1 Samyèl 4:13-18

Eli menm te chita sou chèz li a bò wout la ap veye paske kè l pat poze pou Bwat Kontra Bondye a. Nonm lan lage nouvèl la nan tout lavil la. Tout moun t'ap pouse rèl tèlman yo te pè. Eli tande bri a, li mande: — Poukisa tout bri sa a? Nonm lan kouri pote nouvèl la bay Eli. Eli te gen katrevendizwitan. Li te fin avèg nèt. Nonm lan di Eli konsa: — Mwen fenk sòti kote yo t'ap goumen an, mwen chape kò m nan batay la vin isit la. Eli di l: — Ki jan sa pase, pitit mwen! Mesaje a reponn, li di l konsa: — Moun Izrayèl yo kouri pou moun Filisti yo ki touye anpil moun nan pèp la. De pitit gason ou yo, Ofni ak Fineas, mouri. Moun Filisti yo sezi Bwat Kontra Bondye a. Nonmen nonm lan nonmen Bwat Kontra a, Eli sot tonbe sou chèz la, li blayi atè devan pòtay la. Li te fin granmoun epi li te gwo anpil. Nwa kou l kase sèk, li mouri. Li te pase karantan ap gouvènen pèp Izrayèl la.