Sòm 40:1-4

(2) Mwen te mete tout espwa m nan Senyè a.
Li te panche zòrèy li bò kote m,
li te tande m lè m t'ap rele.
(3) Li rale m sòti nan twou kote m t'ap peri a,
nan gwo m'a labou a.
Li mete m sou gwo wòch la,
li fè m kanpe dwat ankò.
(4) Li mete yon chante tou nèf nan bouch mwen,
yon chante pou m fè lwanj Bondye nou an.
Anpil moun, lè yo wè sa, yo pral pè,
y'a mete konfyans yo nan Senyè a.

(5) Ala bon sa bon pou moun ki mete konfyans yo nan Senyè a,
pou moun ki p'ap swiv ni moun k'ap fè awogans yo
ni moun k'ap bay manti yo!