Matyo 1
1
Jesu na kalɔ
Luk 3.23-38
1Nejo tɨ maktub ne a kya̰ tuna Jesu#1.1 Jesu tɨ ndil ne ji ɓə Ndɨla nen bi. Krist na kalɔ, yḭr tɨ Dabid na ɓa̰ kaa, Dabid may tɨ Abraham na ɓa̰ ka.
2Abraham tɨ Isak na ba, Isak tɨ Jakob na ba, Jakob tɨ Juda a na ər ɓungɨ tɨ ɓərgɨ a na ba, 3Juda tɨ Pares na ba la Jera na ba la, a na̰ tɨ Tamar, Pares tɨ Esrom na ba, Esrom tɨ Aram na ba, 4Aram tɨ Aminadab na ba, Aminadab tɨ Naason na ba, Naason tɨ Salmo̰ na ba, 5Salmo̰ tɨ Boos na ba, ər na̰ tɨ Rahab, Boos tɨ Obed na ba, ər na̰ tɨ Rut, Obed tɨ Jese na ba, 6la Jese tɨ wa̰ay Dabid na ba la.
Dabid tɨ Salomo̰#1.6 Salomo̰ tɨ Dabid na ɓa̰. Ər tuy waan na an 970-930 tɨ Jesu kwi toni. na ba, toni, ər na̰ tɨ Uryas na ii, 7Salomo̰ tɨ Roboham na ba, Roboham tɨ Abiya na ba, Abiya tɨ Asap na ba 8Asap tɨ Josapat na ba, Josapat tɨ Joram na ba, Joram tɨ Ojas na ba, 9Ojas tɨ Yotam na ba, Yotam tɨ Akas na ba, Akas tɨ Ejekyas na ba, 10Ejekyas tɨ Manase na ba, Manase tɨ Amon na ba, Amon tɨ Josyas na ba.
11Josyas tɨ Jekonyas na ba la ər ɓungɨ tɨ ɓərgɨ la, tɨ an ne bi tɨ Babilon par bi tɨ Israhel si na a ha̰r. 12Gorne a si na bi tɨ Israhel tɨ Babilon pi gɨna, Jekonyas toy Salatyel, Salatyel tɨ Jorobabɛl na ba, 13Jorobabɛl tɨ Abiwud na ba, Abiwud tɨ Elyakim na ba, la Elyakim tɨ Ajor na ba la. 14Ajor tɨ Sadok na ba, Sadok tɨ Akim na ba, Akim tɨ Eliwud na ba, 15Eliwud tɨ Elyajar na ba, Elyajar tɨ Matan na ba la Matan tɨ Jakob na ba la. 16Jakob tɨ Josep na ba, Josep tɨ Mari na ɓər. Mari tɨ Jesu na na̰, yḭr ne a soon ər ɓə Krist, Wo ne Ndɨla ɛr.
17Ɗo lɔ tɨ Abraham sul marway tɨ Dabid sul, bi kalɔ tɨ dɔkɔmɛ kar so, la ɗolɔ tɨ Dabid sul marway tɨ an ne a par Israhel ɓimi a si na a tɨ Babilon tɨ an dɔkɔmɛ kar so, ta ɗolɔ tɨ bi par sul marway tɨ an ne a toy na Krist, bi kalɔ tɨ dɔkɔmɛ kar so la.
Jesu Krist na twila
Luk 2.1-7
18Ul mu ne a toy na Jesu Krist, wo ne Ndɨla ɛr jo le. Ər na̰ tɨ Mari, Josep caw ər. A ko paa lo ɗang lɛ Mari yen ɓa̰ na Lal Ɓari dwari. 19Josep ne tɨ wo tɨ ər caw, tɨ ɓər tugla, ər taam kaar wur tɨ ər sul lo lɛ ər taam ər ɓini na kuru. 20Gorne ər wo ilgɨ tɨ jaa ne sul gɨna, Baali na Malayka ɓudu wag tɨ ər sul na nenɨm la ər ja gɨ ər ɓə: «Josep, Dabid na ɓa̰ kaa, ka oy Mari kula lo, kəysul ɓa̰ ne ər yen tɨ Lal Ɓari wa̰y tɨ kar. 21Ər wo ɓa̰ ɓər twila la əm ɓə ər ndil kay ɓə Jesu, kəysul ər wo ər bi nina tɨ ɓijim ne a ka hul.»
22Mum gun ne ka paa, ka jaa ne Baali ja toni na ər nebi mu ti kuri. Ər ja ɓə:
23«Ɓa̰ ii ɓə ɓa̰ yina la ər ɓə ɓa̰ ɓər twila la,
a ɓə ər ndil kay ɓə Emanuwɛl.»
Ndil ne ji ɓə: «Ndɨla na ī.»
24Gorne Josep jaar gɨna, ər ka kuna Baali na Malayka naa gɨ ər gṵ la ər ko Mari tɨ ər ii. 25Lɛ a hargɨ ii a na ɓər lo marway ər toy na ɓa̰ ɓər ne ər kay ər ndil ɓə Jesu.
Chwazi Kounye ya:
Matyo 1: nie
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2023, ATALTRAB