Luke 19
19
1ᩅᩣ᩠ᨿᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩᨶᩦᩢ ᨯᩱᩢᨹᩣ᩠ᨶ᩵ᩋ᩠ᩋᨠᨻᩱᨴ᩠ᨦᩤ ᨾᩮ᩠ᨦᩨᨣᩮ᩠ᨿᩁᩥᨡᩮᩣᨶ᩠ᨶᩢᩢᩉ᩠ᨶᩢᩢᩓ᪩ 2ᨶᩱᩅ᩠ᨿᨦᨶ᩠ᨶᩢᩢ ᨾᩦᨤ᩠ᨶᩫᨣᩳᩢ ᪑ ᨩᩨ᩵ᩅᩤ᩵ᨩᩮ᩠ᨯᨤᩯ ᨶ᩠ᨦᩢ᩵ᩀᩪ᩵ᨴᩦ᩵ᩉ᩠ᨶᩢᩢ᪩ ᨾ᩠ᨶᩢᨶ᩠ᨶᩢᩢᨸᩮ᩠ᨶᨧᩮᩣᩢᩢ ᩉ᩠ᨶᩣᩢᨴᩦ᩵ᨹᩪᩢᨠᩮ᩠ᨷᨡ᩠ᩋ᩵ᩁ ᨸᩮ᩠ᨶᨤ᩠ᨶᩫᨾᩦᨦ᩠ᨶᩫᨾᩦᨡᩮᩣᩢᩢ ᨡ᩠ᩋᨦᩈᨾ᩠ᨷᨲ᩠ᨲᩥᨾᩣ᩠ᨠᩉᩖᩣ᩠ᨿᨣᩳᩢ ᪑ ᩅᩤ᩵ᩋ᩠ᨶᩢᩢᩓ᪩ 3ᨾ᩠ᨶᩢᨷᩢᩁᩪᩢᨧ᩠ᨠᩢᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩᨴᩮ᩠ᩋᩨ᩵ ᨾ᩠ᨶᩢᨡ᩠ᨯᩢᨧᩱᩉᩖ᩠ᩋᨾᨴ᩠ᩅ᩠ᨿ ᨴ᩠ᨶᩤ᩵ᨧᩮᩣᩢᩢᩈᩮᨴᩤᩢ ᨼᩰ᩠ᩋᩡᩅᩤ᩵ᨲ᩠ᩅᩫᨾ᩠ᨶᩢᩋᩮ᩠ᨠ ᨷᩢᨩᩣ᩠ᨳ᩵ᩉ᩠ᨶᩢᨯᩱᩢ᪩ 4ᩈ᩠ᨶᩢᨶ᩠ᨶᩢᩢ ᨻᩮ᩠ᩋᩨ᩵ᨤᩱ᩵ᩉ᩠ᨶᩢᨴ᩠ᨶᩤ᩵ᨧᩮᩣᩢᩢ ᨧ᩠ᨦᩥ᩵ᨯᩱᩢᨡ᩠ᨶᩨᩢ ᩉᩮ᩠ᨶᩨ᩠ᩋ ᨲ᩠ᨶᩫᩢᩉ᩠ᨾᩣ᩠ᨠᨶᩣ᩠ᨦᩢᩈᩮᨻᩱᩢ ᨴ᩠ᩅ᩠ᨿᨴ᩠ᨶᩤ᩵ᨧᩮᩣᩢᩢᩀᩪ᩵᪩ 5ᩅᩮᩃᩣᨾᩮ᩠ᩋᩨ᩵ᨴ᩠ᨶᩤ᩵ᨧᩮᩣᩢᩢᩁ᩠ᩋᨯᨾᩣᨳ᩠ᨦᩨᩓ᩠ᩅᩢ ᨾᩩᩢᩉᩖᨾ᩠ᩋᨴ᩠ᩅ᩠ᨿᨴᩤ᩠ᨦ ᩉᩮ᩠ᨶ᩠ᩋᩨ “ᨩᩮ᩠ᨯᨤᩯ ᩃ᩠ᨦᩫᨾᩣᩅᩱᩢᪧ᪩ ᩅ᩠ᨶᩢᨶᩦᩢ ᨣᩪᨧᩢᨻᩱᨿ᩠ᨦᩢᩢᩁᩮ᩠ᨶᩨᨾ᩠ᨦᩨᩓ” ᨸ᩠ᨦᩫᩋᩣᨩ᩠ᨬᩣᩅᩤ᩵ᩋ᩠ᨶᩢᩢ᪩ 6ᨩᩮ᩠ᨯᨤᩯᨣᩢᨯᩱᩢᩃ᩠ᨦᩫᨾᩣᩈᩮᩓ᩠ᩅᩢ ᨿ᩠ᨶᩥᨯᩦᨿ᩠ᨶᩥᨩ᩠ᨾᩫ ᩁ᩠ᨷᩢᨲ᩠ᩋᩢᩁᨴ᩠ᨶᩤ᩵ᨧᩮᩣᩢᩢᩅᩤ᩵ᩋ᩠ᨶᩢᩢᩓ᪩ 7ᨤ᩠ᨶᩫᨴ᩠ᨦᩢᩉᩖᩣ᩠ᨿᨯᩱᩢᩉ᩠ᨶᩢᨯ᩠ᨦᩢ᩵ᨶ᩠ᨶᩢᩢᩓ᩠ᩅᩢᩅᩤ᩵ “ᨴ᩠ᨶᩤ᩵ᨧᩮᩣᩢᩢᨶᩦᩢ ᨻᩱᨴᩦ᩵ᩁᩮ᩠ᨶᩨᨤ᩠ᨶᩫᩋ᩠ᨶᩢ ᨾᩦᨴᩰ᩠ᩇᨴᩩᨧ᩠ᨧᩁ᩠ᨲᩥ ᩓ᩠ᩅᩢᨪᩣᩴᩢᨻᩱᩁ᩠ᨷᩢ ᨴᩤ᩠ᨶᩋᩣᩉᩣ᩠ᩁᨴᩦ᩵ᩁᩮ᩠ᨶᩨᨾ᩠ᨶᩢ ᨳᩯ᩠ᨦᩢᨠ᩠ᩋ᩵ᩁ” ᨲᩥᨲ᩠ᨿᩁᨶ᩠ᨿᩁᨴᩤᨯ᩠ᨦᩢ᩵ᨶᩦᩢᩓ᪩ 8ᩅᩣ᩠ᨿᨶ᩠ᨶᩢᩢ ᨩᩮ᩠ᨯᨤᩯᨣᩢᨧᩩᨠᨿ᩠ᨶᩨᩈᩮᩓ᩠ᩅᩢ ᩅᩤ᩵ᨴᩦ᩵ᨴ᩠ᨶᩤ᩵ᨧᩮᩣᩢᩢ “ᨴ᩠ᨶᩤ᩵ᨧᩮᩣᩢᩢ᪨ ᨴ᩠ᨶᩤ᩵ᨧᩮᩣᩢᩢ᪨ ᨯ᩠ᨦᩢ᩵ᨤ᩠ᩅᩫᨡ᩠ᩋᨦ ᩈᨾ᩠ᨷᨲ᩠ᨲᩥᩋ᩠ᨶᩢᨡᩣᩢᨾᩦᩅᩱᩢᨶ᩠ᨶᩢᩢ ᨡᩣᩢᨧᩢᨹᩯᨸ᩠ᨶᩢ ᨤ᩠ᨶᩫᨴᩩᨠ᩠ᨡ᩼ᨤ᩠ᨶᩫᨹᩣ᩠ᨶᨠ᩠ᨦᩨ᩵ᨶ᩠ᨦᩨ᩵ᩈᩮᩓ᩠ᩅᩢ᪩ ᨯ᩠ᨦᩢ᩵ᨦ᩠ᨶᩫᩋ᩠ᨶᩢᨠᩮ᩠ᨷᨡ᩠ᩋ᩵ᩁᨯᩱᩢᨾᩣᨯ᩠ᩅ᩠ᨿᩢ ᨷᩢᨲᩣ᩠ᨾᨿᩩᨲ᩠ᨲᩥᨵᨾ᩠ᨾ᩼ᨶ᩠ᨶᩢᩢ ᨣᩢᨧᩢᩉᩮᩖᩨᩋᨸ᩠ᨶᩢᨤ᩠ᨶᩨᨡᩮᩣᩢᩈᩦ᩵ᨻᩪ᩵ᩁᨳᩯ᩠ᨦᩢ” ᩅᩤ᩵ᩋ᩠ᨶᩢᩢ᪩ ᩉᩱ᩠ᩅᩢᩈᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵ (br)᪩ 9ᨴ᩠ᨶᩤ᩵ᨧᩮᩣᩢᩢᨣᩢᨷ᩠ᩋᨠᨠᩣ᩠ᩅ᩵ᨴᩦ᩵ᨩᩮ᩠ᨯᨤᩯᩅᩤ᩵ “ᨴ᩠ᨶᩤ᩵ᨶᩦᩢ ᨼᩰ᩠ᩋᩡᩅᩤ᩵ ᨸᩮ᩠ᨶᨩᩮ᩠ᩋᩨᩢᨩᩣ᩠ᨲᩋᩣᨻ᩠ᩃᩡᩉᩴ ᨲ᩠ᨦᩢᩢᩐᩣᩢᩅ᩠ᨶᩢᨶᩦᩢᨻᩱ ᨴ᩠ᨶᩤ᩵ᩓᩢ ᨤ᩠ᩋᨷᨤ᩠ᩅᩫᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨻᩕᨧᩮᩣᩢᩢᨧᩢᨹᩣ᩠ᨿᨷᩕᩰ᩠ᨯᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᩀᩪ᩵ᩓ᩠ᩅᩢᩓ”᪩ 10ᩃᩪᨠᨩᩣ᩠ᨿᨧᩮᩣᩢᩢᨧᩢᨻ᩠ᩋᨠᨾᩣᨲᩣ᩠ᨾᩉᩣᨹᩣ᩠ᨿᨷᩕᩰ᩠ᨯᨤ᩠ᨶᩫ ᨩᩮ᩠ᩋᩨᩋ᩠ᨶᩢᩉᩣ᩠ᨿᨻᩱᨶ᩠ᨶᩢᩢ ᨷᩢᩀ᩵ᩣᨩᩣᨯᩯ᩵᪩ 11ᨼᩰ᩠ᩋᩡᩅᩤ᩵ ᨠᩱᩢᨧᩣᩴᩅ᩠ᨿᨦᨩᩮᩁᩩᩈᩃᩮ᩠ᨾᨯ᩠ᨦᩢ᩵ᩋ᩠ᨶᩢᩢᩓ᩠ᩅᩢ ᨡᩮᩣᩢᨣᩢᨶ᩠ᨠᩧᩅᩤ᩵ ᩈᩣᩈᨶᩣᨻᩕᨧᩮᩣᩢᩢ ᨧᩢᩁ᩠ᩋᨯᨾᩣᨳ᩠ᨦᩨᨣᩣᩴᨯ᩠ᨿᩴᩓ᩠ᩅᩢ᪩ ᨤ᩠ᨶᩫᨴ᩠ᨦᩢᩉᩖᩣ᩠ᨿᨣᩢᨾᩩ᩵ᨦᨾ᩠ᩋᨦᨻᩱᩢᨼ᩠ᨦᩢ ᨵᨾ᩠ᨾᨴᩮᩈᨶᩣ ᩉᩯ᩠ᨦ᩵ᨻᩕᨧᩮᩣᩢᩢᩀᩪ᩵ ᨴ᩠ᨶᩤ᩵ᨧ᩠ᨦᩥ᩵ᨸ᩠ᨦᩫ ᩋᩣᨩ᩠ᨬᩣ ᩏᨷᨾᩣᩋ᩠ᨶᩢᩓᨶ᩠ᨦᩨ᩵᪩ 12ᨾᩦᨠᩯ᩠ᨾᨾᩮ᩠ᨦᩨᨧᩮᩣᩢᩢᨲ᩠ᨶᩫ ᪑ ᨻᩪ᩵ᩁᨴ᩠ᨶᩤ᩵ᨧᩢᨸᩮ᩠ᨶᨼ᩠ᨿᩣᨧᩮᩣᩢᩢᨾᩮ᩠ᨦᩨᨶ᩠ᨶᩢᩢ ᨲ᩠ᩋᨦᩢᨯᩱᩢᨻᩱᩉᩣᨼ᩠ᨿᩣ ᪉ ᨠᩁᩣ᩠ᨩ ᩋ᩠ᨶᩢᨠᩱᨠ᩠ᨶᩢᨴ᩠ᨦᩢᨾᩮ᩠ᨦᩨᨶ᩠ᨶᩢᩢᩓ᪩ 13ᨠ᩠ᩋ᩵ᩁᨾ᩠ᨶᩢᨷᩢᨴ᩠ᨶᩢᨻᩱᨴᩮ᩠ᩋᩨ᩵ᨶ᩠ᨶᩢᩢ ᨯᩱᩢᩁ᩠ᩋᨦᩢᩐᩣᩢᨤ᩠ᨶᩫᨩᩱᩢᩈ᩠ᨷᩥᨤ᩠ᨶᩫᩓ᩠ᩅᩢ ᨤ᩠ᨶᩫᩉᩱ᩠ᨶᨸ᩠ᨶᩢᨦ᩠ᨶᩫᨶ᩠ᨦᩨ᩵ᨾᩥᨶᩣw ᨻᩮ᩠ᩋᩨ᩵ᩐᩣᩢᨻᩱᩃ᩠ᨦᩫᨵᩩᩁᨣᩤᩢᨡᩣ᩠ᨿ ᨾᩮ᩠ᩋᩨ᩵ᨣᩪᨷᩢᨻ᩠ᩋᨠᨾᩣᨴᩮ᩠ᩋᩨ᩵ᨶ᩠ᨶᩢᩢᩓ ᨸ᩠ᨶᩢᩋᩣᨩ᩠ᨬᩣᩅᩤ᩵ᨯ᩠ᨦ᩵ᨶᩦᩢ᪩ 14ᨤ᩠ᨶᩫᨾᩮ᩠ᨦᩨᨴᩦ᩵ᨶ᩠ᨶᩢᩢ ᨩᩮ᩠ᩋᩨᨹ᩠ᩋ᩵ᨳᨤ᩠ᨶᩫᨴ᩠ᨦᩢᩉᩖᩣ᩠ᨿ ᨡᩮᩣᩢᨷᩢᨤᩱ᩵ᩉᩨᩢᨾ᩠ᨶᩢᨸᩮ᩠ᨶ ᨻᩕ᩠ᨿᩣᨧᩮᩣᩢᩢᨾᩮ᩠ᨦᩨ ᨧ᩠ᨦᩥ᩵ᨯᩱᩢᨩᩱᩢᨤ᩠ᨶᩫᨻᩱᩈᩉᩮ᩠ᨶ᩠ᩋᩨ ᨲᩣ᩠ᨦ᩵ᨳ᩠ᨦᩨᨴᩦ᩵ᨼ᩠ᨿᩣ ᪉ ᨠᩁᩣ᩠ᨩᨶ᩠ᨶᩢᩢ ᨣᩢᨾᩦᩓ᪩ 15ᨣᩭᨲᩯ᩵ᩅᩤ᩵ ᨠᩯ᩠ᨾᨾᩮ᩠ᨦᩨᨶ᩠ᨶᩢᩢ ᨯᩱᩢᨲᩯ᩠ᨦ᩵ᨲ᩠ᨦᩢᩢᨸᩮ᩠ᨶᨼ᩠ᨿᩣᨧᩮᩣᩢᩢᨾᩮ᩠ᨦᩨᩓ᩠ᩅᩢ ᨻ᩠ᩋᨠᨾᩣᨤ᩠ᨶᩨ ᨳᩣ᩠ᨾᨴ᩠ᩅ᩠ᨿᨤ᩠ᨶᩫᨩᩱᩢᨾ᩠ᨶᩢᩋ᩠ᨶᩢᨸ᩠ᨶᩢ ᩅᩱᩢᨦ᩠ᨶᩫᨶ᩠ᨶᩢᩢᩓ ᨾ᩠ᨶᩢᨤᩱ᩵ᩁᩪᩢᩅᩤ᩵ᨸᩮ᩠ᨶᩀ᩵ᩣ᩠ᨦᨯᩱ ᨧ᩠ᨦᩥ᩵ᨯᩱᩢᩁ᩠ᩋᨦᩢ ᩐᩣᩢᨤ᩠ᨶᩫᨩᩱᩢᨴ᩠ᨦᩢᩉᩖᩣ᩠ᨿᨾᩣ᪩ 16ᨷᨳᨾᨤ᩠ᨶᩫᨩᩱᩢᨶ᩠ᨶᩢᩢ ᨠᩣ᩠ᩅ᩵ᩅᩤ᩵ “ᨼ᩠ᨿᩣᨧᩮᩣᩢᩢᨾᩮ᩠ᨦᩨᨯᩱᩢᨸ᩠ᨶᩢᩅᩱᩢᨦ᩠ᨶᩫᨶ᩠ᨶᩢᩢ ᨡᩣᩢᨯᩱᩢᨠᩣᩴ᩠ᨴᩉᩮ᩠ᨯᩈᩣ᩠ᨦᩢᨡ᩠ᨶᩨᩢᨾᩣᨾᩦᨶᩣᩴᩢ ᨿ᩠ᩋᩁᩢᩋ᩠ᩋᨠᨾᩣ ᩈ᩠ᨷᩥᩈ᩠ᩅ᩵ᩁᩓ”᪩ 17ᨼ᩠ᨿᩣᨧᩮᩣᩢᩢᨾᩮ᩠ᨦᩨᨣᩢᩅᩤ᩵ᨯᩦᨴᩯᩢᩓ᪩ ᨦ᩠ᨶᩫᩋ᩠ᨯᩥᩉ᩠ᨶᩭᨣᩭ ᨾ᩠ᨦᩨᨾᩦᩈᨧ᩠ᨧᩉᩮ᩠ᨯᩈᩣ᩠ᨦᩢᨡ᩠ᨶᩨᩢᨾᩣᨯ᩠ᨦᩢ᩵ᨶᩦᩢ ᨣᩢᨸᩮ᩠ᨶᨤ᩠ᨶᩫᨩᩱᩢᨯᩦᨴᩯᩢᪧᩓ ᩈ᩠ᨶᩢᨶ᩠ᨶᩢᩢᨼ᩠ᨿᩣᨧᩮᩣᩢᩢᨧ᩠ᨦᩥ᩵ ᩉᩨᩢᨾ᩠ᨶᩢᨠ᩠ᨶᩥᩈ᩠ᨷᩥᩅ᩠ᨿᨦ ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨣᩢᨾᩦᩓ᪩ 18ᨹᩪᩢᨳ᩠ᩅᩁᩢᩈ᩠ᩋᨦᩅᩤ᩵ ᨯ᩠ᨦᩢ᩵ᨦ᩠ᨶᩫᨶ᩠ᨦᩨ᩵ᨾᩥᨶᩣᨶ᩠ᨶᩢᩢ ᨡᩣᩢᨯᩱᩢᨠᩣᩴ᩠ᨴᩉᩮ᩠ᨯᩈᩣ᩠ᨦᩢ ᩉᩮᩖᩨᩋᩋ᩠ᩋᨠᨾᩣ ᩉᩣᩢᩈ᩠ᩅ᩵ᩁᩓ᩠ᩅᩢᩓ᪩ 19ᨼ᩠ᨿᩣᨧᩮᩣᩢᩢᨾᩮ᩠ᨦᩨᨣᩢ ᩉᩨᩢᨾ᩠ᨶᩢᨠ᩠ᨶᩥᩅ᩠ᨿᨦᩉᩣᩢᩅ᩠ᨿᨦ ᨸ᩠ᨦᩫᩋᩣᨩ᩠ᨬᩣᩉᩨᩢ ᨳᩯ᩠ᨦᩢᨯ᩠ᨦᩢ᩵ᨶᩦᩢᩓ᪩ 20ᨤ᩠ᨶᩫᨳᩯ᩠ᨦᩢᨣᩳᩢ ᪑ ᨶ᩠ᨶᩢᩢ ᨯ᩠ᨦᩢ᩵ᨦ᩠ᨶᩫᩋ᩠ᨶᩢᨼ᩠ᨿᩣᨧᩮᩣᩢᩢᨾᩮ᩠ᨦᩨᨸ᩠ᨶᩢᩅᩱᩢᨶ᩠ᨶᩢᩢ ᨡᩣᩢᨯᩱᩢᩐᩣᩢᨹᩣᩢᨩᩮ᩠ᨯ ᨻ᩠ᨻᩫᩅᩱᩢᩈᩮᨪ᩠ᨾᩥᩅᩱᩢᨣᩭ᪩ ᨴ᩠ᩅ᩠ᨿᨡᩣᩢᩓ᪩ 21ᨼ᩠ᨿᩣᨧᩮᩣᩢᩢᨶᩦᩢ ᩈ᩠ᨦᩥ᩵ᨡ᩠ᩋᨦᩋ᩠ᨶᩢᨷᩢᨩᩱ᩵ᨧᩮᩣᩢᩢᨡ᩠ᩋᨦᨶ᩠ᨶᩢᩢ ᩉ᩠ᨾᩳᨪ᩠ᨾᩥᩅᩱᩢᨣᩭ ᩉᩮ᩠ᨾᩨᩁᨯ᩠ᨦᩢ᩵ᨤ᩠ᨶᩫᨷᩢᨸᩪᨠᨡᩮᩣᩢᩢᩈᩮᩓ᩠ᩅᩢ ᩉ᩠ᨾᩳᨸᩣ᩠ᨯᨡᩮᩣᩢᩢᨶ᩠ᨶᩢᩢ ᨠ᩠ᩅᩫᩅᩤ᩵ᩉᩨᩢᨡᩣᩢᨯ᩠ᨦᩢ᩵ᨶ᩠ᨶᩢᩢ ᨧ᩠ᨦᩥ᩵ᨯᩱᩢᨪ᩠ᨾᩨ ᩅᩱᩢᨯ᩠ᨦᩢ᩵ᨶᩦᩢᨣᩭᩓ᪩ 22ᨾ᩠ᨦᩨᨶᩦᩢ ᨸᩮ᩠ᨶᨤ᩠ᨶᩫᨩᩱᩢᩉ᩠ᨿᩫᨠᩉᩮᩖᩨᩋᨻᩮ᩠ᨶᩨ᩵ ᨲᩣ᩠ᨾᨾ᩠ᨦᩨᨷ᩠ᩋᨠᨠᩣ᩠ᩅ᩵ᩅᩱᩢᨶ᩠ᨶᩢᩢ ᨣᩪᨧᩢᨸ᩠ᨶᩢᨴᩰ᩠ᩇᨾ᩠ᨦᩨ ᩁᩪᩢᩀᩪ᩵ᩅᩤ᩵ᨣᩪᨶᩦᩢ ᨣᩮ᩠ᨿᩨᩐᩣᩢᨡ᩠ᩋᩫᨻᩮ᩠ᨶᩨ᩵ᨴᩦ᩵ ᩋ᩠ᨶᩢᨷᩢᨸᩮ᩠ᨶᨧᩮᩣᩢᩢᨡ᩠ᩋᨦᩓᩢ ᨷᩢᨸᩪᨠᨡᩮᩣᩢᩢᩈᩮᩓ᩠ᩅᩢ ᩉ᩠ᨾᩳᨠ᩠ᨿᩴ᩵ᨡᩮᩣᩢᩢᨣᩭᩋ᩠ᨶᩢᩅᩤ᩵ᨶ᩠ᨶᩢᩢ᪩ 23ᨼᩰ᩠ᩋᩡᩉᩮ᩠ᨲᩩᨯᩱᩓᩢ ᨾ᩠ᨦᩨᨷᩢᩐᩣᩢᨻᩱᩅᩱᩢᨴᩦ᩵ᩃᩮ᩠ᨾᩢᨦ᩠ᨶᩫ᪩ (ᨽᨱ᩻) ᨳᩣᩢᩅᩤ᩵ᨾ᩠ᨦᩨᩐᩣᩢᨻᩱᩅᩱᩢᨴᩦ᩵ᩃᩮ᩠ᨾᩢᨦ᩠ᨶᩫᨶ᩠ᨶᩢᩢ ᨣᩪᨧᩢᨯᩱᩢᨡᩦᩢᨯ᩠ᩋᨠᨾ᩠ᨶᩢᩀᩪ᩵ ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᩓ᪩ 24ᨿᩣ᩠ᨾᨶ᩠ᨶᩢᩢ ᨼ᩠ᨿᩣᨧᩮᩣᩢᩢᨾᩮ᩠ᨦᩨᨯᩱᩢᩁ᩠ᩋᨦᩢᩐᩣᩢᨤ᩠ᨶᩫᨩᩱᩢ ᨳᩯ᩠ᨦᩢᨤ᩠ᨶᩫ ᪑ ᩈᩮ ᩉᩨᩢᨻᩱᩐᩣᩢᨦ᩠ᨶᩫ ᨴᩦ᩵ᩋ᩠ᨶᩢ ᨷᩢᩉ᩠ᨾᩳᩉᩮ᩠ᨯᩉᩮᩖᩨᩋᩋ᩠ᩋᨠᨾᩣᨶ᩠ᨶᩢᩢᩈᩮᩓ᩠ᩅᩢ᪩ 25ᩐᩣᩢᨻᩱᨸ᩠ᨶᩢᨹᩪᩢᨴᩦ᩵ᩋ᩠ᨶᩢ “ᩉ᩠ᨾᩳᩉᩮ᩠ᨯᩉ᩠ᨾᩳᩈᩣ᩠ᨦᩢᩉᩨᩢ ᩉᩮᩖᩨᩋᩋ᩠ᩋᨠᨾᩣᨶ᩠ᨶᩢᩢᩓ ᨡᩮᩣᩢᨪᩣᩴᩢᩅᩤ᩵ᨾ᩠ᨶᩢᨾᩦᩈ᩠ᨷᩥᨾᩥᨶᩣᩓ᩠ᩅᩢ” ᩅᩤ᩵ᩋ᩠ᨶᩢᩢ᪩ 26ᨼ᩠ᨿᩣᨧᩮᩣᩢᩢᨾᩮ᩠ᨦᩨᩅᩤ᩵ᩉᩨᩢᨡᩮᩣᩢ “ᨣᩪᨧᩢᨷ᩠ᩋᨠᨠᩣ᩠ᩅ᩵ᨸ᩠ᨶᩢᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ᪩ ᨧᩢᨯᩱᩢᨸ᩠ᨶᩢᩉᩮᩖᩨᩋ ᨤ᩠ᨶᩫᩋ᩠ᨶᩢᩉ᩠ᨾᩳᩉᩮ᩠ᨯᩉ᩠ᨾᩳᩈᩣ᩠ᨦᩢᨶ᩠ᨶᩢᩢᩓ ᨤ᩠ᨶᩫᩋ᩠ᨶᩢᨷᩢᩉ᩠ᨾᩳᩉᩮ᩠ᨯᩉ᩠ᨾᩳᩈᩣ᩠ᨦᩢ ᩉᩮᩖᩨᩋᩋ᩠ᩋᨠᨾᩣᨶ᩠ᨶᩢᩢ ᨧᩢᨯᩱᩢᨪ᩠ᨾᩥᩐᩣᩢᨤ᩠ᩅᩫᨡ᩠ᩋᩫᨡᩮᩣᩢ ᨠ᩠ᩋ᩵ᩁᩓᩅᩤ᩵ᩋ᩠ᨶᩢᩢ᪩ 27ᨯ᩠ᨿᩴᨶᩦᩢ ᨣᩪᨾᩣᨸᩮ᩠ᨶᨼ᩠ᨿᩣᨧᩮᩣᩢᩢ ᨾᩮ᩠ᨦᩨᨸ᩠ᨠᩫᨤ᩠ᩋᨦᩀᩪ᩵ᨯ᩠ᨦᩢ᩵ᨶᩦᩢ᪩ ᨳᩣᩢᩅᩤ᩵ ᨾᩦᨤ᩠ᨶᩫᩋ᩠ᨶᩢᨷᩢᨻ᩠ᨦᩨᨧᩱᨩᩮ᩠ᩋᩨᩋ᩠ᨶᩢᨸᩮ᩠ᨶ ᩈᨲᩕᩪᨴ᩠ᨦᩢᩉᩖᩣ᩠ᨿᨩᩮ᩠ᩋᩨᨶ᩠ᨶᩢᩢ ᩁ᩠ᩋᨦᩢᨾᩣᨴᩦ᩵ᩈ᩠ᩋ᩵ᨦᩉ᩠ᨶᩣᩢᨣᩪᨶᩦᩢᩓ᩠ᩅᩢ ᨥᩣ᩵ᨻᩮ᩠ᨯᨴ᩠ᨦᩢᩈ᩠ᨿᨦᩢᩈᩮᨣᩣᩴ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩ 28ᨾᩮ᩠ᩋᩨ᩵ᨴ᩠ᨶᩤ᩵ᨧᩮᩣᩢᩢᨯᩱᩢᨴᩮᩈᨶᩣᨸ᩠ᨶᩢᩓ᩠ᩅᩢ ᩈ᩠ᨷᩨᩋ᩠ᩋᨠᨻᩱᨴᩦ᩵ᩅ᩠ᨿᨦᨩᩮᩁᩩᩈᩃᩮ᩠ᨾᩉ᩠ᨶᩢᩢᩓ᪩ 29ᩅᩮᩃᩣᨾᩮ᩠ᩋᩨ᩵ ᩁ᩠ᩋᨯᨹᩯ᩠ᩅᨠᩱᩢᨧᩣᩴᨴᩦ᩵ᨯᩭ ᨲᩣ᩠ᨶ᩵ᩃ᩠ᨶᩥ᩵ᨾᩦᨷᩤ᩠ᨶᩢᨻᩮ᩠ᨯᨹᩣᨣᩮᩓᩢ ᨷᩤ᩠ᨶᩢᨻᩮᩈᨶᩥᨶ᩠ᨶᩢᩢ ᨯᩱᩢᩈ᩠ᨦᩢ᩵ᩃᩪᨠᨶ᩠ᩋᨦᩢ ᩈ᩠ᩋᨦᨤ᩠ᨶᩫᨻᩱᩋ᩠ᩋᩁᨴᩤ᩠ᨦᩈᩮᩓ᩠ᩅᩢ᪩ 30ᨴ᩠ᨶᩤ᩵ᨧᩮᩣᩢᩢ “ᩉᩨᩢᨻᩱᨴᩦ᩵ᨷᩤ᩠ᨶᩢᨴᩤ᩠ᨦᩉ᩠ᨶᩣᩢ ᨳᩣᩢᩅᩤ᩵ᨡᩮᩣᩢᩢᨻᩱᨶ᩠ᨶᩢᩢ ᨧᩢᨯᩱᩢᩉ᩠ᨶᩢ ᨾᩣᩢᩃᩣᨴᩦ᩵ᩋ᩠ᨶᩢᨻᩮ᩠ᨶᩨ᩵ ᨷᩢᨣᩮ᩠ᨿᩨᨡᩦ᩵ᨲ᩠ᩅᩫ ᪑ ᨾ᩠ᨯᩢᩅᩱᩢᨾᩦᨴᩦ᩵ᩉ᩠ᨶᩢᩢᩓ ᩉᩨᩢᩃ᩠ᨯᩦᨩᩮ᩠ᨠᩨᨾ᩠ᨶᩢᩈᩮ ᩐᩣᩢᨾᩣᩢᩃᩣxᨶ᩠ᨶᩢᩢ ᨾᩣᩉᩨᩢᩈᩮᨣᩣᩴᩓ᪩ 31ᨳᩣᩢᨾᩦᨤ᩠ᨶᩫᨣᩢᨯᩱᩢᨣᩢ ᪑ ᨳᩣ᩠ᨾᩅᩤ᩵ ‘ᩉᩮ᩠ᨲᩩᨯᩱᩓᩢᩈᩪᨴ᩠ᨶᩤ᩵ ᩃ᩠ᨯᩦᨩᩮ᩠ᨠᩨᨸ᩠ᨶᩢᨾᩣᩢᩃᩣ’ ᨳᩣ᩠ᨾᩅᩤ᩵ᩋ᩠ᨶᩢᩢ ᩈᩪᨧ᩠ᨦᩥ᩵ᨷ᩠ᩋᨠᩉᩨᩢᨡᩮᩣᩢᩅᩤ᩵ ‘ᨧᩮᩣᩢᩢᨾ᩠ᨶᩢᨲ᩠ᩋᨦᩢᨠᩣ᩠ᩁᩅᩤ᩵ᩋ᩠ᨶᩢᩢ’ ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᩓ”᪩ 32ᩃᩪᨶ᩠ᩋᨦᩢᩈ᩠ᩋᨦᨤ᩠ᨶᩫᨣᩢᨡᩮᩣᩢᩢ ᨻᩱᨶᩱᨷᩤ᩠ᨶᩢᨲᩣ᩠ᨾ ᨣᩣᩴᩈ᩠ᨦᩢ᩵ᩉᩯ᩠ᨦ᩵ᨴ᩠ᨶᩤ᩵ᨧᩮᩣᩢᩢ ᨣᩢᨯᩱᩢᩉ᩠ᨶᩢᨾᩣᩢᩃᩣᨴᩯᩢ᪩ 33ᩅᩮᩃᩣᨾᩮ᩠ᩋᩨ᩵ᨡᩮᩣᩢ ᩃ᩠ᨯᩦᨩᩮ᩠ᨠᩨᨾᩣᩢᩃᩣᨶ᩠ᨶᩢᩢ “ᨧᩮᩣᩢᩢᨡ᩠ᩋᨦᨳᩣ᩠ᨾᩅᩤ᩵ ᨼᩰ᩠ᩋᩡᩉᩮ᩠ᨲᩩᨯᩱᩓᩢ ᩈᩪᨴ᩠ᨶᩤ᩵ᨾᩣᩃ᩠ᨯᩦᨩᩮ᩠ᨠᩨᨾᩣᩢᩃᩣ” ᨳᩣ᩠ᨾᩅᩤ᩵ᩋ᩠ᨶᩢᩢ᪩ 34“ᨴ᩠ᨶᩤ᩵ᨧᩮᩣᩢᩢ ᨾᩦᨣ᩠ᩅᩣ᩠ᨾᨲ᩠ᩋᨦᩢᨠᩣ᩠ᩁ” ᨲ᩠ᩋᨷᩅᩤ᩵ᩋ᩠ᨶᩢᩢ᪩ 35ᩅᩣ᩠ᨿᨶ᩠ᨶᩢᩢ ᨡᩮᩣᩢᨣᩢᩃ᩠ᩅᨯᩐᩣᩢᨾᩣᩢᩃᩣ ᨾᩣᩉᩣᨴᩦ᩵ᨴ᩠ᨶᩤ᩵ᨧᩮᩣᩢᩢᩈᩮᩓ᩠ᩅᩢ ᩐᩣᩢᨹᩣᩢᨷᩱᩈᩮ᩠ᩋᩨ᩵ᩉᩮ᩠ᨶ᩠ᩋᩨ ᩉᩖᨦᩢᨾᩣᩢᩃᩣᩓ᩠ᩅᩢ ᩐᩣᩢᨴ᩠ᨶᩤ᩵ᨧᩮᩣᩢᩢᨡᩦ᩵ᩉᩮ᩠ᨶ᩠ᩋᩨ ᩉᩖᨦᩢᨾᩣᩃᩣᩈᩮ ᨻᩱᨴᩦ᩵ᩅ᩠ᨿᨦ ᨣᩮ᩠ᨿᩁᩩᩈᩃᩮ᩠ᨾᩅᩤ᩵ᩋ᩠ᨶᩢᩢᩓ᪩ 36ᨤ᩠ᨶᩫᨴ᩠ᨦᩢᩉᩖᩣ᩠ᨿᨣᩢᩐᩣᩢᨹᩣᩢᨷᩱᩈᩮ ᩈᩮ᩠ᩋᩨ᩵ᩅᩱᩢᨩ᩠ᩋᨾᩈᩮ᩠ᨶᩢᨴ᩠ᨶᩤᨦ ᨻᩱᩢᩁ᩠ᨷᩢᨲ᩠ᩋᩢᩁᨴ᩠ᨶᩤ᩵ᨧᩮᩣᩢᩢᩓᩢ᪩ 37ᩅᩮᩃᩣᨾᩮ᩠ᩋᩨ᩵ ᩃ᩠ᨦᩫᨾᩣᨧᩣ᩠ᨠᨲ᩠ᨶᩥᨯᩭ ᨯᩦᩋᩣ᩠ᨾᨲᩣ᩠ᨶ᩵ᩃ᩠ᨶᩥ᩵ᨶ᩠ᨶᩢᩢ ᩃᩪᨠᨶ᩠ᩋᨦᩢᨴ᩠ᨶᩤ᩵ᨧᩮᩣᩢᩢ ᨤ᩠ᨶᩫᨴ᩠ᨦᩢᩉᩖᩣ᩠ᨿᨡᩮᩣᩢ ᨣᩢᨸᩮ᩠ᨶᨩ᩠ᨾᩫᪧᨪᩮ᩠ᩋᩨᪧ ᨿ᩠ᨠᩫᨿᩳᨣᩩᨱᨻᩕᨧᩮᩣᩢᩢ᪩ 38“ᨶ᩠ᩋᨦᩢᨿ᩠ᨦᩥᨴ᩠ᨶᩤ᩵ᨧᩮᩣᩢᩢᩓᩢ ᨼ᩠ᨿᩣᨧᩮᩣᩢᩢᨾᩮ᩠ᨦᩨᩁ᩠ᩋᨯᨾᩣᨹᩯ᩠ᩅᨴᩦ᩵ᩉ᩠ᨶᩢᩢ ᨣᩢᩉᩨᩢᨾᩦᨾᨣᩘᩃᩈᩮᨣᩣᩴᩓ”᪩
“ᨴᩦ᩵ᩅ᩠ᨿᨦᨤᩣᩴᨧᩮᩣᩢᩢᨶ᩠ᨶᩢᩢ ᨣᩢᨾᩦᨣ᩠ᩅᩣ᩠ᨾᩈ᩠ᨦᨯᩢᨠ᩠ᨯᩢᨿᩮ᩠ᨶᩓ᩠ᩅᩢ ᨡᩳᩉᩨᩢᩁᩔ᩠ᨾᩦᩁᩴᩈᩦ ᨲᩮᨩᩁᨴ᩠ᨵᩦᨴ᩠ᨶᩤ᩵ᨧᩮᩣᩢᩢᩁᩮ᩠ᩋᩨ᩵ᩁᩮ᩠ᨦᩨᨻᩮ᩠ᨦᩨᩈᩱᩈᩮᨣᩣᩴ” ᩉᩰ᩵ᩁ᩠ᩋᨦᩢᨯ᩠ᨦᩢ᩵ᨶᩦᩢᨣᩢᨾᩦ᪩ 39ᨿᩣ᩠ᨾᨶ᩠ᨶᩢᩢ ᨶᩱᩉ᩠ᨾᩪ᩵ᨤ᩠ᨶᩫᨴ᩠ᨦᩢᩉᩖᩣ᩠ᨿᨹᩣᩁᩥᨪᩯᨩᩮ᩠ᩋᩨᨹ᩠ᩋ᩵ᨦ ᨡᩮᩣᩢᩉᩱ᩠ᩅᩢᩈᩣᨴ᩠ᨶᩤ᩵ᨧᩮᩣᩢᩢ “ᨣᩕᩪ᪨ ᨣᩕᩪ ᩃᩪᨠᨶ᩠ᩋᨦᩢᨴ᩠ᨶᩤ᩵ᩉᩰ᩵ᩁ᩠ᩋᩢᨦᨯ᩠ᨦᩢ᩵ᨶᩦᩢ ᨡᩳᩉᩨᩢᨴ᩠ᨶᩤ᩵ᨧᩮᩣᩢᩢᩈ᩠ᨦᩢ᩵ᩈ᩠ᩋᩁᨸ᩠ᨶᩢᨡᩮᩣᩢᩈᩮᨣᩣᩴᩓ” ᩉᩱ᩠ᩅᩢᩈᩣᨯ᩠ᨦᩢ᩵ᨶᩦᩢ᪩ 40ᨴ᩠ᨶᩤ᩵ᨧᩮᩣᩢᩢᨷ᩠ᩋᨠᨠᩣ᩠ᩅ᩵ᩅᩤ᩵ “ᨣᩪᨧᩢᨷ᩠ᩋᨠᨠᩣ᩠ᩅ᩵ᩉᩨᩢ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ᪩ ᨳᩣᩢᩅᩤ᩵ᨷᩢᩉᩨᩢᨤ᩠ᨶᩫᨡᩮᩣᩢᨩᩮ᩠ᩋᩨᨶ᩠ᨶᩢᩢ ᩉᩰ᩵ᩁ᩠ᩋᨦᩢᩉ᩠ᨾᩣ᩠ᨠᩉ᩠ᨶᩥᨩᩮ᩠ᩋᩨᨶ᩠ᨶᩢᩢ ᨣᩢᨧᩢᩃᩩᨠᩈᩮᩉᩰ᩵ᩁ᩠ᩋᨦᩢᨣᩣᩴᨯ᩠ᨿᩴ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨡᩣᩢᨯᩯ᩵᪩ 41ᩅᩣ᩠ᨿᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩ ᨾᩣᩁ᩠ᩋᨯᨴᩦ᩵ᨧᩣᩴᩅ᩠ᨿᨦ ᨣᩮ᩠ᨿᩁᩩᩈᩃᩮ᩠ᨾᩓᩢ ᨾᩮ᩠ᩋᩨᨯᩱᩢᩉ᩠ᨶᩢᩅ᩠ᨿᨦᨶ᩠ᨶᩢᩢ ᨶᩣᩴᩢᨲᩣᩉ᩠ᨿᩣ᩠ᨯᨲ᩠ᨠᩫᨣᩣᩴᨯ᩠ᨿᩴᩓ᪩ 42“ᩈ᩠ᨦᩥ᩵ᨡ᩠ᩋᨦᩋ᩠ᨶᩢᩐᩣᩢᨾᩣᨯ᩠ᩅ᩠ᨿᩢᨣ᩠ᩅᩣ᩠ᨾ ᩈ᩠ᨦᨯᩢᨠ᩠ᨯᩢᨿᩮ᩠ᨶᨶ᩠ᨶᩢᩢ ᨤ᩠ᨶᩫᨴ᩠ᨦᩢᩉᩖᩣ᩠ᨿᨷᩢᩁᩪᩢᨿ᩠ᨦᩢ ᨣᩢᨸᩮ᩠ᨶᩋ᩠ᨶᩢᩁᩣ᩠ᨿᩢᨴᩯᩢᪧᩓ᪩ ᨣᩭᨲᩯ᩵ᩅᩤ᩵ ᩈ᩠ᨦᩥ᩵ᨡ᩠ᩋᨦᩋ᩠ᨶᩢᨶᩦᩢ ᨳᩪᨠᩃ᩠ᨷᩢᩅᩱᩢᩈ᩠ᨦᩫ᩵ᩉ᩠ᨶᩣᩢᨴ᩠ᨶᩤ᩵ᨩᩮ᩠ᩋᩨᨶ᩠ᨶᩢᩢᩀᩪ᩵ᩓ᪩ 43ᩈᨲᩕᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨧᩢᨾᩣᨲ᩠ᨠᩧᩈᩪᨶ᩠ᨶᩢᩢ ᨯᩱᩢᨾᩣᩅᩯ᩠ᨯᩃ᩠ᩋᩢᨾᩀᩪ᩵ᩓ᩠ᩅᩢ᪩ 44ᨸᩮ᩠ᨶᩅᩮᩃᩣᩋ᩠ᨶᩢᨧᩢᨾᩣ ᨿᩣᩢᨾᩣᨤᩦᩉᩳᩁᩮ᩠ᨶᩨᨩᩮ᩠ᨶᩨᨲᩣ᩠ᨦ᩵ᩃᩩᩉᩯᩖᩅᨻᩱᩈᩮ ᨧᩢᨥᩣ᩵ᨤ᩠ᨶᩫᨷᩤ᩠ᨶᩢᨤ᩠ᨶᩫᨾᩮ᩠ᨦᩨ ᨴ᩠ᨦᩢᩉᩖᩣ᩠ᨿᩅᩤ᩵ᩋ᩠ᨶᩢᩢᩓ᪩ ᨼᩰ᩠ᩋᩡᩉᩮ᩠ᨲᩩᨯᩱᩋ᩠ᨶᩢᩅᩤ᩵ᨶ᩠ᨶᩢᩢ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨷᩢᩁᩪᩢᩅᩤ᩵ᨻᩕᨧᩮᩣᩢᩢ ᨧᩢᨾᩣᨷᩕᩰ᩠ᨯᩐᩣᩢᩈᩪ ᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨶ᩠ᨶᩢᩢᨣᩭ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩ 45ᩅᩣ᩠ᨿᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨯᩱᩢᨡᩮᩣᩢᩢᨻᩱᨴᩦ᩵ᨶᩱᩅᩥᨾᩣ᩠ᨶᨤᩣᩴᩓ᩠ᩅᩢ ᨯᩱᩢᨡ᩠ᨷᩢᩃᩱ᩵ᨤ᩠ᨶᩫᨩᩮ᩠ᩋᩨ ᩋ᩠ᨶᩢᨡᩣ᩠ᨿᨤ᩠ᩅᩫᩀᩪ᩵ ᨶᩱᩅᩥᨾᩣ᩠ᨶᨤᩣᩴᩀᩪ᩵᪩ 46ᩁᩮ᩠ᨶᩨᨣᩪᨶᩦᩢ ᨧᩢᨸᩮ᩠ᨶᨴᩦ᩵ᨳᩨᩈ᩠ᩃᩦᨷᩕᨳ᩠ᨶ᩻ᩣᨴᩤᩢ᩵ᨶ᩠ᨶᩢᩢᨣᩭᩓ’ ᨴᩦ᩵ᨶᩱᨣᨾ᩠ᨠᩦᨶ᩠ᨶᩢᩢ ᨯᩱᩢᨡ᩠ᨿᩁᩉᩯ᩠ᨶᩅᩱᩢᩈᩮᨴᩤᩢ ᩅᩮᩃᩣᨯ᩠ᨿᩴᨶᩦᩢ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨠᩣᩴ᩠ᨴᩉᩨᩢᩅᩥᨾᩣ᩠ᨶᨤᩣᩴᨶᩦᩢ ᨸᩮ᩠ᨶᨴᩦ᩵ᨤ᩠ᨶᩫᩃ᩠ᨠᩢᨤ᩠ᨶᩫᨧ᩠ᩅᩁ ᨡᩮᩣᩢᨾᩮ᩠ᨷᩀᩪ᩵ᨣᩭᩌᩣᩢ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᩓ᪩ 47ᩅᩣ᩠ᨿᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢ ᨯᩱᩢᨴᩮᩈᨶᩣ ᨶᩱᩅᩥᨾᩣ᩠ᨶ ᩈ᩠ᨦᩢ᩵ᩈ᩠ᩋᩁᨤ᩠ᨶᩫᨴ᩠ᨦᩢᩉᩖᩣ᩠ᨿ ᨴᩩᨠᩅ᩠ᨶᩢᩅᩤ᩵ᩋ᩠ᨶᩢᩢᩓ᪩ ᩉ᩠ᩅᩫᩉ᩠ᨶᩣᩢᩉ᩠ᨾᩳᨣ᩠ᨿᩪᨷᩁᩮᩣᩉ᩠ᨲᩥᨹᩪᩢᩉᩱ᩠ᨿ᩵ᨤ᩠ᨶᩫᩉᩖᩅ᩠ᨦ ᨹᩪᩢᩉ᩠ᨾᩳᨣᩕᩪᨩᩣ᩠ᨦ᩵ᨣᨾ᩠ᨻᩦᨡᩮᩣᩢ ᩉ᩠ᩅᩫᩉ᩠ᨶᩣᩢᨩᩮ᩠ᩋᩨᩢᨤᩮ᩠ᩋᩨᨣ᩠ᨿᩪ ᨴ᩠ᨦᩢᩉᩖᩣ᩠ᨿᨡ᩠ᨯᩢᨧᩱᨧᩢᨻᩱᩢ ᨥᩣ᩵ᨴ᩠ᨶᩤ᩵ᩀᩪ᩵ᩈᩮᨴᩤᩢ᪩ 48ᨼᩰ᩠ᩋᩡᨻᩮ᩠ᩋᩨ᩵ᨤ᩠ᨶᩫᨴ᩠ᨦᩢᩉᩖᩣ᩠ᨿ ᨶ᩠ᨦᩢ᩵ᨻᩱᩢᨳ᩠ᩋ᩵ᨾᨵᨾ᩠ᨾ᩼ᨻᩕᨧᩮᩣᩢᩢᨡᩮᩣᩢᨩᩮ᩠ᩋᩨᨶ᩠ᨶᩢᩢ ᩀᩪ᩵ᨧᩣᩴᨴ᩠ᨶᩤ᩵ᨧᩮᩣᩢᩢᨾᩣ᩠ᨠᩉᩖᩣ᩠ᨿᨶ᩠ᨠᩢ ᨧ᩠ᨦᩥ᩵ᨷᩢᨾᩦᩒᨠᩣ᩠ᩆᨧᩢᨥᩣ᩵ ᨴ᩠ᨶᩤ᩵ᨧᩮᩣᩢᩢᨯᩱᩢᩅᩤ᩵ᩋ᩠ᨶᩢᩢᨯᩯ᩵᪩
Chwazi Kounye ya:
Luke 19: ktpv-rv
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
This translation of the Khun Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.