If you have would like a copy of this version please contact info@davaraudiobibles.org

Tumbuka Bible

<div class="version vid1961 iso6393tum" data-vid="1961" data-iso6393="tum">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Yesu wakuyowoya na mwanakazi muSamariya</div><div class="p"> 1Para Fumu yikamanya kuti &#373;aFarisi &#373;apulika kuti Yesu wakung'anamula na kubapatiza &#373;asambiri &#373;anandi kuruska Yohane, 2(nangauli, Yesu iyomwene kuti wakabapatizanga chara, kweni &#373;asambiri &#373;akhe,) 3yikawukako ku Yudeya ndipo yikarutaso ku Galileya. 4Ndipo nthowa yakhe yika&#373;a yakusorota mu Samariya ndipera.</div><div class="p"> 5Ntheura wakiza ku msumba wa Samariya zina lakhe Sukare pafupi waka na charu icho Yakhobe wakapa mwana wakhe Yosefe.#Mut 33.19; Yos 24.32 6Chisimi cha Yakhobe chika&#373;a kwenekura. Ndipo ntheura Yesu pakuti wakavuka na ulendo, wakakhara pasi murwande mwa chisimi, apo nyengo yika&#373;a pafupi 12 koloko na muhanya.</div><div class="p"> 7Mwanakazi wa ku Samariya wakiza kuti waneghe maji. Yesu wakati kwa iyo, &#8220;Undipeko maji ndimwe.&#8221; 8Pakuti &#373;asambiri &#373;akhe &#373;akaruta mu msumba kuya kagula vyakurya.</div><div class="p"> 9Mwanakazi muSamariya yura wakati kwa iyo, &#8220;Chifukwa uli imwe, muYuda, mukuromba maji kwa ine nda mwanakazi muSamariya?&#8221; Pakuti &#373;aYuda na &#373;aSamariya#4.9 &#373;aYuda na &#373;aSamariya: &#372;aYuda &#373;akamweranga mu makapu panji kuryera mu mbale izo &#373;aSamariya &#373;akaryerangamo chara. &#373;akwenderana chara.#Ezira 4.1-5; Neh 4.1-2</div><div class="p"> 10Yesu wakamuzgora kuti, &#8220;Nga umanyenge chawanangwa cha Chiuta, na mweneuyo wakuti kwa iwe, &#8216;Undipeko maji ndimwe,&#8217; iwe ndiwe mphanyi wangumuromba, ndipo iyo mphanyi wangukupa maji gha umoyo.&#8221;</div><div class="p"> 11Mwanakazi wakati kwa Yesu, &#8220;Fumu, chakuneghera mulije, ndipo chisimi nchakuzongoka. Kasi mutorenge nkhu maji agho gha umoyo? 12Kasi muli &#373;akuru kuruska sekuru withu Yakhobe mweneuyo wakatipa chisimi ichi icho wakamwangapo iyomwene na &#373;ana &#373;akhe na vi&#373;eto vyakhe?&#8221;</div><div class="p"> 13Yesu wakamuzgora wakati, &#8220;Yose uyo wakumwapo maji agha, wati womirwengeso. 14Kweni yose uyo wakumwapo maji agho nditi ndimupenge ine, kuti wati womirwengeso chara. Maji agho nditi ndimupenge iyo ghati gha&#373;enge mwa iyo chisimi chakubwibwitukira ku umoyo wa muyirayira.&#8221;</div><div class="p"> 15Mwanakazi wakati kwa iyo, &#8220;Fumu, ndipaniko maji gheneagha kuti ndireke komirwaso nanga nkhwizako kwiza kanegha maji.&#8221;</div><div class="p"> 16Yesu wakati kwa iyo, &#8220;Ruta ukacheme mufumu wako ndipo wize kuno.&#8221;</div><div class="p"> 17Mwanakazi wakamuzgora kuti, &#8220;Ndilije mufumu.&#8221;</div><div class="p">Yesu wakati kwa iyo, &#8220;Ukuneneska pakuyowoya kuti &#8216;Ndilije mufumu,&#8217; 18chifukwa uka&#373;a na &#373;afumu &#373;ankhonde ndipo uyo uli nayo sono kuti ndi mufumu wako chara, waneneska nadi.&#8221;</div><div class="p"> 19Mwanakazi wakati kwa iyo, &#8220;Fumu, nkhuwona kuti ndimwe nchimi.