Luka 23
23
UYesu kwa Pilati, umusungansi wa shiLoma
1-25: Mat. 27,2; 11-31. Mal. 15,1-20. Yoh. 18,28–19,16.
1Pe vahavuha vonti mwe vavaliye, vahamudendemulila kwa Pilati. 2Kwe vahamulonjelela vahati: Umuntʼuno twazile akusyetulʼavantu uluhʼulu lwonti, akuvahana akuti mutasonkolʼumusonko kwa Kesali, akuyitaha ukuti wʼuChilisiti, wʼumwene. 3UwenʼuPilati ahamuvuzilizya ahati: We mwene wa vaYuda iwe? Uwenʼahamula ahati: Inza she mwʼukuyanga wenewe. 4PʼuPilati ahavavuzya navashiputʼavapiti navantu vonti, ahati: Ine umuntʼuno ntakwaga numʼumulandu. 5Avene pe vahapitilizya nkani vahati: Akusonganyʼavantu lwʼakuyangʼinongwa zyakwe mwonti mu-Yudayi. Shʼayanzite mu-Galilayi, ayinzilʼukupela munumu.
UYesu kwa Helodi
6UwenʼuPilati lwʼayiṿuye zinizi, pʼahavavuzilizya ahati: Fwane muGalilayi umuntʼuno? 7Ilelo lwe vamuvuzizye ukuti afumile munsi ya Helodi, pʼahamutuma kwa Helodi. She wope adilaga mu-Yelusalemu mumanda gugo. 8UwenʼuHelodi lwʼamuwenyi uYesu, pʼahaseshela nkani. Shʼasungwilwʼukumulola Itali, shʼayiṿuyʼinyinji zye vahamuyangʼavantu, havili ahasuvilaga ukuti ingavanga akulolʼumumfindango wʼakupela wuyo. 9Ahamuvuzilizyʼamazwʼaminji nkani, uwene nyene ahasita nukumwamula nalimo. 10Vope navashiputʼavapiti navamanyakalata vahava pupo, vahamulonjelela nkani. 11UHelodi nyene navasikali vakwe vahamusyoshela, vahamuseha. Pe vahamuzwihʼinkanzʼinzelu ye yalangalilagʼuvuzelu, vahamugalusya kwa Pilati. 12PʼuPilati nuHelodi vahavʼuvujenzi umusanya wuyo. She valʼuvulugu shima ukwinzʼukufiha pisiku lilyo.
UPilati, uBalaba nuYesu
13PʼuPilati ahavavunganiha navashiputʼavapiti navahombe navantu. 14Ahavavuzya ahati: Yenyi, mundeteyʼumuntʼuno, muhati akusyetulʼavantu. Yenyi lelo imulonzile panapa lwe mulipo namwenemwe, havili nazile ntagazile nagamʼamalandu ine ge mumulonjeleye umuntʼuno imwe. 15Wope nawe Helodi akuhana, shʼamugalusizye kulʼiswe, yenyi, atatazile nagamo aga kumugojela mumwo; 16pe nkuti nkumuhoma inga pʼimutavule. 17Ilelo alipʼumwiho uwa kuvatavulila woka pachaka. 18Avene pe vahavilishila poka mwe vavaliye, vahati: Umwefwaje wununo, ututavulilajʼuBalaba. 19Uwene nyene ali mujela mwe vamwinjizizye shʼasambulinyʼinkaya, agozile numuntu. 20UwenʼuPilati ahavuyizya nohavili ukuyanga navo, shʼatili imutavulʼuYesu. 21Avene pe vahavilishila vahati: Wʼumuhomele pashihovenkanyo, wʼumuhomele pashihovenkanyo. 22Uwenʼahavuyizya ulwa vutatu ahati: Amwe avomṿile mbivi vuli wununo? She ntawazile numʼumulandu wa kumugojelʼine. Nkumuhoma lelo, inga pʼimutavule. 23Pʼavene vahapatishizya ukuvilishila nkani, vahumishizya vahati: Ahomelwaje pashihovenkanyo. Ilelo pʼahalanga havo hahava hapiti. 24PʼuPilati ahalonga ilya kuti: Ukwo lelo, tuvitihaje zye vatusinjilizizye. 25Pʼahavatavulilʼuno we vahalavaga, wʼayigalilwe mujela shʼasambulinyʼinkaya, shʼagozilʼumuntu. UwenʼuYesu nyene ahavaninchilizya ukuti vamuhonzye inza she vakasime vuvo.
Ukuhomelwa kwa Yesu
26Ilelo lwe vakumudendemula, lwe vakuvala nawo, pe vahamulema wokʼumuntu, uSimoni wa mu-Kileni, wʼafumile Mumugunda. We vahamuvegazyʼishihovenkanyo, vahati: Umunyatule, umulandate nashʼuYesu. 27Vahamulandatʼavantʼimpugʼimpiti nkani navantanda, ve vahalosya, vahamukutilʼawansozi. 28UwenʼuYesu ahavashevela ahati: Mwe valindu va mu-Yelusalemu, kwe ndali ukunkutilʼamansozi ine, simuyikutilaje mweka navana vinyʼimwe. 29Yenyi she zikwinzʼizyenʼinsiku pe valitinji: Vasangalusʼavagumba navʼamavili ge gatapafile, navʼamavele ge gatonsizyʼavana. 30Pupo pe valiyandʼukuyanga kumagamba valitinji simutugwile, nakututununtu valitinji mutukupishile. 31Shʼinga vakuhonzya nalyo vovulo ikwʼilyolo, pe vahtuvuli nalyʼilyumu? 32Vahavadendemula poka nawo navanjʼavantu vavili avatalamalandu, ava kuvagoga nawo.
