If you have would like a copy of this version please contact info@davarpartners.org

Sukuma Old Testament

<div class="version vid1517 iso6393suk" data-vid="1517" data-iso6393="suk">
 <div class="book bkGEN">
 <div class="chapter ch20" data-usfm="GEN.20">
 <div class="label">20</div><div class="s">Abulahamu na Abimeleki</div><div class="p"> 1H&#363;na &#363; Abulahamu &#363;saama, w&#299;nga aho wal&#299;, &#363;ja &#363;kazenga ipand&#299; lya Negevu, ha gat&#299; ya Kadeeshi na Sh&#363;&#363;l&#299;. Ikanza ilebe &#363;segeja kw&#299;nga na a henaho, &#363;kikala Geela. 2Aho al&#299; kwen&#363;ko &#363;y&#363;ng'haya &#363; nke &#363; Saala g&#299;k&#299;, &#8220;Il&#363;mb&#363; lyane.&#8221; Kwiman&#299;la Abimeleki, &#363; ntemi wa Geela, wat&#363;ma banh&#363; k&#363;nj&#299;la &#363; Saala; &#363;nsola. 3Al&#299;yo &#363; Mulungu &#363;ng'wiz&#299;&#299;la &#363; Abimeleki mu nz&#299;la ya shilooti makanza ga b&#363;jik&#363;, &#363;ng'w&#299;la g&#299;k&#299;, &#8220;&#362; bebe &#363;l&#299; mfu, k&#363;lwa nguno &#363; nk&#299;ma &#363;yo wansolaga ng'wen&#363;yo atoolilwe.&#8221; 4Al&#299;yo &#363; Abimeleki akasangwa ataal&#299; &#363; k&#363;ng'wegeela; na l&#363;&#363;l&#363; &#363;haya, &#8220;SEEBA, &#363;k&#363;kenaag&#363;la ihanga n&#363;&#363;l&#363; l&#299;t&#299; na shilingo? 5T&#363;haya waniw&#299;lile wei ng'wen&#299;k&#299;l&#299; g&#299;k&#299;, &#8216;&#362; ng'wen&#363;y&#363; il&#363;mb&#363; lyane;&#8217; n&#363; nk&#299;ma nang'hwe atahayile g&#299;k&#299;, &#8216;&#362; ng'wen&#363;y&#363; ns&#299;za wane?&#8217; &#362; mhayo gwen&#363;y&#363; nagw&#299;taga mu b&#363;t&#363;ng&#299;l&#299;ja na ng'hol&#242; yape gete.&#8221; 6&#362; Mulungu &#363;ng'w&#299;la &#363; mu shilooti shen&#299;sho g&#299;k&#299;, &#8220;&#362;l&#299;haya gwa ng'hana, namanile g&#299;k&#299; &#363; mhayo gwen&#363;y&#363; wagw&#299;taga mu ng'hol&#242; yape, h'&#299; nguno yene natak&#363;lekile &#363;nkuumye; nene ng'wenek&#299;l&#299; naak&#363;hang&#299;jaga &#363;tiz&#363;nih&#363;ba. 7Ali l&#363;&#363;l&#363;, nshoshage &#363; nk&#299;ma ng'wen&#363;yo &#363; k&#363;l&#299; ngoshi; &#299;k&#299; &#363; wei ng'hangi, ak&#363;k&#363;lombela &#363;bize mpanga. Al&#299;yo &#363;l&#363; &#363;tanshokije, managa hape g&#299;k&#299; &#363;k&#363;cha, &#363; bebe ng'wenek&#299;l&#299; na a ba mu ng'wako.&#8221;</div><div class="p"> 8&#362; Abimeleki aho wamisha &#299; ntondo yaho &#299; dil&#363;, &#363;bitana a bana ng'oma bakwe, &#363;basomboolela py&#299; &#299; yen&#299;yo. A banh&#363; benabo bakogoha no! 9Hanuma ya henaho &#363; Abimeleki &#363;ng'witana &#363; Abulahamu, &#363;ng'w&#299;la, &#8220;Mhayo k&#299; &#363; gwen&#363;y&#363; watw&#299;t&#299;lile? Naak&#363;kenije k&#299; nose &#363;nenhela b&#363;bi b&#363;taale g&#299;ko &#363; nene ham&#242; n&#363; b&#363;temi wane? &#362; bebe wan&#299;&#299;t&#299;lile mihayo &#299;yo &#299;tigelile kw&#299;twa!&#8221; 10&#362; Abimeleki ongeja k&#363;m&#363;ja &#363; Abulahamu, &#8220;&#298; gete k&#299; &#299;sho shikakwenheleja nose w&#299;te g&#299;ko?&#8221; 11&#362; Abulahamu &#363;shosha, &#8220;Nakabona g&#299;k&#299;, a ha ipand&#299; lyen&#299;l&#299; l&#363;t&#299;&#299;ho &#363; loogohano lwa ng'wa Mulungu, bak&#363;nib&#363;laga k&#363;lwa nguno ya nke wane.&#8221; 12Hama a hig&#363;lya ya henaho, &#363; wei &#299; chene ng'hana il&#363;mb&#363; lyane, n&#363;&#363;l&#363; &#299;k&#299; nke wane; nguno t&#363;sang&#299;lile &#363; s&#299;swe, t&#363;&#363;lekana a baniniswe. 13Na l&#363;&#363;l&#363; &#363; Mulungu aho wan&#299;nja &#363; mu numba ya ng'wa baba, &#363;n&#299;&#299;ta k&#363;biza wa k&#363;ja nak&#363;saama saamaga, nakang'w&#299;la g&#299;k&#299;,#20:13 Nakang'w&#299;la g&#299;k&#299;: &#362;yo akaw&#299;lwa Saala, at&#299; Mulungu. &#8220;&#362; b&#363;togwa wako &#363;mo &#363;nitogelilwe &#363; nene, &#363;k&#363;y&#363;boolecha mu nz&#299;la &#299;y&#299;, b&#363;l&#299; kwene &#363;ko t&#363;k&#363;ja nihayage g&#299;k&#299;, &#8216;&#362; ng'wen&#363;y&#363; s&#299;za wane.&#8217;&#8221; 14H&#363;na &#363; Abimeleki wenha ng'holo na ng'ombe, na basese bagosha na bak&#299;ma; &#363;ng'winha &#363; Abulahamu, &#363;nshokeja n&#363; nke wakwe &#363; Saala. 15&#362; Abimeleki &#363;ng'w&#299;la &#363; Abulahamu g&#299;k&#299;, &#8220;&#298; s&#299; yane y&#299;y&#299; k&#363; b&#363;tongi wako &#299;k&#363;lindile; igashaga hose hose aho &#363;lasole bebe ng'wenek&#299;l&#299;.&#8221; 16N&#363; Saala &#363;ng'w&#299;la, &#8220;&#362; ns&#299;zayo nang'winha shekeeli shih&#363;mb&#299; shim&#242; sha feza, k&#363;lwa k&#363;kund&#299;k&#299;ja b&#363;h&#363;bi &#363;bo wal&#299; w&#299;t&#299;lilwe bebe k&#363; b&#363;tongi wa banh&#363; bose; &#299; haha &#363;l&#299; wape.&#8221; 17Aho yashila &#299; yen&#299;yo, &#363; Abulahamu &#363;nombela &#363; Abimeleki n&#363; nke, na a basese ba ha ng'wakwe a bak&#299;ma; b&#363;biza na b&#363;d&#363;la wa k&#363;byala hang&#299;. 18Nguno &#363; Mulungu akasangwa wabalugal&#299;la &#363; b&#363;by&#299;le pye a ba mu kaya ya ng'wa Abimeleki, k&#363;lwa nguno ya ng'wa Saala, &#363; nke wa ng'wa Abulahamu.</div>
 </div>
 </div>
</div>

Sukuma Bible © Bible Society of Tanzania, 2019.

Hūna ū Abulahamu ūsaama, wīnga aho walī, ūja ūkazenga ipandī lya Negevu, ha gatī ya Kadeeshi na Shūūlī. Ikanza ilebe ūsegeja kwīnga na a henaho, ūkikala Geela. Aho alī kwenūko ūyūng'haya ū nke ū Saala gīkī, “Ilūmbū lyane.” Kwimanīla Abimeleki, ū ntemi wa Geela, watūma banhū kūnjīla ū Saala; ūnsola. Alīyo ū Mulungu ūng'wizīīla ū Abimeleki mu nzīla ya shilooti makanza ga būjikū, ūng'wīla gīkī, “Ū bebe ūlī mfu, kūlwa nguno ū nkīma ūyo wansolaga ng'wenūyo atoolilwe.” Alīyo ū Abimeleki akasangwa ataalī ū kūng'wegeela; na lūūlū ūhaya, “SEEBA, ūkūkenaagūla ihanga nūūlū lītī na shilingo? Tūhaya waniwīlile wei ng'wenīkīlī gīkī, ‘Ū ng'wenūyū ilūmbū lyane;’ nū nkīma nang'hwe atahayile gīkī, ‘Ū ng'wenūyū nsīza wane?’ Ū mhayo gwenūyū nagwītaga mu būtūngīlīja na ng'holò yape gete.” Ū Mulungu ūng'wīla ū mu shilooti shenīsho gīkī, “Ūlīhaya gwa ng'hana, namanile gīkī ū mhayo gwenūyū wagwītaga mu ng'holò yape, h'ī nguno yene natakūlekile ūnkuumye; nene ng'wenekīlī naakūhangījaga ūtizūnihūba. Ali lūūlū, nshoshage ū nkīma ng'wenūyo ū kūlī ngoshi; īkī ū wei ng'hangi, akūkūlombela ūbize mpanga. Alīyo ūlū ūtanshokije, managa hape gīkī ūkūcha, ū bebe ng'wenekīlī na a ba mu ng'wako.”
Ū Abimeleki aho wamisha ī ntondo yaho ī dilū, ūbitana a bana ng'oma bakwe, ūbasomboolela pyī ī yenīyo. A banhū benabo bakogoha no! Hanuma ya henaho ū Abimeleki ūng'witana ū Abulahamu, ūng'wīla, “Mhayo kī ū gwenūyū watwītīlile? Naakūkenije kī nose ūnenhela būbi būtaale gīko ū nene hamò nū būtemi wane? Ū bebe wanīītīlile mihayo īyo ītigelile kwītwa!” Ū Abimeleki ongeja kūmūja ū Abulahamu, “Ī gete kī īsho shikakwenheleja nose wīte gīko?” Ū Abulahamu ūshosha, “Nakabona gīkī, a ha ipandī lyenīlī lūtīīho ū loogohano lwa ng'wa Mulungu, bakūnibūlaga kūlwa nguno ya nke wane.” Hama a higūlya ya henaho, ū wei ī chene ng'hana ilūmbū lyane, nūūlū īkī nke wane; nguno tūsangīlile ū sīswe, tūūlekana a baniniswe. Na lūūlū ū Mulungu aho wanīnja ū mu numba ya ng'wa baba, ūnīīta kūbiza wa kūja nakūsaama saamaga, nakang'wīla gīkī, “Ū būtogwa wako ūmo ūnitogelilwe ū nene, ūkūyūboolecha mu nzīla īyī, būlī kwene ūko tūkūja nihayage gīkī, ‘Ū ng'wenūyū sīza wane.’” Hūna ū Abimeleki wenha ng'holo na ng'ombe, na basese bagosha na bakīma; ūng'winha ū Abulahamu, ūnshokeja nū nke wakwe ū Saala. Ū Abimeleki ūng'wīla ū Abulahamu gīkī, “Ī sī yane yīyī kū būtongi wako īkūlindile; igashaga hose hose aho ūlasole bebe ng'wenekīlī.” Nū Saala ūng'wīla, “Ū nsīzayo nang'winha shekeeli shihūmbī shimò sha feza, kūlwa kūkundīkīja būhūbi ūbo walī wītīlilwe bebe kū būtongi wa banhū bose; ī haha ūlī wape.” Aho yashila ī yenīyo, ū Abulahamu ūnombela ū Abimeleki nū nke, na a basese ba ha ng'wakwe a bakīma; būbiza na būdūla wa kūbyala hangī. Nguno ū Mulungu akasangwa wabalugalīla ū būbyīle pye a ba mu kaya ya ng'wa Abimeleki, kūlwa nguno ya ng'wa Saala, ū nke wa ng'wa Abulahamu.

Hallgasd meg wandījo 20