe nhavivyo, hono wali witume viswanu? Ninga alu vyono witumile vibi, holeka u wubi wehwana lilimu, wikaye ha mulango wako wukukusulumila wukuhawanje, ninga yikunojeye agwe wuwusumize.&#8221;</div><div class="p"> 8Hanyuma yayo, Kayini yakamulonjela u mwanakwawe Habeli yakatya, &#8220;Gwe mwanakwetu, ale cibite cikatembele mu mawimbi.&#8221; Nawo lono wali wali kuko mu mawimbi, hodu Kayini yakawa kumuhungucila u mwanakwawe Habeli, yakawa kumuwulaga. 9Nayo u Muwaha Mulungu yakamuwuza Kayini yakutya, &#8220;Alu Kayini, u mwanakwenyu Habeli yali hayi lu?&#8221; Mwene Kayini yakapitula yakatya, &#8220;Magu ta, ane simanyile kono koyuli, hambi ane yo nili mudimi wo mwanakwetu?&#8221; 10Nayo u Mulungu yakamutya Kayini, &#8220;Alu nghanici yiyi yono wuyinozize? Hambi isakami yo mwanakwenyu Habeli, nha yikundilila wulawa mu muhangha. 11Alu agwe Kayini, hodu kulijitwa! Holeka sikosuma kujendelela kuwulima muhangha wuwuno wo moso, wono wahamuye u mulomo wayo, no kuying'wa i sakami yo mwanakwenyu Habeli, mono wumuwulaje gwegwe. 12Na hono wijelele du wuwulime muhangha wuwo, hamba sikotujila lukulu cinhu co cose. Nagwe kanyhi kowa wusina wikalo ho hose, langa kowa kwanga caka du ako na ako mono'nze.&#8221;</div><div class="p"> 13Kayini nayo yakamupitula u Mulungu yakatya, &#8220;U wulipicizwe wangu nha wuwaha muno, mu nghango yono hamba sinosuma kuwudinghula. 14Alu lanje ta, waminga ane i hanhu hono howuli muhangha wono wina moso, kanyhi sunga na ha mwande yako. Holeka nane ku wulawa lulu, nowa munhu mono nowa kwanga du ako na ako, na kanyhi nowa sina wikalo wono wuluwucile mono'nze, holeka u munhu wo wose du mono kombona, kosuma kumbulaga.&#8221; 15Ninga u Mulungu yakamutya Kayini, &#8220;Ng'o, si nhavivyo! Yuyo mono kokuwulaga, ale kolipicizwa kali mupunghati.&#8221; Ale u Muwaha Mulungu yakawa kumuwicila Kayini citanjilo, u munhu wo wose mono komuwona ho yalece kumuwulaga. 16Hodu nayo Kayini yakawa kuwuka ha mwande yo Mulungu, yakawa kubita kwikala mu yisi yono yili ku lubavu lwa kucilima ye Adeni, yono yikucemwa Nodi.</div><div class="s">I zindelwa za Kayini</div><div class="p"> 17Kayini yakamumanya u mugolece wakwe, nayo mugolece wakwe yakatuga 'nda, yakasawa mwana mono yakucemwa Enoci. Kayini yakazenga likaya, yakalicemela litagwa lyo mwanagwe Enoci. 18Nayo Enoci yakamulela Iladi, nayo Iladi yakamulela Mehuyayeli, Mehuyayeli nayo, yakamulela Metusayeli, nayo Metusayeli yakamulela Lameci, 19nayo yuyo Lameci yakatola wacekulu wejete, yumonga yacemwaga Ada, no muyagwe Zila. 20Ada yo yamulela Yabali, mono yali yo sogo ye wadima zimitugo, wono wekalaga mu mahema. 21Ne litagwa lyo mwanakwawe, yali Yubali, mono yali yo sogo ye watowa masumbi ne zifulembe wanghula. 22Zila nayo u mugolece we kejete, yakamulela Tubali-kayini, mono yali yo munghula wo kunoza viya vyose vye shaba na vye cuma. U lumbulye wa Tubali-kayini, yacemwaga Naama.</div><div class="p"> 23Lameci yakawalonjela i wagolece zakwe vyono wejete, wa Ada na Zila yakatya, &#8220;Ta muhulicizaje,</div><div class="q1">Muhulicizaje mugolile nye nyo wagolece zangu.</div><div class="q1">Ane no muyenyu, nimuwulaga u muzelelo yumonga, vyono mweneco</div><div class="q1">yo yamuye kunhowa no kumhela nghomele.</div><div class="q1">Ku soko yiyo holeka nane niwa kumuwulaga.&#8221;</div><div class="q1"> 24&#8220;Holeka hono Kayini kolipicizwa kali mupunghati, ane yowa yinojeye nhuje wulipicizwe kali makumi mupunghati na mupunghati.&#8221;</div><div class="s">Seti na Enoci</div><div class="p"> 25Adamu na Hawa, wakalela mwana yunji wa cilume. Nayo Hawa yakatya, &#8220;U Mulungu kamhela mwana yunji, kahaliziza ha Habeli mono yawulagwa na Kayini.&#8221; 26Nayo Seti yakatuga mwana, yakamucemela litagwa lyakwe Enoci. Na baho ho wanhu wamulila kulicema litagwa lyo Muwaha Mulungu mu wuhembi wawo.</div>
 </div>
 </div>
</div>