&#8221; 20&#8220;&#372;asekuru &#373;a ise &#373;aSamariya &#373;akasopanga Chiuta pa phiri ili,#4.20 phiri ili: Phiri ili lika&#373;a la Gerizimu pafupi na Shekemu. kweni imwe &#373;aYuda mukuti mu Yerusalemu ndimo muli malo umo &#373;anthu &#373;akwenera kusopa Chiuta.&#8221;</div><div class="p"> 21Yesu wakati kwa iyo, &#8220;Wa mwanakazi, upulikane nane, nyengo yizenge apo murekerenge kusopa &#372;adada pa phiri ili, nanga ndi mu Yerusalemu. 22Imwe kuti mukumanya chara icho mukusopa. Kweni ise tikumanya icho tikusopa, chifukwa chiponosko chikufuma ku &#373;aYuda. 23Kweni nyengo yiti yizenge ndipo na sono yafika kale apo awo &#373;akusopa nadi &#373;amkusopa &#372;adada mu Mzimu na mu unenesko. &#372;akusopa &#373;a ntheura ndiwo &#372;adada &#373;akukhumba. 24Chiuta ndi Mzimu ndipo awo &#373;akumusopa &#373;akwenera kumusopa mu Mzimu na mu unenesko.&#8221;</div><div class="p"> 25Mwanakazi wakati kwa iyo, &#8220;Nkhumanya nadi kuti Mesiya wakwiza mweneuyo wakuchemeka Khristu, ndipo para wafika ndiyo wizamkutimanyiska vinthu vyose.&#8221;</div><div class="p"> 26Penepapo Yesu wakati kwa iyo, &#8220;Ine nkhuyowoya na iwe ndine mweneuyo.&#8221;</div><div class="p"> 27Mbwenu penepapo &#373;asambiri &#373;akhe &#373;akafika, ndipo &#373;akazizwa para &#373;akawona kuti Yesu wakuyowoya na mwanakazi. Kweni paka&#373;avye na yumoza wakufumba kuti, &#8220;Ukupenjachi pano?&#8221; Nanga ndikumufumba Yesu kuti, &#8220;Chifukwa uli ukuyowoya na mwanakazi?&#8221;</div><div class="p"> 28Sono mwanakazi yura wakasida chi&#373;iya chakhe cha maji ndipo wakaruta mu msumba ndipo wakati ku &#373;anthu, 29&#8220;Zaninge mwiza kawona munthu mweneuyo wandiphalira vyose ivyo nkhachitanga. Kasi mweneuyo wanga&#373;a Mesiya?&#8221; 30&#372;anthu &#373;akafuma mu msumba na kuruta kwa Yesu.</div><div class="p"> 31Pa nyengo yira &#373;asambiri &#373;akhe &#373;akamu&#373;eya Yesu &#373;akati, &#8220;Musambizgi, ryaninge.&#8221;</div><div class="p"> 32Kweni Yesu waka&#373;azgora wakati, &#8220;Ine ndili nacho chakurya cheneicho imwe mulije kuchimanya.&#8221;</div><div class="p"> 33Ntheura &#373;asambiri &#373;akamba kufumbana &#373;akati, &#8220;Kasi pangu&#373;a munthu yunji uyo wangumuyeghera chakurya?&#8221;</div><div class="p"> 34Yesu wakati kwa iwo, &#8220;Chakurya chane nkhuchita khumbo la &#372;adada awo &#373;akandituma na kufiska mlimo wawo. 35Asi imwe mukuyowoya kuti &#8216;Kwakhara myezi yinayi ndipo kuti ku&#373;enge vuna.&#8217; Nkhumuphalirani kuti, inuskani maso ghinu ndipo la&#373;iskani ku minda kosekose, uko minda yati waka tuu kunozgekera vuna. 36Uyo wakuvuna wakupoka njombe yakhe na kuwunjika vipambi vya umoyo wa muyirayira, mwakuti uyo wakumija na uyo wakuvuna &#373;asekerere pamoza. 37Ndicho chifukwa mazgu gha kayowoyero aka ghakuneneska agho ghakuti, &#8216;Yumoza wakumija ndipo munyakhe wakuvuna.&#8217; 38Nkhamutumani kuya kavuna icho muka&#373;avye kulima. &#372;anthu &#373;anji &#373;ali kute&#373;eta mlimo ndipo imwe mwanjiramo waka mu mlimo wawo.&#8221;</div><div class="p"> 39&#372;aSamariya &#373;anandi mu msumba ura, &#373;akapulikana mwa iyo chifukwa cha mazgu gha mwanakazi agho wakati, &#8220;Wangundiphalira vyose ivyo nkhachitanga.