Logooli - 2008 KENBS (NT) Drama

<div class="version vid2888 iso6393rag" data-vid="2888" data-iso6393="rag">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="p"> 1Yeso yavolera aviigi veve kandi, &#8220;Yaali ho mutugi uwaali nu mulindi uwalindaa miandu jije. Mulindi uyu yayaalwa kuye ndi yatumikira vindu viu mutugi weve vudamanu. 2Kunangwa mutugi yamulanga namuvolera, &#8216;Ni makuva ki gambuliraa ku ivi? Leeta livaliza liu vulindi vwi linyola nu vutumikiri vwi vindu viange; kigira siunyala kuva mulindi wange kandi mba.&#8217; 3Mulindi oyo yaganaganyia mu mwoyo gwigwe, navoora, &#8216;Ngola ndi Mwami nava nanduliza ku miyinzi ju vulindi? Inzi simbeeye nizinguru ziu kulima mba, kandi mbeeye soni kusavasava. 4Yee, manyi ichanyala kokora. Maku ulwa ngungwa ku miyinzi, avandu valanyingiriza mu zinyumba ziavo.&#8217;</div><div class="p"> 5&#8220;Kunangwa, yalanga avandu vaali na magovi gu mwami weve, vosi sa mulala. Yavolera wukutanga, &#8216;Ni ligovi lihera ki liu Mwami wange lia oveeye nalio?&#8217; 6Yamutivulira, &#8216;Mabiba#16:6 Mabiba: Libiba lilala liveeye mu ni zilita salasini na saba. mia moja aga maguta ga Muzeituni.&#8217; Mulindi oyo yamuvolera: &#8216;Vugula ibarwa yooyo yiligovi yiyi, yikala vwangu na ong'ode, amusini.&#8217; 7Yateeva kandi uwiligovi wundi, &#8216;Ivi uvanzwa ligovi lihera ki?&#8217; Naye yamutivulira: &#8216;Amagunia elefu ndala agingano.&#8217; Mulindi oyo yamuvolera: &#8216;Vugula ibarwa yooyo yiligovi, ong'ode zimia munane.&#8217;</div><div class="p"> 8&#8220;Kunangwa, mwami yizominya mulindi utaali umusuuvirifu oyo; kigira yatumikira vugadi. Avandu vikivala yiki vaveeye novogeri vwu uvugadi ku makuva gaavo kuvita avandu vuvulavu.&#8221;</div><div class="p"> 9Yeso yaazizagilira kovora, &#8220;Kandi ndio inzi muvooleraa, mwelombere avalina na avandu munzira yu uvugadi nu uvutugi vwilirova liu vwoni yili kunangwa lwa vuva nivufeye, munyi muduuki kwingira mu vomenyo vutaveeye nekeheri, mwigulu. 10Ku vosi oveeye musuuvirifu ku vindu vikekeke, anyala kuva musuuvirifu kandi ku vindu vinene, kandi utaveeye musuuvirifu ku vindu vikekeke sianyala kusuuvirwa ku vindu vinene mba. 11Kunangwa, niiva munyi simuveeye avasuuvirifu mu vutugi vwu vugadi vwi lirova yili; nivwaha ulimuha kulinda uvutugi voveeye vwi ligali? 12Niiva simunyala kuva avasuuvirifu kulinda vindu via vandu vandi, nivwaha ulimuha kulinda vindu viveeye vienyu aveene?</div><div class="p"> 13&#8220;Siaveeyeho nu mutumikiri unyala kutumikira avami vaviri kigira, aladunyira mulala na ayaanze wundi anoho alava musuuvirifu ku mulala na alegelize wundi. Simunyala kutumikira Nyasaye kandi mabese mba.&#8221;</div><div class="s">Zing'ano zindala zia Yeso</div><div class="r">(Mat. 11:12-13; 5:31-32; Mar. 10:11-12)</div><div class="p"> 14Lwa Avafarisayo vahulira, amakuva yaga goosi, vaakolera Yeso kehenyahenye kigira vayaanza mabese. 15Navuzwa Yeso yavavolera, &#8220;Munyi muveeye yavo aveekolaa aveene kuva avalungi imbiri wa avandu, navuzwa Nyasaye yamanya mioyo jinyu. Kindu cha avandu vizominyaa kuva chuluyali ligali, imbiri wa Nyasaye kelolekaa kuva chukuvihiliriza ligali.</div><div class="p"> 16&#8220;Lilaga lia Musa na mang'oda ga avaporofeti vialiho kuduuka ing'inga ya Yohana Mubatizi. Kutura ing'inga yeyo, Makuva Malahi gu Vwami vwa Nyasaye yilwazwa, kandi vuli mundu avuvugulaa kuzingulu. 17Navuzwa nivodoto ligali ligulu nilirova kuvita, kuvita induguta kali ndala yi Lilaga kusiminywa.</div><div class="p"> 18&#8220;Ku woosi ukunga mukali weve, naleta mukali wundi, akolaa ovoheyi; kandi ku woosi oleeta mukali uwakungwa kutura ku musaza, akolaa ovoheyi naye.</div><div class="s">Mutugi na Lazaro mudaka</div><div class="p"> 19&#8220;Yaali ho mundu mulala mutugi, uwiviika zinguvu ziu vuguli ligali zie kiforosadi zie rangi yu muzambarao, kandi zie katani indahi, kandi yamenya mu vusangali vwo kolomba lilia vuli lidiku. 20Yaali ho kandi mundu mulala mudaka uwalangwa Lazaro, yaali ni zingwagu ku muviri gwigwe gwosi. Yaletwa hakiliango chu mutugi oyo, 21nasuuvira kulia amadonye gagwiza hasi kutura komesa yu mutugi. Kali, kuvita yaga goosi, zimbwa ziu mutugi ziaza komenamena mu zingwagu zizie!</div><div class="p"> 22&#8220;Mundu mudaka zana yakuza, zingelosi vamuvugura, nivamwikaliza ku kiritu cha Aburahamu mu Paradiso. Mutugi oyo yakuza kandi naye, naatevwa. 23Mutugi oyo, naveeye nuvusaliri vonene mukihadisi, yahenza yigulu nalora Aburahamu ihale, na Lazaro naveeye kukiritu chiche. 24Kunangwa, yahanzuka, &#8216;Baba Aburahamu! Omberere! Tuma Lazaro yiini esonga ye kedete chiche mu mazi na akindizi lulimi lwange, kigira mbeeye mu vusaliri vonene ligali mu lemo lwu muliru yilu.&#8217;</div><div class="p"> 25&#8220;Navuzwa Aburahamu yamutivulira, &#8216;Mwana wange, wizulizi ndi wanyoola vindu vilahi lwa waali nukikiri mwoyo, na Lazaro nanyoora vindu vidamanu. Kalunu asosiziywi, na ivi oveeye mu vusaliri. 26Komeeda ku yaga goosi, olohongo lonene loveeye hagati hiitu ni munyi, kunangwa yavo vosi avenyaa kuuza winyu kutura yinu sivanyala, kandi avu winyu sianyala kuza wiitu yinu mba.&#8217; 27Mutugi zana yavoola, &#8216;Kunangwa ngogonya, baba Aburahamu, tuma Lazaro azie munyumba ya baba wange, 28uwa mbeeye na avamwavo vatano. Leka azie kuviganihiza gase navo kandi valaza yinu muvusaliri yivu.&#8217;</div><div class="p"> 29&#8220;Navuzwa Aburahamu yamuvolera, &#8216;Avamwavo vovo vaveeye na Musa kandi avaporofeti; kuduuka vahuliri aveene yavo.&#8217; 30Navuzwa mutugi ya muvooleraa; &#8216;Awa, baba Aburahamu! Sigaveeye ndio mba. Niiva mundu alasimuguka kutura mu vakuzu ma azie kuvo, valiganira.&#8217; 31Aburahamu yamuvolera; &#8216;Niiva sivalahulira Musa na avaporofeti, sivanyala kuhulira kali niiva mundu ya kasimuguki kutura mu vakuzi, azie kuvo mba.&#8217; &#8221;</div>
 </div>
 </div>
</div>

