Jenèz 49:13-21

Zabilon pral rete bò lanmè. Batiman yo va jwenn bon pò sou rivay li yo. Limit peyi l la ap rive jouk Sidon. Izaka se yon bourik vanyan, li kouche nan yon sèka solid. Li wè jan kote li poze kò l la nan gou li, li wè jan peyi a bèl. Li pare do l pou l pote chay li. Li tounen esklav pou l travay di. Dann ap yon chèf pou pèp li, tankou yon branch nan fanmi Izrayèl. Dan ap tankou yon sèpan bò granchimen, yon sèpan mechan sou bò wout la. L'ap mòde chwal yo nan jarèt pou fese kavalye yo tèt anba. O Senyè, m'ap tann ou vin sove mwen! Ou menm, Gad, yon bann vòlò ap vin tonbe sou ou. Men, w'ap kouri dèyè yo, se ou k'ap mete men sou yo. Peyi Asè a ap bay bon manje k'ap bay fòs. L'ap donnen manje ki gou nan bouch wa yo. Neftali, se yon fenmèl kabrit ki lage. L'ap fè bèl ti pitit.