Cigogo Bible © Bible Society of Tanzania, 2002.

Nayo Adamu yakamumanya u mugolece wakwe Hawa, yakatuga 'nda, yakamulela Kayini. Nayo Hawa yakatya, “Ane namutuga mwana we cilume ko wutazi wo Muwaha Mulungu.” Hanyuma kanyhi yakawa kumulela Habeli mwanakwawe. Habeli yali mudima ngholo, na Kayini nayo yali mulimi wa mugunda. Hanyuma ya vilo vicefu, Kayini yakamulavizya Mulungu vilavywa ku wulawa mu vilimwa vya mu mugunda wakwe. Habeli nayo, yakamulavizya Mulungu zinyana ze zingholo zinongozi kulelwa, za mwi'tewa lyakwe, zono zijinile viswanu muno muno. Nayo Muwaha Mulungu, yakendezwa muno muno na Habeli, hamonga ne vilavywa vyakwe. Ninga u Mulungu siyendezwa hamba hadodo na Kayini, hamonga ne vilavywa vyakwe. Hodu, nayo Kayini yali yeza kuziwona zizo, yakawa kukolwa ne likuwo muno muno, no wusu wakwe wukakununghala muno muno, ku soko ya lilyo likuwo lyakwe. U Muwaha Mulungu yakawa kumutya Kayini, “Kayini, alu nhawule wakolwa ne likuwo, sunga no wusu wako wukununghaye nhavivyo? Alu, wule, si yili mbeka vyono nagwe wali wuvumilwe nhavivyo, hono wali witume viswanu? Ninga alu vyono witumile vibi, holeka u wubi wehwana lilimu, wikaye ha mulango wako wukukusulumila wukuhawanje, ninga yikunojeye agwe wuwusumize.”
Hanyuma yayo, Kayini yakamulonjela u mwanakwawe Habeli yakatya, “Gwe mwanakwetu, ale cibite cikatembele mu mawimbi.” Nawo lono wali wali kuko mu mawimbi, hodu Kayini yakawa kumuhungucila u mwanakwawe Habeli, yakawa kumuwulaga. Nayo u Muwaha Mulungu yakamuwuza Kayini yakutya, “Alu Kayini, u mwanakwenyu Habeli yali hayi lu?” Mwene Kayini yakapitula yakatya, “Magu ta, ane simanyile kono koyuli, hambi ane yo nili mudimi wo mwanakwetu?” Nayo u Mulungu yakamutya Kayini, “Alu nghanici yiyi yono wuyinozize? Hambi isakami yo mwanakwenyu Habeli, nha yikundilila wulawa mu muhangha. Alu agwe Kayini, hodu kulijitwa! Holeka sikosuma kujendelela kuwulima muhangha wuwuno wo moso, wono wahamuye u mulomo wayo, no kuying'wa i sakami yo mwanakwenyu Habeli, mono wumuwulaje gwegwe. Na hono wijelele du wuwulime muhangha wuwo, hamba sikotujila lukulu cinhu co cose. Nagwe kanyhi kowa wusina wikalo ho hose, langa kowa kwanga caka du ako na ako mono'nze.”
Kayini nayo yakamupitula u Mulungu yakatya, “U wulipicizwe wangu nha wuwaha muno, mu nghango yono hamba sinosuma kuwudinghula. Alu lanje ta, waminga ane i hanhu hono howuli muhangha wono wina moso, kanyhi sunga na ha mwande yako. Holeka nane ku wulawa lulu, nowa munhu mono nowa kwanga du ako na ako, na kanyhi nowa sina wikalo wono wuluwucile mono'nze, holeka u munhu wo wose du mono kombona, kosuma kumbulaga.” Ninga u Mulungu yakamutya Kayini, “Ng'o, si nhavivyo! Yuyo mono kokuwulaga, ale kolipicizwa kali mupunghati.” Ale u Muwaha Mulungu yakawa kumuwicila Kayini citanjilo, u munhu wo wose mono komuwona ho yalece kumuwulaga. Hodu nayo Kayini yakawa kuwuka ha mwande yo Mulungu, yakawa kubita kwikala mu yisi yono yili ku lubavu lwa kucilima ye Adeni, yono yikucemwa Nodi.

Kayini yakamumanya u mugolece wakwe, nayo mugolece wakwe yakatuga 'nda, yakasawa mwana mono yakucemwa Enoci. Kayini yakazenga likaya, yakalicemela litagwa lyo mwanagwe Enoci. Nayo Enoci yakamulela Iladi, nayo Iladi yakamulela Mehuyayeli, Mehuyayeli nayo, yakamulela Metusayeli, nayo Metusayeli yakamulela Lameci, nayo yuyo Lameci yakatola wacekulu wejete, yumonga yacemwaga Ada, no muyagwe Zila. Ada yo yamulela Yabali, mono yali yo sogo ye wadima zimitugo, wono wekalaga mu mahema. Ne litagwa lyo mwanakwawe, yali Yubali, mono yali yo sogo ye watowa masumbi ne zifulembe wanghula. Zila nayo u mugolece we kejete, yakamulela Tubali-kayini, mono yali yo munghula wo kunoza viya vyose vye shaba na vye cuma. U lumbulye wa Tubali-kayini, yacemwaga Naama.
Lameci yakawalonjela i wagolece zakwe vyono wejete, wa Ada na Zila yakatya, “Ta muhulicizaje,
Muhulicizaje mugolile nye nyo wagolece zangu.
Ane no muyenyu, nimuwulaga u muzelelo yumonga, vyono mweneco
yo yamuye kunhowa no kumhela nghomele.
Ku soko yiyo holeka nane niwa kumuwulaga.”
“Holeka hono Kayini kolipicizwa kali mupunghati, ane yowa yinojeye nhuje wulipicizwe kali makumi mupunghati na mupunghati.”

Adamu na Hawa, wakalela mwana yunji wa cilume. Nayo Hawa yakatya, “U Mulungu kamhela mwana yunji, kahaliziza ha Habeli mono yawulagwa na Kayini.” Nayo Seti yakatuga mwana, yakamucemela litagwa lyakwe Enoci. Na baho ho wanhu wamulila kulicema litagwa lyo Muwaha Mulungu mu wuhembi wawo.

Hallgasd meg Mwamulizo 4