Yeso yavolera aviigi veve kandi, “Yaali ho mutugi uwaali nu mulindi uwalindaa miandu jije. Mulindi uyu yayaalwa kuye ndi yatumikira vindu viu mutugi weve vudamanu. Kunangwa mutugi yamulanga namuvolera, ‘Ni makuva ki gambuliraa ku ivi? Leeta livaliza liu vulindi vwi linyola nu vutumikiri vwi vindu viange; kigira siunyala kuva mulindi wange kandi mba.’ Mulindi oyo yaganaganyia mu mwoyo gwigwe, navoora, ‘Ngola ndi Mwami nava nanduliza ku miyinzi ju vulindi? Inzi simbeeye nizinguru ziu kulima mba, kandi mbeeye soni kusavasava. Yee, manyi ichanyala kokora. Maku ulwa ngungwa ku miyinzi, avandu valanyingiriza mu zinyumba ziavo.’
“Kunangwa, yalanga avandu vaali na magovi gu mwami weve, vosi sa mulala. Yavolera wukutanga, ‘Ni ligovi lihera ki liu Mwami wange lia oveeye nalio?’ Yamutivulira, ‘Mabiba mia moja aga maguta ga Muzeituni.’ Mulindi oyo yamuvolera: ‘Vugula ibarwa yooyo yiligovi yiyi, yikala vwangu na ong'ode, amusini.’ Yateeva kandi uwiligovi wundi, ‘Ivi uvanzwa ligovi lihera ki?’ Naye yamutivulira: ‘Amagunia elefu ndala agingano.’ Mulindi oyo yamuvolera: ‘Vugula ibarwa yooyo yiligovi, ong'ode zimia munane.’
“Kunangwa, mwami yizominya mulindi utaali umusuuvirifu oyo; kigira yatumikira vugadi. Avandu vikivala yiki vaveeye novogeri vwu uvugadi ku makuva gaavo kuvita avandu vuvulavu.”
Yeso yaazizagilira kovora, “Kandi ndio inzi muvooleraa, mwelombere avalina na avandu munzira yu uvugadi nu uvutugi vwilirova liu vwoni yili kunangwa lwa vuva nivufeye, munyi muduuki kwingira mu vomenyo vutaveeye nekeheri, mwigulu. Ku vosi oveeye musuuvirifu ku vindu vikekeke, anyala kuva musuuvirifu kandi ku vindu vinene, kandi utaveeye musuuvirifu ku vindu vikekeke sianyala kusuuvirwa ku vindu vinene mba. Kunangwa, niiva munyi simuveeye avasuuvirifu mu vutugi vwu vugadi vwi lirova yili; nivwaha ulimuha kulinda uvutugi voveeye vwi ligali? Niiva simunyala kuva avasuuvirifu kulinda vindu via vandu vandi, nivwaha ulimuha kulinda vindu viveeye vienyu aveene?
“Siaveeyeho nu mutumikiri unyala kutumikira avami vaviri kigira, aladunyira mulala na ayaanze wundi anoho alava musuuvirifu ku mulala na alegelize wundi. Simunyala kutumikira Nyasaye kandi mabese mba.”


