Luqasa 17
17
Kiitinttize adetitsi
1Yesuusa fa tamaaruntsago, «As dhubutsi nagara geltsizebaz yi7ikaayzara attaama. Maaqqikon, nagara gidda gelode fana oochchize atstsa bade» yagayda. 2Ye atstse eeratsuntsappa feta balitsodannippa woxa fa afurtte accii abba geliko ees lo77o. 3Yinnii gisho naaginttote.#Maato. 18:15
«Ne ishe nagara oochchiko kacco; azzanii maarotitsar maaqqiko, ees atto yaga7o. 4Fettii qammite laappun tohe qohii, laappun tohe, ‹Taanii ta isidanno erida tana maaro› yaga7i neego yiiko ees atto ga7o.»
5Hawaaruntsi Laatstsago, «Ammano nuus gujjoya» yagayda.
6Laatstsii, «Gaashe aafe fana ammano yinttis yeziko ‹Hyay waliza shodintti abba gidda tukintto› yagayko yinttis kiitinttoda» yagayda.
7Gujjii Yesuusa, «Yin giddappa fetes oochchize woy duro yenggize aro yeziko oocha gadeppa woy wudeppa kara yi7ide wode ‹Elle hyayga yi7i katstsa ma7ades betto› gaaze yene? 8Baaya, ‹Taas kawo giigizo; ta mu7i, uzhii ashshode wontsis eqqii muuzo. Yinnippa suuba, ne mu7i ushshada› yaga7osaane? 9Yikke, laatstse, arize kiitto folide gisho anjjanene? 10Yinnii gisho, yinttin kiitinttidanno mulo folide wode ‹Nu fatsoosse aruntsana; oochchodes beezze oochito folida› ga7ote» yagayda.
Qursuma hyarggeppa geezhide taphphi asuntsana
11Yesuusa Yerusalaame hyanggitera Samaarasin Galila sa7asin giddara kantsii aadhida. 12Fettii kara gancce gelize wode qursuma hyarggera aykkinttide taphphi asuntsi eza denggida. Unttin hyaakora eqqii, 13«Laatstsi Yesuusa, nuus yiqsinttoya» yaga7i uukkida.
14E unttana bi7ide wode «Hyanggi yin galtto Ayhude kahinuntsis beezote» yagayda. Un ogella hyanggitera geezhida.#Leewe 14:1-32
15Unttappa fetay fa geezhidanno be7eze wode dhoqi gayde qaalara Xooz bonchchitera Yesuusago maaqqida. 16E Samaara sa7a asi, yezin Yesuusa tohitilla afa gol7i eza galatida.
17Yesuusa, «Geezhiduntsi taphphi asi maaqqosane? Yeezin, uddufununtsi aba qitido? 18Hyay allaga atstseppa#17:18 Hyay allaga atstseppa: Qursuma hyarggitippa faxide atstse allaga ga7inttidanna E Ayhude maaqqoosse gishos. attin melle maaqqii Xooz galatide baaya ga7ene?» yaga7i oocida. 19Atstsego, «Ne ammantta nena geeshida; denddii qito» yagayda.
Xoozze ka7itumo ye7ito
(Maato. 24:23-28, 37-41)
20Farisaawuntsi, «Xoozze ka7itumo ayde ye7ode?» ga7i Yesuusa oocida. E, «Xoozze ka7itumtta benttize mallara ye7oos. 21Mahin izo, ‹Hyanne woy sekka yaga7odes dandda7oos. Akkos gayko, Xoozze ka7itumtta yin gidda yene› » yaga7i mahida.
22Yesuusa fa tamaaruntsago, «As Na7a qammitippa feta bo7odes yin amudhdhode wode ye7oda, yezin yin be7aama. 23Asuntsi, ‹E yeyga yene› woy, ‹Hyanne yene› yaga7oda, yezin unttana kaallii qitippete. 24Zeelintsi zeelinggii salo gaxappa gaxa foo7ize fana As Na7a ye7iti qammita yinnii fana yi7ada. 25Yezin yinna hyanodannippa tiino As Na7ay gaama madhidhadesin hyanna yelette ixinttodes beezane. 26Nohe wode yi7ide fana As Na7ay woditen yinnii fana yi7ada.#Medho 6:5-8 27Nohe Markkabe gelide qammito yellodes asuntsi mu7iteran uzhitera, ekkiteran gelitera yessadera dhabsse hyaatsita yi7i ubba dhabsida.#Medho 7:6-24 28Looxe beren yinnii fana yi7ida. Asuntsi mu7iteran uzhitera, wonggiteran bayzitera, tukkiteran keexitera, gam7ida.#Medho 18:20—19:25 29Looxe Soodomeppa kezide qamma diinne ga7inttize michizebaz saloppa bukkii ubbuntsana dhabsida. 30As Na7ay qonccize woditen yinnii gaara yi7oda.
31«Ye wode ooden bale yeze keetstsa gidda yeze baz ekkodes keetstsa gelippe. Yinnii fana, gade yeze asi akko bazisin kara maaqqippe.#Maato. 24:17-18; Mar. 13:15-16 32Looxe machchito tiirote;#Medho 19:26 33fa shemppito ashshodes koyze asi ooden dhabssoda; fa shemppito aatsii inggize ooden E ashshoda.#Maato. 10:39; 16:25; Mar. 8:35; Luqa. 9:24; Waha. 12:25 34Ta yinttis ohine; ye wode lam77i asuntsi fettii datsalla woy7oda. Fete ekinttoda, hyankkay attoda. 35Lam77i maachuntsi wolla gaaccodera fetta ekkinttoda, hyankkanna attoda. 36[Lam77i asuntsi wolla gade oochchizuntsappa fetay ekinttoda, hyankkay attoda»]#17:36 Fettii fettii maxaafite faydo 36 baaya. yagayda.
37Un, «Laatstso aba ekinttode?» yaga7i oocida.
E, «Gawuxa yeze bessa ankko shiiqane» yagayda.
Chwazi Kounye ya:
Luqasa 17: OydaNTL
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The word for the World Ethiopia