Sòm 71:3-8

Se ou menm ki twou wòch kote pou m kache. Se ou menm ki pou sèvi m ranpa ki pou sove mwen. Se ou menm k'ap pwoteje mwen. Se ou menm k'ap pran defans mwen. Bondye mwen, wete m anba men mechan yo, anba ponyèt moun k'ap bay manti yo ak moun k'ap fè mechanste yo. Senyè, se ou menm ki tout espwa mwen. Mwen mete konfyans mwen nan ou depi lè m te jenn gason. Se sou ou mwen konte depi m fèt. Se ou ki fè m sòti nan vant manman m. Se tout tan m'ap fè lwanj ou. Lavi m se yon mistè pou anpil moun. Men, se ou menm k'ap pwoteje m ak tout fòs ou. Tout lajounen lwanj ou nan bouch mwen. M'ap fè konnen jan ou gen pouvwa.