Lwa Avafarisayo vahulira, amakuva yaga goosi, vaakolera Yeso kehenyahenye kigira vayaanza mabese. Navuzwa Yeso yavavolera, “Munyi muveeye yavo aveekolaa aveene kuva avalungi imbiri wa avandu, navuzwa Nyasaye yamanya mioyo jinyu. Kindu cha avandu vizominyaa kuva chuluyali ligali, imbiri wa Nyasaye kelolekaa kuva chukuvihiliriza ligali.
“Lilaga lia Musa na mang'oda ga avaporofeti vialiho kuduuka ing'inga ya Yohana Mubatizi. Kutura ing'inga yeyo, Makuva Malahi gu Vwami vwa Nyasaye yilwazwa, kandi vuli mundu avuvugulaa kuzingulu. Navuzwa nivodoto ligali ligulu nilirova kuvita, kuvita induguta kali ndala yi Lilaga kusiminywa.
“Ku woosi ukunga mukali weve, naleta mukali wundi, akolaa ovoheyi; kandi ku woosi oleeta mukali uwakungwa kutura ku musaza, akolaa ovoheyi naye.

“Yaali ho mundu mulala mutugi, uwiviika zinguvu ziu vuguli ligali zie kiforosadi zie rangi yu muzambarao, kandi zie katani indahi, kandi yamenya mu vusangali vwo kolomba lilia vuli lidiku. Yaali ho kandi mundu mulala mudaka uwalangwa Lazaro, yaali ni zingwagu ku muviri gwigwe gwosi. Yaletwa hakiliango chu mutugi oyo, nasuuvira kulia amadonye gagwiza hasi kutura komesa yu mutugi. Kali, kuvita yaga goosi, zimbwa ziu mutugi ziaza komenamena mu zingwagu zizie!
“Mundu mudaka zana yakuza, zingelosi vamuvugura, nivamwikaliza ku kiritu cha Aburahamu mu Paradiso. Mutugi oyo yakuza kandi naye, naatevwa. Mutugi oyo, naveeye nuvusaliri vonene mukihadisi, yahenza yigulu nalora Aburahamu ihale, na Lazaro naveeye kukiritu chiche. Kunangwa, yahanzuka, ‘Baba Aburahamu! Omberere! Tuma Lazaro yiini esonga ye kedete chiche mu mazi na akindizi lulimi lwange, kigira mbeeye mu vusaliri vonene ligali mu lemo lwu muliru yilu.’
“Navuzwa Aburahamu yamutivulira, ‘Mwana wange, wizulizi ndi wanyoola vindu vilahi lwa waali nukikiri mwoyo, na Lazaro nanyoora vindu vidamanu. Kalunu asosiziywi, na ivi oveeye mu vusaliri. Komeeda ku yaga goosi, olohongo lonene loveeye hagati hiitu ni munyi, kunangwa yavo vosi avenyaa kuuza winyu kutura yinu sivanyala, kandi avu winyu sianyala kuza wiitu yinu mba.’ Mutugi zana yavoola, ‘Kunangwa ngogonya, baba Aburahamu, tuma Lazaro azie munyumba ya baba wange, uwa mbeeye na avamwavo vatano. Leka azie kuviganihiza gase navo kandi valaza yinu muvusaliri yivu.’
“Navuzwa Aburahamu yamuvolera, ‘Avamwavo vovo vaveeye na Musa kandi avaporofeti; kuduuka vahuliri aveene yavo.’ Navuzwa mutugi ya muvooleraa; ‘Awa, baba Aburahamu! Sigaveeye ndio mba. Niiva mundu alasimuguka kutura mu vakuzu ma azie kuvo, valiganira.’ Aburahamu yamuvolera; ‘Niiva sivalahulira Musa na avaporofeti, sivanyala kuhulira kali niiva mundu ya kasimuguki kutura mu vakuzi, azie kuvo mba.’ ”

Hallgasd meg LUKA 16