&#8221; 40Ntheura para &#373;aSamariya &#373;akiza kwa Yesu, &#373;akamuromba kuti wakakharepo nawo, ndipo wakakhara nawo mazu&#373;a gha&#373;iri.</div><div class="p"> 41Ndipo &#373;anandiso &#373;akapulikana chifukwa cha mazgu ghakhe. 42Ntheura &#373;aSamariya &#373;akamuphalira mwanakazi &#373;akati, &#8220;Sono tapulikana, kuti nchifukwa cha mazgu ghako chara, kweni tajipulikira tekha, ndipo tamanya kuti, nadi uyu ndi Muponoski wa charu chose cha pasi.&#8221;</div><div class="s">Yesu wakuchizga mwana wa murara wa nchito ya boma</div><div class="p"> 43Ghakati ghajumpha mazu&#373;a gha&#373;iri Yesu wakaruta ku Galileya. 44Pakuti Yesu mwenecho wakayowoya kuti, &#8220;Nchimi kuti njakuchindikika mu charu cha kwawo chara.&#8221;#Mat 13.57; Mrk 6.4; Luk 4.24 45Para Yesu wakafika ku Galileya, &#373;anthu &#373;a ku Galileya &#373;akamupokerera pakuti iwo nawo &#373;akaruta ku chiphikiro cha Paska ku Yerusalemu ndipo &#373;akaviwona vyose ivyo Yesu wakachita kwenekura.#Yoh 2.23</div><div class="p"> 46Ntheura Yesu wakizaso ku Kana mu Galileya uko wakazgora maji ku&#373;a vinyo. Ndipo kuka&#373;a munthu yunji wa nchito ya boma uyo mwana wakhe mwanarume wakarwara ku Kaperenaumu.#Yoh 2.1-11 47Para munthu yura wakapulika kuti Yesu wiza kufuma ku Yudeya, kwiza ku Galileya wakaruta kwa iyo na kumuromba kuti warute nayo Kaperenaumu kuti wakachizge mwana wakhe, uyo waka&#373;a pafupi na kufwa. 48Ntheura Yesu wakamuphalira wakati, &#8220;Kwambula kuti muwone vimanyikwiro na vyakuzizwiska, kuti mungapulikana chara.&#8221;</div><div class="p"> 49Wa nchito ya boma wakati kwa iyo, &#8220;Fumu, tiyeni tirutenge pambere mwana wane wandafwe.&#8221;</div><div class="p"> 50Yesu wakati kwa iyo, &#8220;Rutanga, mwana wako wa&#373;enge wamoyo.&#8221;</div><div class="p">Munthu yura wakapulikana na mazgu agho Yesu wakamuphalira ndipo wakaruta. 51Apo waka&#373;a mu nthowa &#373;ate&#373;eti &#373;akhe &#373;akakumana nayo, &#373;akamuphalira &#373;akati, &#8220;Mwana winu wachira.&#8221;</div><div class="p"> 52Ntheura waka&#373;afumba na ora ilo mwana wakachilira ndipo &#373;akamuphalira &#373;akati, &#8220;Kuthukira kwa mu thupi kukamureka mayiro pa 1 koloko ku mise.&#8221; 53Ntheura wiske wakamanya kuti yika&#373;a ora leneilo Yesu wakamuyowoyera kuti, &#8220;Mwana wako wa&#373;enge wamoyo.&#8221; Penepapo iyo na &#373;a mu nyumba yakhe yose &#373;akapulikana mwa Yesu.</div><div class="p"> 54Ichi chika&#373;a chimanyikwiro cha chi&#373;iri icho Yesu wakachita wakati wafika mu Galileya kufuma ku Yudeya.</div>
 </div>
 </div>
</div>

Para Fumu yikamanya kuti ŵaFarisi ŵapulika kuti Yesu wakung'anamula na kubapatiza ŵasambiri ŵanandi kuruska Yohane, (nangauli, Yesu iyomwene kuti wakabapatizanga chara, kweni ŵasambiri ŵakhe,) yikawukako ku Yudeya ndipo yikarutaso ku Galileya. Ndipo nthowa yakhe yikaŵa yakusorota mu Samariya ndipera.
Ntheura wakiza ku msumba wa Samariya zina lakhe Sukare pafupi waka na charu icho Yakhobe wakapa mwana wakhe Yosefe. Chisimi cha Yakhobe chikaŵa kwenekura. Ndipo ntheura Yesu pakuti wakavuka na ulendo, wakakhara pasi murwande mwa chisimi, apo nyengo yikaŵa pafupi 12 koloko na muhanya.
