Màtéwò 3
3
Yòhánà Awɛ̀fúnɛ wà dzíkɔ̀-Ɔ̀ɖáyé
(Mákò 1:1-8; Lúkà 3:1-3; Yòhánà 1:19-28)
1Ó wáa ɖi ńǹwèrè-kã̀, tsí ɔ̀nyà-kã̀ bɔ́ nɔ́ɔ̀ɖã̀ nérè-Yùɖéyà, tsí wà dzíkɔ̀-Ɔ̀ɖáyé fú ɔ̀nyà ŋa. À náa kpèé ní Yòhánà† Awɛ̀fúnɛ. 2Tsí ó wà fɔ̀ fú ɔ̀nyà ŋa ní: Ká nyíìlò kpaɖà, iŋɛ́ yèé tse#ɛ́, àsòkò tó, tsí Ɔ̀ɖáyé kó wáa dzoyè si ńǹtá-ŋa.
3Yòhánà Awɛ̀fúnɛ#ɛ́ ní Yèsáyà† agbáfɔ̀-Ɔ̀ɖáyé fɔ̀† wà báfɔ̀#ɛ́. Yèsáyà fɔ̀ si ní:
“Oŋù-ɔ̀nyà-kã̀ wà ɖɔ̃́ nɔ́ɔ̀ɖã̀, tsí wà ɖúgbe ní:
È tɔ́tse ɔ̀nà si fú Ɔlɔ́dzɔ́. È tɔ́ ɔ̀nà sísɛ̃́ ŋa si fúu.”#3:3 Ìwé-Yèsáyà 40:3 (Ésaïe 40:3)
4Yòhánà#á wɔ ìwɔ̀ra-kã̀ si. Àwù#ɛ́, irɔ̃-ràkumi#3:4 Ràkumi#ɛ́, ɛrã gíga-kã̀ ni, tsí náa gbé nɔ́ɔ̀ɖã̀. Náa ga láre atsĩ, tsí irɔ̃-ara‐ɛ̀ gbo kà rɛ̃́. ní à ń ŋɔɔ́#ɛ́, tsí náa mú ɖíɖì-awɔ-kã̀ gbo, tsí ń ɖì néèrèɖé si. Tsí náa wà dzɛ ìgbɛ̃̀ ŋa, tsí wà lá onyi gbo. 5Ńbɛ̀ɛ́, ɔ̀nyà ŋa ti ńǹlú-Yèrúsàlɛ́mì, tsí ti nérè-Yùɖéyà#á kpó, tsí ti ńǹlú yèé ŋa kpó wà nétí-oɖò-Yòɖánì#ɛ́ gbo, tsí à náa waà lɔ ńɖɔ̀‐ɛ̀. 6Tsí à náa wà fɔ àbi yèé à dzɛ si ŋa#á, tsí náa wà wɛ̀† fú ŋa nóɖò-Yòɖánì.
