Jan 6:5-9

Jezi gade, li wè yon gwo foul moun ki t'ap vin jwenn li. Li rele Filip, li di l konsa: — Ki bò nou ta ka jwenn manje pou n achte pou n bay moun sa yo manje? (Li t'ap di sa pou l te wè sa Filip ta pral reponn li. Li menm li te byen konnen sa l ta pral fè.) Filip reponn li: — Menm si nou ta gen desan (200) goud pou achte pen, pa ta gen ase pou chak moun ta jwenn ti kal. Yon lòt nan disip yo, Andre, frè Simon Pyè a, di li: — Gen yon ti gason la a ki gen senk pen fèt ak farenn lòj, ak de ti pwason. Men, sa pa anyen pou tout kantite moun sa yo.