Mwanakazi wa ku Samariya wakiza kuti waneghe maji. Yesu wakati kwa iyo, “Undipeko maji ndimwe.” Pakuti ŵasambiri ŵakhe ŵakaruta mu msumba kuya kagula vyakurya.
Mwanakazi muSamariya yura wakati kwa iyo, “Chifukwa uli imwe, muYuda, mukuromba maji kwa ine nda mwanakazi muSamariya?” Pakuti ŵaYuda na ŵaSamariya ŵakwenderana chara.
Yesu wakamuzgora kuti, “Nga umanyenge chawanangwa cha Chiuta, na mweneuyo wakuti kwa iwe, ‘Undipeko maji ndimwe,’ iwe ndiwe mphanyi wangumuromba, ndipo iyo mphanyi wangukupa maji gha umoyo.”
Mwanakazi wakati kwa Yesu, “Fumu, chakuneghera mulije, ndipo chisimi nchakuzongoka. Kasi mutorenge nkhu maji agho gha umoyo? Kasi muli ŵakuru kuruska sekuru withu Yakhobe mweneuyo wakatipa chisimi ichi icho wakamwangapo iyomwene na ŵana ŵakhe na viŵeto vyakhe?”
Yesu wakamuzgora wakati, “Yose uyo wakumwapo maji agha, wati womirwengeso. Kweni yose uyo wakumwapo maji agho nditi ndimupenge ine, kuti wati womirwengeso chara. Maji agho nditi ndimupenge iyo ghati ghaŵenge mwa iyo chisimi chakubwibwitukira ku umoyo wa muyirayira.”
Mwanakazi wakati kwa iyo, “Fumu, ndipaniko maji gheneagha kuti ndireke komirwaso nanga nkhwizako kwiza kanegha maji.”
Yesu wakati kwa iyo, “Ruta ukacheme mufumu wako ndipo wize kuno.”
Mwanakazi wakamuzgora kuti, “Ndilije mufumu.”
Yesu wakati kwa iyo, “Ukuneneska pakuyowoya kuti ‘Ndilije mufumu,’ chifukwa ukaŵa na ŵafumu ŵankhonde ndipo uyo uli nayo sono kuti ndi mufumu wako chara, waneneska nadi.”
Mwanakazi wakati kwa iyo, “Fumu, nkhuwona kuti ndimwe nchimi.” “Ŵasekuru ŵa ise ŵaSamariya ŵakasopanga Chiuta pa phiri ili, kweni imwe ŵaYuda mukuti mu Yerusalemu ndimo muli malo umo ŵanthu ŵakwenera kusopa Chiuta.”
Yesu wakati kwa iyo, “Wa mwanakazi, upulikane nane, nyengo yizenge apo murekerenge kusopa Ŵadada pa phiri ili, nanga ndi mu Yerusalemu. Imwe kuti mukumanya chara icho mukusopa. Kweni ise tikumanya icho tikusopa, chifukwa chiponosko chikufuma ku ŵaYuda. Kweni nyengo yiti yizenge ndipo na sono yafika kale apo awo ŵakusopa nadi ŵamkusopa Ŵadada mu Mzimu na mu unenesko. Ŵakusopa ŵa ntheura ndiwo Ŵadada ŵakukhumba. Chiuta ndi Mzimu ndipo awo ŵakumusopa ŵakwenera kumusopa mu Mzimu na mu unenesko.”
Mwanakazi wakati kwa iyo, “Nkhumanya nadi kuti Mesiya wakwiza mweneuyo wakuchemeka Khristu, ndipo para wafika ndiyo wizamkutimanyiska vinthu vyose.”
Penepapo Yesu wakati kwa iyo, “Ine nkhuyowoya na iwe ndine mweneuyo.”
Mbwenu penepapo ŵasambiri ŵakhe ŵakafika, ndipo ŵakazizwa para ŵakawona kuti Yesu wakuyowoya na mwanakazi. Kweni pakaŵavye na yumoza wakufumba kuti, “Ukupenjachi pano?” Nanga ndikumufumba Yesu kuti, “Chifukwa uli ukuyowoya na mwanakazi?”
Sono mwanakazi yura wakasida chiŵiya chakhe cha maji ndipo wakaruta mu msumba ndipo wakati ku ŵanthu, “Zaninge mwiza kawona munthu mweneuyo wandiphalira vyose ivyo nkhachitanga. Kasi mweneuyo wangaŵa Mesiya?” Ŵanthu ŵakafuma mu msumba na kuruta kwa Yesu.
Pa nyengo yira ŵasambiri ŵakhe ŵakamuŵeya Yesu ŵakati, “Musambizgi, ryaninge.”
