<div class="version vid2610 iso6393xnz" data-vid="2610" data-iso6393="xnz">
 <div class="book bkMAT">
 <div class="chapter ch2" data-usfm="MAT.2">
 <div class="label">2</div><div class="s2">Bag. 2.</div><div class="p"> 1Yesu uskitakkosingad Betlaham Yahudiyendir, or Hirudusna ugrosir, mujusi weri maltirton tasan Urushalimir. 2Wide wesan: &#8222;Sa&#239;re eran uskibul Yahudichina or? Ari tenna wissigi maltir nalsun. Wide tasun, tekki sejdetirw an.&#8220;</div><div class="p"> 3In werechigi gijred or Hirudus tennewertir sawos, wide tekkodon Urushalim male. 4Ter wide jamegirsum fegirina samli duligon wide gebilana abajiligongi, wide isigirsum sayer komisbul buskitakkingi. 5Tiri widegirtirsan: &#8222;Betlaham Yahudiyendir. Mine ikke teran nebiged bajbun: 6Won ekkon, Betlaham, arid Yahudandi, er aleged edi kinatod termunum Yahudana samlin barer. Mine eddeton teran akiyel wer bibelkanin, anna zoli Israelgi biwkanil wer.&#8220;</div><div class="p"> 7Ingodon Hirudus mujusigi siriged uwedta&#239;r isigirsum watti, tedder wissi tirgi beltidirsingi. Wide Betlahamgir ishinirsum. 8Wetidirgongessum: &#8222;Jurgi in affitodna gisagi seregir nalwe. Wide eledrunn agabirgon aigi ta wedenwe, aigon jurgi tekki sejdetirrinna joro.&#8220;</div><div class="p"> 9Ornaiton in werechigi gijred nogsan. Wissi tir maltir nalsangon tinn owolgi arsum, agarro tanbokon affitod businder. Wide tendogor tebossum. 10Wissigi nalos guratti dul wekki guresan.</div><div class="p"> 11Tiri katur torgi affitodti Meryem tinenn ogirro nalos wide ungirgi tekki abdesan. Terin aharro tinna busgigi kusirgi owolgirtirsan dehebirton, bahurroton, wide muri wekkon.</div><div class="p"> 12Wide ugnutti werro nalsan or Hirudusk abidi rejae jumendangi. Gir owitti wekked tinna esheigir nogsan.</div><div class="p"> 13Talossann aharro artina malaika Yusifki ugnutti werro beltir wetirsum: &#8222;Imbel, affitodti tinengodon ared wide Medinegir dosos teddogon kewdu, ai ekki wetirrinbokon. Mine Hirudus awersin ogicchodti dabrosiry an.&#8220; 14Yusif imbelligi ogicchodton tinengongi ugwen aredir Medinegir shugrossum. 15Mandogon kewidsum Hirudusna diarbokon. Ingon arti nebina agilged wesingi timer an: &#8222;Ai anna todti Medinerton uwe osedtasim an.&#8220;</div><div class="p"> 16Hirudus mujusi tendogor ususangi uru nalos desen igir torgi ter wide ishin affichi Betlahmir dareli malegi, wide tenna kelir daleri malegi, berosirw an, jen owirton togogir, ter mujusinaiton gijirsinna wattina mujibir. 17Mani wattigi Ermiya nebi wesin timesum: 18&#8222;Hisi wer Raman tur gijirtakkikosum, lilari weri, wide arwijar wer, wide sekerar wer: Rahil tenn affichigi aoyin wide kiterarkon amonosin. Mine tiri eltakkibumendangad.&#8220;</div><div class="p"> 19Hirudus diosingad artina malaika wer Yusifki ugnutti werro beltir, Medinen tur, 20wide wetirsum: &#8222;Imbelligi ogicchodton wide tinengongi aredir Israeln esheigir lefte biju. Mine affigi dabrarki awerseli diossan.&#8220; 21Yusif wide imbelligi affigon tinengongi aredir Israelna esheigir lefte bijusum. 22Ama Arkilawus timbabn agarro egragingi gijredirgi sarkossum teddo juwarki. Ugnutti werrogon nalsum Jelilgir juwarki. 23Teddogi dured neja Nasiray an awerander kewidsum. Ingon nebichiged wetakkelgi timer an: &#8222;Ter Nasirandiy an buwetakkikanin.&#8220;</div>
 </div>
 </div>
</div>

Published by the British and Foreign Bible Society in 1912.

