1 Wa 8
8
Bwat Kontra a nan Tanp lan
(2 Kwonik 5.2-14)
1Apre sa, Salomon bay lòd pou tout gwo #2 Kwo 5.2-10 chèf #2 Sam 5.7; 6.17 pèp Izrayèl yo ansanm ak tout chèf branch fanmi yo ak lòt chèf fanmi pèp la vin jwenn li lavil Jerizalèm pou y'al pran Bwat Kontra Senyè a nan lavil David la, lavil Siyon an, pou yo pote l nan Tanp lan. 2Pandan #Lev 23.34; 1 Wa 8.65; 2 Kwo 7.8,9 Fèt Joupa yo nan mwa Etanim lan, setyèm mwa nan kalandriye jwif yo, tout pèp Izrayèl la reyini ansanm ak wa Salomon. 3Lè #Det 31.9; Joz 3.3,6; 1 Kwo 15.14,15 tout chèf fanmi pèp Izrayèl yo reyini, prèt yo pran Bwat Kontra a, 4yo #2 Kwo 1.3 pote l nan Tanp lan ansanm ak Tant Randevou Senyè a ak tout bagay ki te apa pou Senyè a nan Tant Randevou a. Se prèt yo ak moun Levi yo ki te pote yo moute. 5Wa Salomon ansanm ak pèp Izrayèl la sanble devan Bwat Kontra a. Yo touye bèf, kabrit ak mouton ankantite pou Bondye. Moun pa te ka konte konbe bèt yo te touye jou sa a, sitèlman yo te anpil. 6Lè #Egz 26.33,34; 2 Sam 6.17; 1 Wa 6.16,27; Rev 11.19 yo fini, prèt yo pote Bwat Kontra a nan pyès ki apa nèt pou Senyè a, yo mete l nan mitan de pòtre zanj cheriben yo. 7Zèl cheriben yo te louvri, yo te kouvri tout kote Bwat Kontra a ye a ansanm ak poto ki sèvi pou pote l yo. 8Si #Egz 25.13-15 yon moun kanpe sou devan pyès ki apa pou Senyè a, yo ka wè pwent poto yo tèlman yo te long. Men, ou pa ka wè yo lòt kote ankò. Jouk kounyeya poto yo la toujou. 9Nan #Egz 25.21; 40.20; Det 4.10,13; 10.1,2,5; Eb 9.4 Bwat Kontra a pat gen pase de moso wòch plat Moyiz te mete ladan l yo depi sou Mòn Orèb la. Se sou de wòch sa yo Senyè a te make kontra li te pase avèk moun pèp Izrayèl yo lè yo t'ap sòti kite peyi Lejip.
10Lè #Egz 24.16; 40.34,35; 2 Kwo 5.13,14; 7.1,2; Eze 10.3,4; 43.5; Rev 15.8 prèt yo fè sa y'ap sòti nan pyès apa pou Senyè a, nyaj la plen Tanp Senyè a nèt. 11Poutèt nyaj la prèt yo pat ka rete fè sèvis yo, paske limyè prezans Senyè a te plen Tanp lan nèt.
12Lèfini, #2 Kwo 6.1-39 Salomon #Egz 20.21; Sòm 18.11; 97.2 di konsa:
— Senyè, ou di ou pito viv kote ki fè nwa.
13Koulyeya, #Egz 15.17; Sòm 132.14; Tra 7.47 mwen bati yon Tanp pou ou ka rete,
yon kay kote ou pral viv pou tot tan.
Salomon pale ak pèp la
(2 Kwonik 6.3-11)
14Lèfini, #2 Sam 6.18; 1 Wa 8.55 wa a vire, li bay pèp Izrayèl la fas. Tout pèp la te kanpe. Li mande benediksyon Bondye pou pèp la, li di konsa:
15— Lwanj #Sòm 106.48; Lik 1.68 pou Senyè a, Bondye pèp Izrayèl la. Avèk fòs kouray li, li kenbe pwomès li te fè David, papa m, lè li te di l konsa: 16Depi #Det 12.11; 2 Sam 7.6-8; 1 Wa 8.29; 1 Kwo 28.4 jou mwen te fè pèp mwen an sòti kite peyi Lejip, mwen pa janm chwazi yon lavil nan tout peyi pèp Izrayèl la kote pou yo bati yon tanp ladan l pou mwen rete. Men, mwen te chwazi David pou li gouvènen pèp mwen an, pèp Izrayèl la. 17David, #2 Sam 7.2,3 papa m, te fè lide bati yon tanp pou Senyè a, Bondye pèp Izrayèl la. 18Men, Senyè a te di l: Ou byen fèt gen lide bati yon tanp pou mwen. 19Men, #2 Sam 7.13; 1 Wa 5.3,5 se pa ou ki va bati l. Se pwòp pitit gason w'ap fè a ki va bati tanp lan pou mwen. 20Kounyeya, Senyè #1 Kwo 28.5,6 a kenbe pwomès li. Jan li te di l la, se mwen ki nan plas David, papa m. Mwen chita sou fòtèy wa a Izrayèl la, mwen bati yon tanp pou Senyè a, Bondye pèp Izrayèl la. 21Lèfini, #1 Wa 8.9 mwen fè yon plas ladan l pou Bwat Kontra Senyè a ki gen de moso woch plat kote Senyè a te ekri kontra li te pase ak zansèt nou yo lè li te fè yo sòti kite peyi Lejip.
Lapriyè Salomon an
(2 Kwonik 6.12-42)
22Apre #Egz 9.33; 1 Wa 8.54; 2 Kwo 6.12,13; Eza 1.15; 1 Tim 2.8 sa, Salomon al kanpe devan lotèl Senyè a, devan tout pèp Izrayèl la, li leve de men l anlè, li lapriyè Bondye, 23li #Egz 15.11; Det 7.9; 2 Sam 7.22; Sòm 86.8 di:
— Senyè, ou menm ki Bondye pèp Izrayèl la, pa gen Bondye tankou ou ni nan syèl ni sou latè. Ou kenbe kontra ou te pase ak pèp ou a. Ou moutre jan ou renmen moun k'ap sèvi ou ak tout kè yo. 24Ou #1 Wa 6.12 te kenbe pwomès ou te fè David, papa m lan. Tou sa ou te di, ou fè l rive vre jòdi a. 25Se #1 Wa 2.4 poutèt sa, Senyè, Bondye pèp Izrayèl la, m'ap mande ou pou ou kenbe lòt pwomès ou te fè David, papa m, sèvitè ou la, lè ou te di l va toujou gen yonn nan pitit pitit li yo pou gouvènen pèp Izrayèl la, depi yo veye jan y'ap mache a pou yo mennen bak yo devan ou jan li menm li te fè l la. 26Se #2 Sam 7.25 konsa, Bondye pèp Izrayèl la, tanpri, fè tout bagay rive jan ou te fè pwomès la bay David, papa m, sèvitè ou la.
27Men, #2 Kwo 2.6; Eza 66.1; Jer 23.24; Tra 7.48; 17.24 Bondye, eske ou ka rete tout bon sou latè? Ata sèl la pa laj ase pou li kenbe ou, alewè pou ti kay mwen bati pou ou la a! 28Senyè, Bondye m, tanpri, se sèvitè ou mwen ye. Tanpri, tande jan m'ap lapriyè ou. Koute jan m'ap rele nan pye ou jòdi a. 29Lajounen #Det 12.11; 1 Wa 8.16,52; 9.3; 2 Kwo 7.15; Ney 1.6 kou lannwit, voye je ou sou Tanp lan, Tanp kote ou te di w'ap toujou la a. Koute lapriyè mwen menm, sèvitè ou la, m'ap fè nan pye ou la a. 30Wi, koute lapriyè m'ap fè ak lapriyè pèp Izrayèl ou a ap fè nan pye ou isit la. Nan syèl kote ou rete a, koute lapriyè nou, padonnen nou.
31Lè #Egz 22.11 yo pote plent pou yon moun ki fè frè li yon bagay mal, si yo mande li sèmante se pa vre, epi si li vini sèmante devan lotèl ou a, nan Tanp ou a, 32ou #Det 25.1 menm, Senyè ki nan syèl la, w'a tande, w'a fè sa ki gen pou fèt la, w'a jije sèvitè ou yo. W'a pini moun ki koupab la, w'a fè chatiman li merite a tonbe sou tèt li. W'a fè rekonèt lè yon moun inonsan pou yo ka rann li jistis.
33Lè #Lev 26.17,40; Det 28.25 lènmi va bat pèp Izrayèl la paske pèp la te peche kont ou, Bondye, si yo tounen vin jwenn ou, si yo fè lwanj pou ou, si yo vin lapriyè nan pye ou isit nan Tanp sa a, 34tanpri, kote ou ye nan syèl la, koute yo. Padonnen peche pèp Izrayèl ou a, fè yo tounen nan peyi ou te bay zansèt yo a.
