Efezyen 1
1
Salitasyon
1Mwen menm, Pòl, yon moun Bondye te #Wòm 1.7; Kol 1.1; 1 Kor 1.2 deside chwazi pou apòt Jezikri, m'ap ekri lèt sa a voye bay tout pèp Bondye ki nan lavil Efèz la, #1.1: Gen maniskri ki pa bay ki nan lavil Efèz la. k'ap kenbe fèm nan lavi y'ap mennen ansanm nan Jezikri. 2Mwen #Kol 1.2 mande Bondye Papa nou ansanm ak Jezikri, Senyè nou, pou yo ban nou benediksyon ak kè poze.
Benediksyon Bondye nan Kris la
3Lwanj #Ef 2.6 pou Bondye, Papa Jezikri, Senyè nou an! Se li menm ki beni nou nan lavi n'ap mennen an. Nan Kris, li ban nou tout kalite benediksyon ki nan syèl la. 4Byen #Jan 15.16; 17.24; Ef 5.27; Wòm 8.29 lontan anvan Bondye kreye lemonn, li chwazi nou nan Kris pou nou kapab viv apa pou li, pou nou san repwòch devan li. Nan renmen li renmen nou an, 5Bondye #Jan 1.12 te deside depi davans pou li adopte nou pou pitit li nan Jezikri, paske sa fè li plezi. 6Se #Mat 3.17; Kol 1.13 poutèt sa, ann toujou fè lwanj Bondye pou bèl favè sa a li fè nou kado, gremesi Pitit li renmen anpil la! 7Gremesi #Kol 1.14,20; Ef 2.7; 3.8,16 Kris ki mouri pou nou an, nou delivre, nou resevwa padon pou peche nou yo. Bondye fè nou wè jan li renmen nou anpil. 8Li #Kol 1.9 ban nou favè l an kantite, li ban nou tout kalite konprann ak konesans. 9Li #Ef 3.9; Wòm 16.25 fè nou konnen plan travay li te kenbe sekrè nan kè l, plan travay li te gen lide fè depi lontan an. Se plan sa a li vin reyalize nan Kris la. 10Dapre #Gal 4.4; Kol 1.16 plan travay Bondye a, plan ki gen pou fin reyalize nèt lè lè a va rive, Bondye ap mete tout bagay ki nan syèl la ansanm ak tout bagay ki sou latè a anba yon sèl chèf, anba Kris la.
11Bondye #Kol 1.12; Wòm 8.28 ap fè tout bagay rive jan l te deside l la ak jan l te vle l la. Konsa, nou menm jwif, nou se moun Bondye te chwazi depi davans dapre plan li. Lè n'ap viv ansanm nan Kris la, nou resevwa pòsyon pa nou nan byen l yo. 12Se sa k fè, nou menm ki premye moun ki t'ap tann Kris la, n'ap viv yon jan ki sèvi yon lwanj pou pouvwa Bondye a.
13Konsa #Ef 4.30; Kol 1.5,6 tou, nou menm, moun lòt nasyon yo, apre nou te fin tande mesaj laverite a, bonnouvèl k'ap fè nou konnen jan Bondye renmen nou an, nou mete konfyans nou nan Kris la, n'ap viv ansanm ak li tou. Bondye make letanp li sou nou, li ban nou Sentespri li te pwomèt la. 14Sentespri #2 Kor 1.22; 5.5 sa a, se yon avalwa Bondye ban nou sou eritaj li te pwomèt li t'ap bay pèp li a. Sa ban nou garanti Bondye gen pou fin delivre moun pa l yo nèt. Se sa k fè, nou menm tou, moun lòt nasyon yo, n'ap sèvi yon lwanj pou pouvwa Bondye a tou.
Pòl mande bon konprann pou frè yo
15Se #Kol 1.4,9 poutèt tout bagay sa yo, depi mwen tande jan nou gen konfyans nan Kris la, jan nou renmen tout moun ki fè pati pèp Bondye a, 16mwen #Kol 1.3 pa janm sispann di Bondye mèsi pou nou. Mwen toujou chonje nou lè m'ap lapriyè. 17M'ap #Kol 1.10 mande Bondye, Senyè nou an Jezikri, papa ki gen tout pouvwa a, pou li ban nou Lespri bon konprann pou moutre nou sa Bondye ap devwale nou an pou nou ka rive konnen li byen. 18Mwen #Det 33.3,4; Kol 1.5,11,12,27 mande l pou l louvri lespri nou, pou nou ka konnen kisa n'ap tann nan men Bondye ki rele nou an, ki vle di eritaj Bondye pwomèt l'ap bay moun ki pou li yo, yon eritaj ki rich anpil, ki bèl anpil. 19Mwen #2 Kor 13.4; Kol 1.11; 2.12 mande l pou nou ka konnen tou ki jan pouvwa li k'ap travay nan nou menm ki kwè nan li a, se yon gwo pouvwa ki san limit. Se menm gwo pouvwa sa a Bondye te fè moun wè, 20lè #Sòm 110.1 li resisite Kris la nan mitan mò yo, li fè li chita adwat li nan syèl la. 21Li #Kol 1.16; 2.10 mete Kris la anwo tout chèf, anwo tout otorite, tout pouvwa ak tout dominasyon. Kris la pi wo pase tout gwo non yo kapab bay moun non sèlman kounyeya sou latè, men nan tan ki gen pou vini an tou. 22Bondye #Sòm 8.6; Mat 28.18; Ef 4.15; Kol 1.18 mete tout bagay anba pye Kris la, li mete l pou l sèl chèf legliz la. 23Legliz #Wòm 12.5; Kol 1.19; 1 Kor 12.27; Ef 4.10 la se kò Kris la. Li se akonplisman Kris la ki, nan tout sans, konplete tout sa ki egziste. #1.23: Kris la ki, nan tout sans, konplete tout sa ki egziste: Ou ankò Kris la menm, li gen pouvwa Bondye nan tout kò li.
Chwazi Kounye ya:
Efezyen 1: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.