1 Samyèl 25
25
Lanmò Samyèl
1Samyèl mouri, tout pèp Izrayèl la sanble pou #1 Sam 1.19; 28.3; 1 Wa 2.34 yo kriye lanmò li.
Lèfini, yo antere l anndan lakay li lavil Rama.
David ak Abigayèl
Apre sa, David pati, li desann nan dezè Paran an. 2Te #Joz 15.55; 1 Sam 15.12; 23.24; 2 Sam 13.23 gen yon nonm moun lavil Mawon ki te gen bitasyon l lavil Kamèl. Nonm lan te rich anpil: li te gen twamil (3.000) tèt mouton ak mil (1.000) tèt kabrit. Lè sa a, mesye te lavil Kamèl pou fè taye lenn mouton l yo. 3Mesye #Joz 14.6-15 te rele Nabal, madanm li te rele Abigayèl. Se te yon fanm ki te gen anpil lespri, lèfini li te bèl. Men, mari a te gen move jan, li pat konn boule byen ak moun menm. Se te fanmi moun Kalèb yo.
4Antan David nan dezè a, li vin konnen Nabal t'ap taye lenn mouton l yo. 5Li voye dis jenn gason bò kote l. Li di yo konsa:
— Moute lavil Kamèl, ale lakay Nabal, n'a di l mwen voye bonjou pou li. 6Men #1 Kwo 12.18; Mat 10.13; Lik 10.5 sa n'a di l: David, frè-ou, voye bonjou pou ou ak pou tout moun lakay ou. Li swete tout bagay ap mache byen lakay ou. 7Li #1 Sam 25.15,21 tande ou ap taye lenn mouton ou yo. Li voye di ou lè gadò mouton ou yo te avèk nou, nou pat janm fè yo anyen. Yo pa janm pèdi anyen pandan tout tan yo te nan zòn Kamèl la. 8Ou mèt mande yo, y'a di ou. David voye mande ou pou resevwa mesye pa l yo byen, paske se yon jou fèt nou rive isit la. Tanpri, mèt! Bay sa ou genyen pou nou k'ap sèvi ou, ak pou David, zanmi-ou lan.
9Mesye David yo rive vre, yo bay Nabal komisyon an nan non David. Epi yo rete tann. 10Apre #Jij 9.28 yon ti tan, Nabal reponn yo:
— David? Pitit gason Izayi a? Mwen pa konnen li non. Atò koulyeya, peyi a plen ak yon bann esklav ki sove kite lakay mèt yo. 11Anhan! #1 Sam 22.2 Pou m pran pen ak dlo lakay mwen ak vyann bèt nou fè touye pou gadò mouton m yo, pou m bay yon bann moun mwen pa konnen kote yo sòti?
12Mesye yo tounen al jwenn David. Lè yo rive, yo rapòte ba li tou sa Nabal te di. 13David #1 Sam 23.13; 30.24 di yo:
— Pran nepe nou, pase yo nan ren nou.
Yo tout pase nepe yo nan ren yo. David tou. Lèfini, katsan (400) nan mesye yo ale avèk David. Lòt desan yo (200) rete dèyè ak pwovizyon yo.
14Yonn nan domestik Nabal yo al avèti Abigayèl, madanm Nabal, li di l:
— David te voye kèk mesaje sòti nan dezè a avèk bèl bonjou pou mèt nou an. Men li menm, li pale mal ak yo. 15Men, #1 Sam 25.7,21 mesye sa yo te bon pou nou: Yo pat janm chache nou kont. Nou pat janm pèdi anyen pandan tout tan nou te la ansanm ak yo nan savann lan. 16Yo te pwoteje nou lajounen kou lannwit pandan tout tan nou te la nan mitan yo ap pran swen bann mouton nou yo. 17Kounyeya, kalkile #1 Wa 21.10 byen sa ou wè ou ka fè, paske bagay la ka vire mal ni pou mèt nou ni pou tout fanmi l. Mari ou sitèlman gen move jan, moun pa ka pale ak li.
18Abigayèl prese pran desan (200) pen, de gwo veso an po bèt plen diven, senk mouton tou kwit, de barik grenn griye, san mamit rezen chèch, desan (200) gato fèt ak figfrans chèch, li chaje tou sa sou bourik. 19Lèfini, li di domestik li yo:
— Nou mèt pran devan, mwen menm mwen dèyè.
Men li pa di Nabal, mari l anyen. 20Abigayèl te moute sou yon bourik. Li t'ap desann yon ti mòn lè li rive nan yon koub, li tonbe bab pou bab ak David ki t'ap mache sou li ansanm ak mesye l yo. Yo kontre. 21David #1 Sam 25.7,15; Sòm 109.5; Pwo 17.13 t'ap di nan kè li:
— Sa m te bezwen pwoteje tou sa nonm sa a te genyen nan dezè a fè? Li pa janm pèdi anyen nan sa ki te pou li. Epi se konsa l'ap peye m pou tout byen mwen fè pou li yo? 22Se #Rit 1.17 pou Bondye ban m #25.22: ban m: Se sa nou jwenn nan vèsyon grèk la, men tèks ebre a bay bay lènmi m yo. pi gwo pinisyon ki genyen si anvan denmen maten mwen pa touye dènye moun lakay li, granmoun kou timoun.
