Detewonòm 7:25-26

N'a boule tout zidòl yo te taye nan bwa. Pa kite lò ak ajan ki kouvri zidòl yo mete move lanvi nan ke nou. Pa pran yo pou nou. Sa ka yon pèlen pou nou. Nou konnen bagay konsa se bagay Senyè a, Bondye nou an, pa vle wè menm. Konsa tou, pa pran okenn nan zidòl sa yo mete anndan kay nou, pou menm madichon ki tonbe sou yo a, li pa tonbe sou nou tou. Se pou nou konsidere yo tankou move bagay, pou vye bagay sal. Se bagay madichonnen, bagay ki fèt pou disparèt nèt.