Matye 16:1-4

Farizyen yo ak sadiseyen yo pwoche bò kot Jezi. Yo te vle pran l nan pèlen. Yo mande l pou l fè yon mirak ki pou moutre se Bondye ki ba l tout pouvwa sa a. Jezi reponn yo: — Lè solèy la pral kouche, nou di: Gade jan syèl la wouj, tan an pral bèl. Nan granmaten nou di: Jòdi a l'ap fè lapli. Gade jan syèl la kouvri, li tou wouj. Nou konn ki sans pou nou bay bagay k'ap pase nan syèl la. Poukisa, atò, nou pa konn ki sans pou nou bay bagay k'ap pase sou latè kounyeya? Moun alèkile yo, atout yo mechan, atout yo vire do bay Bondye, men y'ap mande mirak! Men tou, yo p'ap jwenn lòt mirak pase mirak Jonas la. Apre sa, li vire do l, l'al fè wout li.