33-49: Mat. 27,33-56. Mal. 15,22-41. Yoh. 19,17-30.
33Ilelo lwe vavazilʼukufiha pupo pe vakuti pe Palupanga, pe vahamuhomela pashihovenkanyo wuyo avatalamalandu vovulo, woka kumuhono wakwe wa kumulilo, woka kumuhono wakwe wa kumumongo, uwenʼahava pahati. 34PʼuwenʼuYesu ahati: Uswilʼizyavo we Tata, she vatamanyile zye vakuvomba. Pe vahilihʼishili ukugavanyʼamenda gakwe. 35Avenʼavantu vahava pupo, vope vahenya. Vope navahombe vahamuseha vahati: Avanji avapohaga, ali nishonu ukuyipoha weka lelo inga wʼuChilisiti wa Mulungu, umusavulwa wakwe! 36Vope navasikali vahamuholela, vahamuletela ipele lya asiki. 37Havili vahati: Inga we mwene wa vaYuda, kwʼuyiposhe wenewe! 38Ilelo vwalipo vwope nuvusimbe pamwanya, uvwa kuti: wuyo we wʼumwene wa vayuda.
39Ilelo avatalamalandu ve vahovesilwe, woka ahamutonʼamatona wope ahati: Inga we Chilisiti nalyoli, pʼuyiposhe wenewe, inga pʼutuposhe naswe. 40Pʼahamulʼuwamwavo, ahamusunda ahati: Nawe utakumunyilʼuMulungu, nashenga muyaninʼukusundwa? 41Iswe nyene swe vashi iswe zili mumwo, she tukuposhela zizyo zye ziyanine nimbombo zyitu zye twavombaga, nkandʼuno wʼatavomṿile nazimʼimbivi. 42Pʼahayanga ahati: Yesu, uvalʼunkumbuhaje lwʼukwinjila kushinamwene shaho. 43Pʼuwenʼahamuvuzya ahati: Nalyoli, nkukuvuzyʼine nkuti: Umusanya wununo uliva poka nane mupaladisi.
Ukufwa kwa Yesu
44Pe shihalinga pahavalilizyo ha mutanda, pʼishisi shihagwa munsi yonti, shihavalʼukufiha pahavalilizyo ha vusano navune. 45Lyope nizuva lihilupa, wope numwenda we vapituyʼuvwizigo mutempeli ahazepunkana pahati. 46PʼuYesu ahavilishilʼizwʼipiti ahati: We Tata, umupepo wane nkuwuviha munyove zyaho. Ilelo lwʼayanzile linili pʼahasililishila. 47Uwenʼumutwale lwʼaziwenyi zyonti zinizi, pʼahamutinihʼuMulungu ahati: Nalyoli, we mugolosu umuntu wununo. 48Vonti navantu ve vavungine pupo Ukwenya, lwe vaziwenyi zinizi, pe vahayihoma paṿifuva, vahavwela ukuvala kuhaya. 49Vope navamanyani vakwe vonti vimiliyʼukutali, nave vantanda ve vamulandite ukufuma mu-Galilayi vonti vahenya zinizi.
Ukusyilwa kwa Yesu
50-56: Mat. 27,57-61. Mal. 15,42-47. Yoh. 19,38-42.
50Pe vahaga ayinzile wokʼumuntu umwanaṿuli, izina lyakwe ali uYosefu, umuhombe umuntʼumwinza umugolosu. 51Uwenʼatitisile nazye vitinkine nazye vavomṿile. Afumile mu-Alimatiya inkaya yimo ya vaYuda. Wope shima ahasuvilagʼuvumwene vwa Mulungu. 52Wʼahavala kwa Pilati, ahalavʼumuvili wa Yesu. 53Pʼahawusatula pashihovenkanyo, ahawugwinchila numwendʼumuzelu, ahawuviha mumbipa ye vadiṿile mwiyalavwe, mwe numʼumuntu vatamulambalisile mumwo nalumo. 54Zye vahavomba pisiku lya kuyananya, lwe likwandʼisabati. 55Avenʼavantanda ve vamulandite ukufuma mu-Galilayi, vahamulandatʼuYosefu, vahinzʼukwenya nimbipa numuvili wakwe ṿwe vakuwuviha. 56Pe vahavala kuhaya, vahayananya numulembo namafutʼamagomu. Pʼisabati nyene pe vahatuzya, inza she zilajizizyʼinkomelezyo.
Chwazi Kounye ya:
Luka 23: NYi1965
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Nyiha New Testament © British and Foreign Bible Society, 1965.