Jenèz 29:31-35

Lè Senyè a wè jan Jakòb pat renmen Leya, li fè l fè pitit. Men, Rachèl pat kapab fè pitit. Leya vin ansent, li fè yon pitit gason, li di: — Senyè a wè jan m'ap soufri. Kounyeya, mari m va renmen m. Se konsa li rele l Riben. Leya vin ansent ankò, li fè yon lòt gason. Li di: — Senyè a ban m yon lòt gason ankò, paske li wè jan mari m pa renmen m menm. Se konsa li rele l Simeyon. Li vin ansent yon twazyèm fwa, li fè yon lòt pitit gason ankò. Li di: — Fwa sa a, mari m pral rete avè m nèt paske mwen fè twa pitit gason pou li. Se konsa li rele l Levi. Apre sa, li vin ansent ankò, li fè yon lòt pitit gason. Li di: — Fwa sa a, m'ap fè lwanj Senyè a. Se konsa li rele l Jida. Apre sa, Leya sispann fè pitit.