<div class="version vid2947 iso6393knk" data-vid="2947" data-iso6393="knk">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">Kuma-Kuny&#603;</span></div><div class="ip"><span class="content">Alla ya duninya-dan dabira nya min, wo le wara-koe s&#603;b&#603;n&#603; buku k&#603; r&#596;. Ma benba Hadama dan koe wo, hak&#603; anub&#603; t&#596;r&#596;y&#603; dabira koe wo, anub&#603; Alla ya hadama dan f&#603;-bira nya min, wo le b&#603;&#603; ye buku k&#603; r&#596;.</span></div><div class="ip"><span class="content">Donu si buku k&#603; kele, &#8220;Y&#603;n&#603;sisi.&#8221; Allala kitabu s&#603;b&#603;ra kan minnu f&#596;l&#596;n t&#596;, wo kelen de Kiriki kan la. Anu denu ya buku wo kele ko, &#8220;Y&#603;n&#603;sisi.&#8221; Kurank&#596; kan r&#596;, wo k&#596;r&#603; le, &#8220;Ko Dabir&#603;.&#8221;</span></div><div class="ip"><span class="content">1. Ka a dabira sura 1 ha ka ke sura 11 ma, duninya dabira nya wo, duninya-m&#596;g&#596; f&#596;l&#596;f&#596;l&#603;nuna k&#603;-nyanu wo, ma benba Hadama anub&#603; Hawa wo, Ken anub&#603; Eb&#603;li wo, Nowa anub&#603; yi-keri-koe duninya kun na wo, anub&#603; san-bon-nayan-b&#603; wara-koe Babil&#596;n nyaman&#603; r&#596;, wo le s&#603;b&#603;n&#603; yan b&#603;r&#603;ni!</span></div><div class="ip"><span class="content">2. Ka a dabira sura 12 ha ka ke sura 50 ma, Isir&#603;la m&#596;g&#603;nu benba f&#596;l&#596;f&#596;l&#603; denu denu bara-koe s&#603;b&#603;n&#603; yan. A f&#596;l&#596;t&#603; le Iburayima la. M&#596;g&#603; le wo la minna d&#603;nk&#603;niny&#603; anub&#603; ala t&#596;n-bir&#603; Alla ye ya a ma m&#596;g&#596; mal&#596;nn&#603; la. A tatugunn&#603; mara Isiyaka la anub&#603; wola den Yakoba anub&#603; Yakobala den m&#596;g&#596; tan-ni-fil&#603; minnu t&#596;g&#603; sara Isir&#603;la b&#596;ns&#596;n tan-ni-fil&#603; kuma, k&#596;ni. Yusufu wara-koe anub&#603; Yakobala dan tom&#603;nu yirindi koe Iyipiti nyaman&#603; r&#596; fanan bi buku k&#603; r&#596;.</span></div><div class="ip"><span class="content">Buku k&#603; ye m&#596;g&#603; k&#603;nu bara-koe anub&#603; Allala k&#603;w&#596;l&#603; denu denu yira tin&#603;. A f&#596;l&#596;t&#603; ko Alla le ya duninya dan. A ya lanyiri min kiri ale anub&#603; ata m&#596;g&#603;nu t&#603;ma, a ya a kundon wo ma. Alla min bi m&#596;g&#603; kiti t&#603;g&#603;la ka ko-yogoma-k&#603;l&#603;nu kolo, wo le wara-koe s&#603;b&#603;ra buku k&#603; r&#596;. A ye s&#596;la ala m&#596;g&#603;nu yar&#596; ka anuna koenu tab&#603;n a kil&#603; f&#603;. Kuma k&#596;r&#603; k&#603;nu s&#603;b&#603;ra alako ka m&#596;g&#596; k&#596;r&#603;nuna d&#603;nk&#603;niny&#603; wara-koe s&#603;b&#603; anub&#603; ka anuna d&#603;nk&#603;niny&#603; wo lasabati tolon!</span></div><div class="iot"><span class="content">Buku K&#603; Fara Nya</span></div><div class="io1"><span class="content">Duninya anub&#603; M&#596;g&#603;nu Dan Koe 1.1&#8211;2.25</span></div><div class="io1"><span class="content">Hak&#603; anub&#603; T&#596;r&#596;y&#603; Dabira Koe 3.1-24</span></div><div class="io1"><span class="content">Hadamata Wati ma ha Nowata Wati Ma 4.1&#8211;5.32</span></div><div class="io1"><span class="content">Nowa Wara-Koe 6.1&#8211;10.32</span></div><div class="io1"><span class="content">Yabasanya San-Bon-Nayan-B&#603; Wara-Koe 11.1-9</span></div><div class="io1"><span class="content">S&#603;mata Wati ma ha Buramata Wati Ma 11.10-32</span></div><div class="io1"><span class="content">Iburayima, Isiyaka, anub&#603; Yakoba Wara-Koe 12.1&#8211;35.29</span></div><div class="io1"><span class="content">Is&#596; anub&#603; A Kegey&#603;nu Bara Koe 36.1-43</span></div><div class="io1"><span class="content">Yusufu anub&#603; A Na Kelen Ny&#596;g&#603;nu Bara Koe 37.1&#8211;45.28</span></div><div class="io1"><span class="content">Isir&#603;la M&#596;g&#603;nu Bi Iyipiti Wati min, Wonu Bara Koe 46.1&#8211;50.26</span></div>
      </div>
   </div>
</div>