Kweni Yesu wakaŵazgora wakati, “Ine ndili nacho chakurya cheneicho imwe mulije kuchimanya.”
Ntheura ŵasambiri ŵakamba kufumbana ŵakati, “Kasi panguŵa munthu yunji uyo wangumuyeghera chakurya?”
Yesu wakati kwa iwo, “Chakurya chane nkhuchita khumbo la Ŵadada awo ŵakandituma na kufiska mlimo wawo. Asi imwe mukuyowoya kuti ‘Kwakhara myezi yinayi ndipo kuti kuŵenge vuna.’ Nkhumuphalirani kuti, inuskani maso ghinu ndipo laŵiskani ku minda kosekose, uko minda yati waka tuu kunozgekera vuna. Uyo wakuvuna wakupoka njombe yakhe na kuwunjika vipambi vya umoyo wa muyirayira, mwakuti uyo wakumija na uyo wakuvuna ŵasekerere pamoza. Ndicho chifukwa mazgu gha kayowoyero aka ghakuneneska agho ghakuti, ‘Yumoza wakumija ndipo munyakhe wakuvuna.’ Nkhamutumani kuya kavuna icho mukaŵavye kulima. Ŵanthu ŵanji ŵali kuteŵeta mlimo ndipo imwe mwanjiramo waka mu mlimo wawo.”
ŴaSamariya ŵanandi mu msumba ura, ŵakapulikana mwa iyo chifukwa cha mazgu gha mwanakazi agho wakati, “Wangundiphalira vyose ivyo nkhachitanga.” Ntheura para ŵaSamariya ŵakiza kwa Yesu, ŵakamuromba kuti wakakharepo nawo, ndipo wakakhara nawo mazuŵa ghaŵiri.
Ndipo ŵanandiso ŵakapulikana chifukwa cha mazgu ghakhe. Ntheura ŵaSamariya ŵakamuphalira mwanakazi ŵakati, “Sono tapulikana, kuti nchifukwa cha mazgu ghako chara, kweni tajipulikira tekha, ndipo tamanya kuti, nadi uyu ndi Muponoski wa charu chose cha pasi.”

Ghakati ghajumpha mazuŵa ghaŵiri Yesu wakaruta ku Galileya. Pakuti Yesu mwenecho wakayowoya kuti, “Nchimi kuti njakuchindikika mu charu cha kwawo chara.” Para Yesu wakafika ku Galileya, ŵanthu ŵa ku Galileya ŵakamupokerera pakuti iwo nawo ŵakaruta ku chiphikiro cha Paska ku Yerusalemu ndipo ŵakaviwona vyose ivyo Yesu wakachita kwenekura.
Ntheura Yesu wakizaso ku Kana mu Galileya uko wakazgora maji kuŵa vinyo. Ndipo kukaŵa munthu yunji wa nchito ya boma uyo mwana wakhe mwanarume wakarwara ku Kaperenaumu. Para munthu yura wakapulika kuti Yesu wiza kufuma ku Yudeya, kwiza ku Galileya wakaruta kwa iyo na kumuromba kuti warute nayo Kaperenaumu kuti wakachizge mwana wakhe, uyo wakaŵa pafupi na kufwa. Ntheura Yesu wakamuphalira wakati, “Kwambula kuti muwone vimanyikwiro na vyakuzizwiska, kuti mungapulikana chara.”
Wa nchito ya boma wakati kwa iyo, “Fumu, tiyeni tirutenge pambere mwana wane wandafwe.”
Yesu wakati kwa iyo, “Rutanga, mwana wako waŵenge wamoyo.”
Munthu yura wakapulikana na mazgu agho Yesu wakamuphalira ndipo wakaruta. Apo wakaŵa mu nthowa ŵateŵeti ŵakhe ŵakakumana nayo, ŵakamuphalira ŵakati, “Mwana winu wachira.”
Ntheura wakaŵafumba na ora ilo mwana wakachilira ndipo ŵakamuphalira ŵakati, “Kuthukira kwa mu thupi kukamureka mayiro pa 1 koloko ku mise.” Ntheura wiske wakamanya kuti yikaŵa ora leneilo Yesu wakamuyowoyera kuti, “Mwana wako waŵenge wamoyo.” Penepapo iyo na ŵa mu nyumba yakhe yose ŵakapulikana mwa Yesu.
Ichi chikaŵa chimanyikwiro cha chiŵiri icho Yesu wakachita wakati wafika mu Galileya kufuma ku Yudeya.

Hallgasd meg Yohane 4