Detewonòm 18
18
Pòsyon prèt yo
1Prèt yo, fanmi Levi yo, ki vle di tout gason #Nonb 18.8,9,20,24; 1 Kor 9.13 ki nan branch fanmi Levi a, p'ap gen anyen ki rele yo pa yo nan byen eritaj moun pèp Izrayèl yo. Y'a viv ak manje pèp la va ofri bay Senyè a ak tou sa pèp la va mete apa pou Senyè a. 2Moun fanmi Levi yo p'ap gen anyen nan byen ki pou tout moun pèp Izrayèl yo. Se Senyè a ki pòsyon pa yo jan li te di yo sa.
3Lè #Lev 7.30-34 yon moun nan pèp la vin ofri yon bèf osinon yon kabrit, oswa yon mouton pou yo touye pou Senyè a, men pòsyon ki va rete pou prèt fanmi Levi a. Men pòsyon y'a ba li: jigo a, machwè yo ak gradoub la. 4N'a #Nonb 18.12 ba li tou premye grenn n'a rekòlte nan jaden ble nou yo, premye diven ak premye lwil n'a fè, ansanm ak premye lenn mouton n'a wete sou mouton nou yo. 5Paske #Det 17.12 se yo menm ak pitit gason yo Senyè a te chwazi nan mitan tout moun pèp Izrayèl yo pou sèvi l prèt pou tout tan.
6Lè #Nonb 35.2,3; Jij 17.7 yon moun fanmi Levi ki rete nan yonn nan lavil nou yo, nenpòt kote nan peyi Izrayèl la, santi li ta renmen ale kote Senyè a te chwazi pou yo fè sèvis pou li a, 7lè li rive, si li fè travay yon prèt nan non Senyè a, Bondye li a, tankou tout lòt frè moun fanmi Levi parèy li yo ki te toujou la ap sèvi devan Senyè a, 8l'a #2 Kwo 31.4; Ney 12.44 resevwa menm kantite manje ak lòt yo, san yo pa bezwen konsidere sa li resevwa deja nan byen papa l.
Pa kopye sou lòt nasyon yo
9Lè #Lev 18.26; Det 12.29-31 n'a fin antre nan peyi Senyè a, Bondye nou an, va ban nou an, pa lage kò nou nan fè menm vye bagay moun lòt nasyon yo ap fè. 10Piga #Egz 22.18; Lev 18.21; 19.26,31; 1 Sam 28.7; 2 Wa 17.17 pèsonn nan nou pran pitit gason osinon pitit fi li pou li boule nan dife pou zidòl. Piga gen pèsonn nan mitan nou k'ap fè divinò, k'ap etidye zetwal nan syèl la pou konnen sa ki gen pou rive, k'ap pran pwen, k'ap fè maji. 11Piga gen nan mitan nou moun k'ap sèvi ak cham, moun ki pral nan tab tounant, k'ap vizite moun ki konn tire kat, ak moun k'ap rele mò pou pale ak yo. 12Paske #Det 9.4; 25.16 Senyè a pa vle wè moun k'ap fè bagay sa yo. Epitou, se paske moun lòt nasyon yo t'ap fè tout vye bagay sa yo kifè Senyè a, Bondye nou an, te mete yo deyò pou nou ka pran plas yo. 13Piga nou janm fè sa Senyè a, Bondye nou an, pa vle nou fè. 14Bann nasyon nou pral mete deyò nan peyi a, se moun ki te renmen koute sa divinò ak moun k'ap etidye zetwal yo ap di yo. Men nou menm, Senyè a, Bondye nou an, pa penmèt nou fè bagay konsa.
Pwofèt ki gen pou vini an
15Moyiz #Mat 11.3; Lik 7.16; Jan 1.21,45; 6.14; 7.40; Tra 3.22; 7.37 di pèp la konsa:
— Senyè a, Bondye nou an, gen pou l voye yon pwofèt ban nou tankou l te voye m lan. Se va yonn nan nou, yon moun pèp Izrayèl parèy nou. Se pou nou koute tou sa la di nou. 16Se #Egz 20.19 sa menm nou te mande Senyè a, Bondye nou an, lè nou tout te reyini sou mòn Orèb la. Nou t'ap di nou pa vle tande vwa Senyè a, Bondye nou an, ni nou pa ta renmen wè gwo flanm dife sa a ankò pou nou pa mouri. 17Lè #Det 5.28 sa a, Senyè a di mwen konsa: Sa yo di a, se vre wi. 18M'a #Det 18.15; Jan 4.25; 8.28; 12.49,50; 17.8 chwazi yonn nan yo pou pwofèt, m'a voye l ba yo tankou mwen te voye ou la. M'a mete pawòl mwen nan bouch li. Epi la di pèp la tou sa m'a ba li lòd di yo. 19Si #Tra 3.23 yon moun pa koute sa pwofèt la ap di yo nan non mwen, se avèk mwen l'ap annafè. Se mwen menm menm l'ap gen pou rann kont. 20Konsa #Det 13.5; Jer 14.14,15; Zak 13.3 tou, si yon pwofèt ta penmèt li louvri bouch li pou l pale nan non mwen pou l di sa mwen pa di l di, oswa pou l ta pale nan non lòt bondye, se pou yo touye l pou sa l fè a. 21Kounyeya nou dwe ap di nan kè nou: Ki jan pou nou fè konnen si sa pwofèt la ap di a se pa pawòl ki sòti nan Bondye? 22Enben, #Jer 28.9 si pwofèt la di l'ap pale nan non Senyè a, epi sa li di a pa rive vre, lè sa a, n'a konnen Senyè a pat janm di l di pawòl konsa. Se lògèy ki te pouse pwofèt la di sa l di a. Nou pa bezwen pè l.
Chwazi Kounye ya:
Detewonòm 18: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.