23Wè #Jen 24.64; Jij 1.14; Rit 2.10 Abigayèl wè David, li kouri desann bourik li a, li lage kò l ajenou devan David, li bese tèt li jouk atè. 24Apre #2 Sam 14.9 sa, li lage kò l nan pye David, li di l konsa:
— Tanpri, chèf mwen, ban m pèmisyon pale avè ou. Tout fòt la se pou mwen. Koute sa m'ap di ou. 25Tanpri, pa okipe nonm yo rele Nabal la. Se yon voryen. Se pa pou gremesi yo rele l Nabal ki vle di moun fou. Mwen menm, mèt, mwen pat wè mesye ou te voye yo. 26Se #Jen 20.6; 1 Sam 20.3; 2 Sam 18.32; Wòm 12.19; Eb 10.30 Senyè a menm ki anpeche ou mete san deyò pou pran revanj ou. Koulyeya mwen sèmante devan Senyè a ak devan ou menm, Mèt mwen, se pou lènmi ou yo, moun ki vle fè ou mal yo, se pou yo fini tankou Nabal. 27Kounyeya, mèt #Jen 33.11; 1 Sam 30.26; 2 Wa 5.15 mwen, men sa mwen pote fè ou kado pou ou bay moun k'ap mache avè ou yo. 28Tanpri, #1 Sam 2.35; 18.17; 2 Sam 7.11,27; 1 Wa 11.38 mèt, padonnen sa mwen fè ki mal. Senyè a va ba ou yon fanmi ki p'ap janm disparèt, paske batay w'ap mennen yo se batay Senyè a yo ye. Ou p'ap janm fè anyen ki mal nan tout lavi ou. 29Si #Jer 10.18 yon moun konprann pou li atake ou, si l'ap chache touye ou, Senyè a, Bondye ou la, va pwoteje ou. L'a sere ou bò kote l tankou lè yon moun ap sere yon bagay li renmen anpil. Men l'ap pran lènmi ou yo, l'ap voye yo jete byen lwen tankou lè yon moun ap voye wòch nan fistibal. 30Konsa, lè Senyè a va fè pou ou tout bèl bagay li te pwomèt ou yo, lè l'a mete ou chèf sou pèp Izrayèl la, 31wi, #Wòm 12.19; Eb 10.30 lè sa a, mèt mwen, ou p'ap bezwen nan regrèt, ni konsyans ou p'ap boulvèse dèske ou te mete san moun deyò san rezon osinon dèske ou te pran revanj ou sou moun. Lè Senyè a va beni ou, tanpri pa bliye m.
32David #Sòm 41.13; 72.18; Lik 1.68 di Abigayèl konsa:
— Lwanj pou Senyè a, Bondye pèp Izrayèl la, ki voye ou jòdi a vin kontre avè m! 33Kite m di Bondye mèsi pou bon konprann ou genyen an, pou ou menm tou dèske jòdi a ou vin kenbe men m pou m pa mete san moun deyò, pou m pa tire revanj mwen mwen menm. 34Senyè a #Jen 20.6; Rit 3.13; 1 Wa 14.10 pa kite m fè ou anyen. Men tou, si ou pat prese vin kontre avè m, mwen fè sèman devan Senyè a, Bondye pèp Izrayèl la, anvan denmen maten tout gason fanmi Nabal yo, ata ti gason piti yo, t'ap pèdi lavi yo.
35Abigayèl renmèt David tou sa li te pote, epi David di l:
— Tounen lakay ou ak kè poze! Mwen koute tou sa ou di m la a. Ou pa bezwen bat kò ou.
36Abigayèl tounen al jwenn Nabal lakay li. Nabal t'ap fè yon gwo resèpsyon, parèy ak resèpsyon wa yo konn fè. Nabal te sou anpil, kè l te kontan. Madanm lan pa di l anyen jouk nan denmen maten. 37Nan maten, lè Nabal fin desoule, madanm li rakonte l tout bagay. Mesye fè yon kriz kè, li vin paralize nan tout kò l. 38Dis #1 Sam 26.10; 2 Kwo 13.20; Tra 12.23 jou apre sa, Senyè a frape Nabal, Nabal mouri. 39Lè #Jen 24.27; 1 Sam 24.15; 25.26,33,34; 1 Wa 2.44; Sòm 7.16; Pwo 22.23; Lik 1.68 David vin konnen Nabal mouri, li di:
— Lwanj pou Senyè a! Li fè Nabal peye wont li te fè m lan, li kenbe men m pou m pa fè sa ki mal. Senyè a fè mechanste Nabal la tonbe sou pwòp tèt li.
Apre sa a David voye di Abigayèl li ta renmen l pou madanm. 40Moun David yo al jwenn Abigayèl lavil Kamèl. Yo pale avè l, yo di l konsa:
— David voye nou bò kote ou pou nou mennen ou ba li pou l sa marye avè ou.
41Abigayèl #Rit 2.10 leve, li lage kò l ajenou, li bese tèt li atè epi li di:
— Se domestik li mwen ye, mwen tou pare pou m lave pye moun pa l yo.
42Abigayèl leve byen vit, li moute bourik li. Li pran senk jenn fi ki t'ap sèvi avè l lakay li. Li pati ak mesaje David yo. Se konsa li vin madanm David. 43David #1 Sam 27.3; 30.5; 2 Sam 2.2; 3.2,3; 1 Kwo 3.1 te deja marye ak Akinoam, moun lavil Jizreyèl. Li vin pran Abigayèl kounyeya, sa te fè l de madanm. 44Sayil #1 Sam 18.27; 2 Sam 3.13-16 menm bò pa l te pran Mikal, pitit fi li a ki te madanm David, li marye l ak Palti, pitit gason Layis, moun lavil Galim.
Chwazi Kounye ya:
1 Samyèl 25: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.