Kuranko Common Language Bible © The Bible Society in Sierra Leone, 2006.

Kuma-Kunyɛ
Alla ya duninya-dan dabira nya min, wo le wara-koe sɛbɛnɛ buku kɛ rɔ. Ma benba Hadama dan koe wo, hakɛ anubɛ tɔrɔyɛ dabira koe wo, anubɛ Alla ya hadama dan fɛ-bira nya min, wo le bɛɛ ye buku kɛ rɔ.
Donu si buku kɛ kele, “Yɛnɛsisi.” Allala kitabu sɛbɛra kan minnu fɔlɔn tɔ, wo kelen de Kiriki kan la. Anu denu ya buku wo kele ko, “Yɛnɛsisi.” Kurankɔ kan rɔ, wo kɔrɛ le, “Ko Dabirɛ.”
1. Ka a dabira sura 1 ha ka ke sura 11 ma, duninya dabira nya wo, duninya-mɔgɔ fɔlɔfɔlɛnuna kɛ-nyanu wo, ma benba Hadama anubɛ Hawa wo, Ken anubɛ Ebɛli wo, Nowa anubɛ yi-keri-koe duninya kun na wo, anubɛ san-bon-nayan-bɛ wara-koe Babilɔn nyamanɛ rɔ, wo le sɛbɛnɛ yan bɛrɛni!
2. Ka a dabira sura 12 ha ka ke sura 50 ma, Isirɛla mɔgɛnu benba fɔlɔfɔlɛ denu denu bara-koe sɛbɛnɛ yan. A fɔlɔtɛ le Iburayima la. Mɔgɛ le wo la minna dɛnkɛninyɛ anubɛ ala tɔn-birɛ Alla ye ya a ma mɔgɔ malɔnnɛ la. A tatugunnɛ mara Isiyaka la anubɛ wola den Yakoba anubɛ Yakobala den mɔgɔ tan-ni-filɛ minnu tɔgɛ sara Isirɛla bɔnsɔn tan-ni-filɛ kuma, kɔni. Yusufu wara-koe anubɛ Yakobala dan tomɛnu yirindi koe Iyipiti nyamanɛ rɔ fanan bi buku kɛ rɔ.
Buku kɛ ye mɔgɛ kɛnu bara-koe anubɛ Allala kɛwɔlɛ denu denu yira tinɛ. A fɔlɔtɛ ko Alla le ya duninya dan. A ya lanyiri min kiri ale anubɛ ata mɔgɛnu tɛma, a ya a kundon wo ma. Alla min bi mɔgɛ kiti tɛgɛla ka ko-yogoma-kɛlɛnu kolo, wo le wara-koe sɛbɛra buku kɛ rɔ. A ye sɔla ala mɔgɛnu yarɔ ka anuna koenu tabɛn a kilɛ fɛ. Kuma kɔrɛ kɛnu sɛbɛra alako ka mɔgɔ kɔrɛnuna dɛnkɛninyɛ wara-koe sɛbɛ anubɛ ka anuna dɛnkɛninyɛ wo lasabati tolon!
Buku Kɛ Fara Nya
Duninya anubɛ Mɔgɛnu Dan Koe 1.1–2.25
Hakɛ anubɛ Tɔrɔyɛ Dabira Koe 3.1-24
Hadamata Wati ma ha Nowata Wati Ma 4.1–5.32
Nowa Wara-Koe 6.1–10.32
Yabasanya San-Bon-Nayan-Bɛ Wara-Koe 11.1-9
Sɛmata Wati ma ha Buramata Wati Ma 11.10-32
Iburayima, Isiyaka, anubɛ Yakoba Wara-Koe 12.1–35.29
Isɔ anubɛ A Kegeyɛnu Bara Koe 36.1-43
Yusufu anubɛ A Na Kelen Nyɔgɛnu Bara Koe 37.1–45.28
Isirɛla Mɔgɛnu Bi Iyipiti Wati min, Wonu Bara Koe 46.1–50.26

Hallgasd meg Ko-Dabirɛnu Kuma-Kunyɛ