Eklezyas 2:18-21

Tout travay mwen te fè sou latè pa di m anyen ankò, paske mwen konnen mwen gen pou m kite yo pou sa k'ap vin dèyè. Se ka yon moun lespri, se ka yon moun sòt. Pesonn pa konnen. Men se pou li m'ap kite tou sa mwen te travay di fè ak lespri mwen. Sa a tou, se rapousib van. Se konsa mwen vin konprann tout travay di mwen te fè sou latè p'ap rapòte m anyen. Sa vin dekouraje m. Wi, yon nonm fè travay li ak lespri, ak konesans, ak ladrès. Apre sa, se pou li pati kite li pou yon lòt ki pa leve ni lou ni lejè nan travay la. Sa a tou, se rapousib van, epi se pa jis sa.