7Kpíkpɔ̀-ɔma-ɛgbɛ́-Fàrísì† ŋa òŋu ɔma-ɛgbɛ́-Sàɖùké† ŋa wà wá ńɖi-Yòhánà#á ní kó wɛ̀ fú àŋa. Kíbí ó rí ŋa bɛ́ɛ̀#ɛ́, ó wà wí fú ŋa ní: Ɔma-edzò ŋa! Ɔ̀ɖáyé bàkó wáa kpɛdzɔ́, tsí nɛ̀ɛ́ wí fú ŋɛ́ ní è nákó nyáa bɔ́ ńnɛ̀? 8Fee, ìrɛ̃̀-ɛsɛ̀-ŋɛ́ òŋu ìnyɛ̀-arũ-ŋɛ́ ŋa kó nyà ɖíre ní è nyíìlò kpaɖà. 9Ó ɖi, è máa fɛ̀ɖɔ̃̀ tù si, tsí wà fɔ̀ ńnɔ́-ara-ŋɛ́ ŋa ní fee, Àbàràhámì† dzɛ́ gbágbóǹgbàgbò-àŋa gé ni, àŋa nákó rí ɔlà. Ǹ wà wí fú ŋɛ́ ní, òkúta yèé è wà rí bɛ́ ŋa#á, Ɔ̀ɖáyé nákó nyáa sɔ ŋá ɖi ɔmalɔ́ma fú Àbàràhámì. 10Báàyí gìɖì#ɛ́, ó ti lɔ ɛɖɔ̃̀ si ná, tsí kó ń wɔ̀ bá ogùgù-egi ŋa. Egi kí egi yèé kò wà so èso-ire#ɛ́, à nákó rɛ́ɛ, tsí kɛ́ɛ sɔ ńná. 11Òŋu, òŋu wà wɛ̀ fú ŋa òŋu omi, tsí wà ń nyà ɖíre ní à nyíìlò kpaɖà. Ó ɖi, ɔ̀nyà-kã̀ nákó wáa wá náànyì-òŋu, tsí nɛ́kpá láre òŋu, tsí òŋu kò dzɔ òŋu kó bɔ́ kpákò-ɛsɛ̀‐ɛ̀ gìɖì. Ɛnɛ nyɛ̀ŋɛ̀ ní nákó tse tsí Mímí-Ɔ̀ɖáyé† òŋu iná‐ɛ̀ nákó tì wɔ̀ ńǹtá-ŋa#á. 12Ó banɛ́ iŋɛ́ yèé à náa ń fɛ́ iŋɛ́#ɛ́ si, tsí nákó ń fɛ́ ɔma-dzídzɛ, tsí kpaɖí‐ɛ̀ ɖà náàká. Tsí nákó tãná-kã̀ gú nyàngbò‐ɛ̀, iná-ìrɔ́ nyɛ̀ŋɛ̀#ɛ́ kà kú láyé.
Yòhánà wɛ̀ fú Yèésù
(Mákò 1:9-11; Lúkà 3:21-22)
13Ńǹwèrè nyɛ̀ŋɛ̀#ɛ́, Yèésù ti nérè-Gàlìlé, tsí wáa tó ńɖi-Yòhánà† nétí-oɖò-Yòɖánì, àtsùgbée Yòhánà kó wɛ̀† fúu. 14Ó ɖi, Yòhánà wò ní òŋu kó kɔ̀, tsí ó wí fú Yèésù ní: Òŋu ká-òŋu ní ó wà ní kó wɛ̀ fú#ɛ́, tsí òŋu ká‐ɛ̀ wà wá ńɖɔ̀-òŋuù?
15Tsí Yèésù dzɔ́ŋù fúu ní: Kó tse iŋɛ́ yèé òŋu wà fɔ̀ ní kó tse náàsòkò yèé#ɛ́. Ó ɖi, bɛ́ɛ̀ ní ó wà ní àŋa kó tse iŋɛ́ yèé Ɔ̀ɖáyé wà fɔ̀#ɛ́ ńnɛ̀ɛ́.
Ńbɛ̀ɛ́, Yòhánà dzɛ́ fúu. 16Kíbí Yòhánà wɛ̀ fú Yèésù tã́ gbòkã́ gé#ɛ́, Yèésù fùɖá nómi#ɛ́, tsí ɔ̀rɔ̃ tsí dzɔ̀ɔ́, tsí Mímí-Ɔ̀ɖáyé† tì ti nɔ́ɔ̀rɔ̃ ńǹwànwà-àlúǹkùkù bɛ́, tsí wáa dzì ńǹtá‐ɛ̀. 17Tsí oŋù-kã̀ ɖɔ̃́ ti nɔ́ɔ̀rɔ̃ ní: Ɛnɛ yèé ní dzɛ́ Ɔma bíbí-òŋu, tsí dzɛ́ àrínódzú-òŋu gbo#ɛ́, tsí iŋɛ́‐ɛ̀ dzɔdzú-òŋu tó bɛ́ɛ̀.
Chwazi Kounye ya:
Màtéwò 3: ngl
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© (Active), Wycliffe Bible Translators, Inc. All rights reserved.