35Lè #Det 11.17; 28.23,24 va gen chechrès nan peyi a san yon ti degout lapli paske pèp la te peche kont ou, si yo regrèt sa yo te fè a paske ou te pini yo, si yo vin lapriyè isit la, si yo rele non ou, 36tanpri, kote ou ye nan syèl la, koute yo. Padonnen peche wa a ansanm ak peche pèp Izrayèl la. Moutre yo bon chemen pou yo pran an. Apre sa, Senyè, w'a voye lapli sou peyi ou te bay pèp ou a pou rele l pa l la.
37Lè #Lev 26.16,25,26; Det 28.21,22,38,42,52; 2 Kwo 20.9 va gen grangou nan peyi a, osinon lè move maladi lapès va tonbe sou li, lè plant yo va cheche nan van cho, lè krikèt ak chwal bondye va ravaje jaden yo, lè lènmi va sènen lavil nou yo pou atake pèp la, lè nenpòt maladi osinon nenpòt malè va tonbe sou pèp la, 38koute lapriyè y'ap fè nan pye ou. Lè nenpòt moun osinon tout pèp la va lapriyè nan pye ou, lè y'a regrèt sa yo fè a, lè y'a leve men yo nan direksyon Tanp lan pou yo lapriyè ou, 39tanpri, #1 Sam 16.7; 1 Kwo 28.9; Jer 17.10; Tra 1.24 koute lapriyè yo, kote ou ye nan syèl kote ou rete a, padonnen yo, fè sa ou gen pou fè a. Bay chak moun sa yo merite, paske ou konnen sa ki nan kè yo chak. Se ou menm sèlman ki konnen sa ki nan fon kè moun. 40Wi, w'a bay chak moun sa yo merite, konsa pèp ou a va gen krentif pou ou pandan tout tan y'ap viv sou tè ou te bay zansèt nou yo.
41Menm #Tra 8.27 lè yon moun lòt nasyon ki pa fè pati pèp ou a sòti byen lwen vini isit la poutèt ou, 42paske li tande jan y'ap nonmen non ou, li tande pale tout bèl bagay w'ap fè avèk fòs kouray ou, si li vin lapriyè nan Tanp sa a, 43tanpri, #Joz 4.24; 1 Wa 8.60; Sòm 102.15; Zak 8.20-23 nan syèl kote ou rete a, koute lapriyè li. W'a fè pou li tou sa li mande ou. Konsa tout pèp sou latè va konnen ou. Y'a gen krentif pou ou tankou pèp Izrayèl ou a gen krentif pou ou. Y'a konnen Tanp mwen bati pou ou a, se la pou yo vin adore ou.
44Lè pèp ou a va pati al goumen ak lènmi l yo, nenpòt ki bò w'a voye yo, lè y'a vire tèt yo nan direksyon lavil ou chwazi a ak nan direksyon Tanp mwen bati pou ou a pou yo lapriyè nan pye ou, 45tanpri, nan syèl kote ou rete a, koute lapriyè yo. Koute lapriyè y'ap fè nan pye ou, defann kòz yo.
46Lè #Pwo 20.9; Ekl 7.20; Wòm 3.23; 1 Jan 1.8,10 pèp ou a va peche kont ou, paske pa gen moun ki pa fè peche, lè w'a move sou yo, w'a lage yo nan men lènmi yo ki va fè yo prizonye, ki va depòte yo nan lòt peyi, li te mèt toupre, li te mèt byen lwen, 47antan #Lev 26.40; Ney 1.6; Sòm 106.6; Da 9.5 yo la nan peyi kote lènmi yo te depote yo a, si yo regrèt sa yo te fè, si yo lapriyè nan pye ou, si yo rekonèt yo te fè sa ki mal, si yo rekonèt yo te peche, si yo rekonèt yo antò, 48si #1 Sam 7.3; Jer 29.12-14; Da 6.10 yo tounen vin jwenn ou ak tout kè yo ak tout nanm yo, antan yo nan peyi kote lènmi te depòte yo a, si yo vire tèt yo nan direksyon peyi ou te bay zansèt yo a, nan direksyon lavil ou te chwazi a, nan direksyon Tanp mwen bati pou ou a pou yo lapriyè nan pye ou, 49tanpri, koute lapriyè y'ap fè nan pye ou, kote ou ye nan syèl kote ou rete a. Koute lapriyè yo, defann kòz yo. 50Padonnen #Sòm 106.46 pèp ou a tout peche yo te fè kont ou, tout vire do yo te vire do ba ou. W'a fè lènmi ki te depòte yo gen pitye pou yo. 51Paske, #Det 4.20; 9.29; Ney 1.10; Jer 11.4 se pèp ki rele ou pa ou la yo ye, pèp ou menm ou te fè sòti kite peyi Lejip ki te pou yo tankou yon gwo fou dife kote yo fonn fè. 52Senyè, #1 Wa 8.29 Bondye, louvri je ou! Koute lapriyè mwen menm, sèvitè ou, m'ap fè nan pye ou ansanm ak tout pèp Izrayèl la, chak fwa n'ap rele pou mande ou sekou. 53Se #Egz 19.5,6; Det 9.26,29; 14.2 ou menm ki te chwazi nou nan mitan tout lòt pèp sou latè pou nou te ka rele ou pa ou, jan ou te di l nan bouch Moyiz, sèvitè ou la, lè ou te fè zansèt nou yo sòti kite peyi Lejip.
