Uraata Kizin Ŋgoŋana 2:46-47

Mi aigule ta boozomen tilala ma tiluplup zin su Urum Merere kwoono. Mi tiparluplup zin la ruumu kizin kizin pa suŋŋana mi kini kanŋana. Mi tikanan kini raama lelen ambai men, mi tiwidit Anutu zaana. Paso, tiur kat lelen pini. Tana tomtom timap ma lelen pizin. Mi zin wal ta Merere ikamam uraata pizin be ikamke zin na, ni ipaŋgutŋguutu zin ikot aigule ta boozomen, ma tilala tigabgaaba zin wal urlaŋana kan.