Yesu uskitakkosingad Betlaham Yahudiyendir, or Hirudusna ugrosir, mujusi weri maltirton tasan Urushalimir. Wide wesan: „Saïre eran uskibul Yahudichina or? Ari tenna wissigi maltir nalsun. Wide tasun, tekki sejdetirw an.“
In werechigi gijred or Hirudus tennewertir sawos, wide tekkodon Urushalim male. Ter wide jamegirsum fegirina samli duligon wide gebilana abajiligongi, wide isigirsum sayer komisbul buskitakkingi. Tiri widegirtirsan: „Betlaham Yahudiyendir. Mine ikke teran nebiged bajbun: Won ekkon, Betlaham, arid Yahudandi, er aleged edi kinatod termunum Yahudana samlin barer. Mine eddeton teran akiyel wer bibelkanin, anna zoli Israelgi biwkanil wer.“
Ingodon Hirudus mujusigi siriged uwedtaïr isigirsum watti, tedder wissi tirgi beltidirsingi. Wide Betlahamgir ishinirsum. Wetidirgongessum: „Jurgi in affitodna gisagi seregir nalwe. Wide eledrunn agabirgon aigi ta wedenwe, aigon jurgi tekki sejdetirrinna joro.“
Ornaiton in werechigi gijred nogsan. Wissi tir maltir nalsangon tinn owolgi arsum, agarro tanbokon affitod businder. Wide tendogor tebossum. Wissigi nalos guratti dul wekki guresan.
Tiri katur torgi affitodti Meryem tinenn ogirro nalos wide ungirgi tekki abdesan. Terin aharro tinna busgigi kusirgi owolgirtirsan dehebirton, bahurroton, wide muri wekkon.
Wide ugnutti werro nalsan or Hirudusk abidi rejae jumendangi. Gir owitti wekked tinna esheigir nogsan.
Talossann aharro artina malaika Yusifki ugnutti werro beltir wetirsum: „Imbel, affitodti tinengodon ared wide Medinegir dosos teddogon kewdu, ai ekki wetirrinbokon. Mine Hirudus awersin ogicchodti dabrosiry an.“ Yusif imbelligi ogicchodton tinengongi ugwen aredir Medinegir shugrossum. Mandogon kewidsum Hirudusna diarbokon. Ingon arti nebina agilged wesingi timer an: „Ai anna todti Medinerton uwe osedtasim an.“
Hirudus mujusi tendogor ususangi uru nalos desen igir torgi ter wide ishin affichi Betlahmir dareli malegi, wide tenna kelir daleri malegi, berosirw an, jen owirton togogir, ter mujusinaiton gijirsinna wattina mujibir. Mani wattigi Ermiya nebi wesin timesum: „Hisi wer Raman tur gijirtakkikosum, lilari weri, wide arwijar wer, wide sekerar wer: Rahil tenn affichigi aoyin wide kiterarkon amonosin. Mine tiri eltakkibumendangad.“
Hirudus diosingad artina malaika wer Yusifki ugnutti werro beltir, Medinen tur, wide wetirsum: „Imbelligi ogicchodton wide tinengongi aredir Israeln esheigir lefte biju. Mine affigi dabrarki awerseli diossan.“ Yusif wide imbelligi affigon tinengongi aredir Israelna esheigir lefte bijusum. Ama Arkilawus timbabn agarro egragingi gijredirgi sarkossum teddo juwarki. Ugnutti werrogon nalsum Jelilgir juwarki. Teddogi dured neja Nasiray an awerander kewidsum. Ingon nebichiged wetakkelgi timer an: „Ter Nasirandiy an buwetakkikanin.“

Hallgasd meg Matana Enjil 2