Panagnaan 6
6
Kalaatan manusiyaꞌ
1Na manusiyaꞌ siꞌ tu, paeka boꞌ paeka na pin pinamaddihan taꞌ junyaꞌ, danda-lalla, boꞌ tud lingkatan anak da ma danda. 2Dari pag ndaꞌ siga anak Tuhan#(6.2) Yaꞌ tasiguru bong soy inawnan ntuu “siga anak Tuhan.” Meꞌ kasohean guru mista “siga anak Tuhan” ni ayat tuu tuwaꞌ pa kasohean malaikat ma bay ngambanan sulgaꞌ boꞌ da handa ni manusiyaꞌ (ndaun Job 1.6; Jūd 6). biddaꞌ na lingkat karandahan, ilooy ma lay na sila handa ni sagannap ma karomanan da. 3-6Ga anak da ilay mehe-langkaw jaꞌ mimon maka tanyag paglallahan. Meꞌ jama ngawnan bangsa da, Nepilim.
Na hallom maka hallom na, ni lilingan Tuhan, biddaꞌ na jahallis manusiyaꞌ batan isu-isu kalaatan tulun njawom pikilan da llaw-llaw. Dari sasso na ga Tuhan bay mapayak manusiyaꞌ taꞌ junyaꞌ sampay lassa hansu na ga atay na ngandaꞌ kadarihan da. Sangkon yuk na, “Yaꞌ na situ pabiya ku manusiyaꞌ humallom taꞌ junyaꞌ meꞌ bay hallang-hallangan tuu. Subay yaꞌ na pinalabi man dahatus duwampūꞌ taun umu da.”
7Maka yuk Tuhan lagi, “Gam na katisan ku manusiyaꞌ man taꞌ babaw junyaꞌ sampay ga kahayop-hayopan, ga manuk-manuk ka mimon balnyawa ma palele taꞌ gumi. Sasso na ku bay mapayak sila.” 8Sugaꞌ luu gi baw disu lalla kasulut ni Tuhan, yana si Nū.
Nabi Nū
9-10Na ituu batnaa yana salsila si Nū ka paglūng na. Iya ilay anakan tallu lalla, yana ga si Sem, si Ham, ka si Japet. Si Nū ilay jama intong, boꞌ lungbid lagi ka Tuhan. Ni mimon manusiyaꞌ taꞌ junyaꞌ jaman looy, isu-isu iya yaꞌ luu sutsutan njataꞌ na. 11-12Boꞌ manusiyaꞌ kasohean, biddaꞌ na jahallis da ni lilingan Tuhan. Ni sikaliput junyaꞌ, wā sila buwat kalaatan sampay monoꞌ. 13Dari yuk Tuhan ni si Nū, “Subay situ katisan ku na manusiyaꞌ labbasakayi batan sabapan da pannoꞌ na junyaꞌ meꞌ gigit ka bonoꞌ. Basta katisan ku na sina mintu sila sikamimon sampay man junyaꞌ na binasa. 14Sugaꞌ yaꞌ baw sina ko lapay ku. Sangkon, buwat ko bahitlaꞌ. Makoy ko kayu tohas boꞌ lapatun ka tagok pa jawom pa poan. Maka paekahun bilik na. 15Bong ko napiꞌ, mpat hatus limampūꞌ kaki tahaꞌ kasku na. Lambu na subay pitumpuꞌ-lima kaki, maka langkaw na, mpatpuꞌ-lima kaki. 16Pag sapaw nu, gantaꞌ ga lawak sapu-wawuꞌ insiꞌ owangan na man panambohan na. Njawom na, buwatun tallu pangkat boꞌ buwatan nu lawang ni saddi na.
17“Dunukan ku na sina mintu junyaꞌ man ku ngatisan mimon balnyawa. Mimon ma llum batnaa taꞌ babaw junyaꞌ matoy na sina labbasakayi bbos-bbos. 18Sugaꞌ janjiꞌ ku sabana-bana ningkau, basta yaꞌ du sina ko kongoy-kongoy. Salamat ta sa ko ka ga anak-nda nu sampay ga iwan nu taꞌ bahitlaꞌ. 19Pag ko mintu lupus na buwat bahitlaꞌ, moo ko dampasangan mimon jinisan balnyawa, danda ka lalla, mari yaꞌ lungay jinisan da. 20Pōꞌ du sina mintu pa mman nu dampasangan jawom danjinis mimon kahayop-hayopan ka sattuwa sampay ga manuk-manuk ka mimon balnyawa ma palele taꞌ gumi mari yaꞌ lungay jinisan da. 21Subay kam ngumpo jinisan makanan halliꞌ lutuꞌ bi sampay ninsila.”
22Na si Nū siꞌ tu, mimon ma bay sinohoꞌ meꞌ Tuhan niiya, lay na jaꞌ inasip meꞌ na.
Chwazi Kounye ya:
Panagnaan 6: sjm
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2021, Wycliffe Bible Translators, Inc. All rights reserved.