Dènye lapriyè
54Pandan #2 Kwo 7.1 Salomon t'ap fè lapriyè sa a nan pye Bondye, li te ajenou devan lotèl la, de bra leve anlè. Lè li fini, li leve. 55Li #1 Wa 8.14 kanpe, li mande Bondye pou l voye benediksyon l sou tout pèp Izrayèl la ki te sanble la a. Li pale byen fò, li di:
56— Lwanj #Joz 21.45; 23.14 pou Senyè a ki bay pèp Izrayèl la kè poze, jan li te pwomèt la. Li kenbe tout bèl pwomès li te fè nan bouch Moyiz, sèvitè l la. 57Kounyeya, mwen #Det 31.6; 1 Sam 12.22 mande pou Senyè a, Bondye nou an, toujou kanpe la avèk nou jan li te toujou kanpe la ak zansèt nou yo. Mwen mande l pou l pa janm lage nou, pou l pa janm bliye nou. 58Se pou li fè nou pa janm bliye l pou nou ka toujou fè volonte l nan tout sa n'ap fè, pou nou kenbe lòd, prensip ak kòmandman li te bay zansèt nou yo. 59Se pou Senyè a, Bondye nou an, pa janm bliye lapriyè sa yo mwen sot fè nan pye l la. Se pou l toujou gen pitye pou pèp Izrayèl la ansanm ak wa a, sèvitè li a, dapre sa y'a bezwen chak jou. 60Konsa, #Det 4.35,39; 1 Wa 8.43; 18.39 tout nasyon sou latè va konnen se Senyè a sèl ki Bondye. Pa gen lòt! 61Se #1 Wa 11.4; 15.3,14; 2 Wa 20.3 pou nou toujou kenbe pye Senyè a, Bondye nou an, fèm. Se pou nou mache dapre lòd li ban nou, pou nou fè tou sa li mande nou fè tankou jòdi a.
Konsekrasyon Tanp lan
(2 Kwonik 7.4-10)
62Apre #2 Kwo 7.4-10 sa, #Esd 6.16,17 wa Salomon ansanm ak tout pèp Izrayèl ki te la a ofri bèt pou touye pou Senyè a. 63Salomon te ofri venndemil (22.000) towo ak sanvenmil (120.000) mouton pou mande Bondye padon. Se konsa wa a ansanm ak tout moun pèp Izrayèl yo te mete Tanp lan apa pou Senyè a. 64Menm #1 Wa 9.25; 2 Kwo 4.1 jou a, li mete mitan gwo lakou ki devan Tanp Senyè a apa pou Bondye. Lèfini, se la li ofri bèt pou boule nèt pou Senyè a, grenn jaden ak grès bèt yo te touye pou mande Bondye padon, paske lotèl kwiv ki devan Tanp lan te twò piti pou pran tout ofrann sa yo.
65Lè #Nonb 34.5,8; 1 Wa 8.2 sa a, Salomon ansanm ak tout pèp Izrayèl la fete Fèt Joupa yo pandan sèt jou. Foul moun te sòti depi Pas Amat la nan nò jouk sou fontyè ak peyi Lejip la nan sid, yo vin fete fèt la pandan sèt jou. Lèfini, yo fete pandan sèt jou ankò. Sa te fè antou katòz jou. 66Sou uityèm jou a, Salomon voye tout moun tounen lakay yo. Yo tout t'ap fè lwanj li, y'al lakay yo ak kè kontan, paske sa te fè yo plezi pou wè tout benediksyon Senyè a te bay David, sèvitè l la, ansanm ak pèp Izrayèl li a.
Chwazi Kounye ya:
1 Wa 8: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.