Vèsè popilè nan Bib la ki soti nan Mataio 5

Pataje

Teip ga magaulap la tale kan mime maialabie lalabie ga maiabung upat falo ba. Karuk. Mime maiabu nakap bo luaga, meba alang lalabie maun mirier teip ga magaulap la maionama na luguan. Are tie, makosarming tavukup mila mumurum na irap ma teip ga magaulap meba betmeng gare ba lalabie. Leba akosarming gare ro, tie eba agimameng iriro tavuk ila mumuri la amiuluo, ga eba maiaving bonim a Mamo ming la unama na panbinim.

Mimi la are lalabie maiong inamaniap na uro kimanam. Are ratmat ga masingmiala teip ga magaulap o alang la ila ai Morowa. Non taun la iot tatuan bo tatak pugama la tale kan puoieng meba kagoiring. Teip ga magaulap la puomeng meba ogimameng maset.

Teip ga magaulap la babaum na dalap ma, eba malaminaismeng. Memani, eba agimameng Morowa (malagiang ga onang ga mirie).

Teip ga magaulap la mitara tafameng aime tavuk ila puvuvui ang Morowa are migana la tafaong me parak ga namo tapo o burunam, eba malaminaismeng. Memani, eba masuvarang Morowa dalap ma a iriro tavuk ang ila puvuvui.

Pa mirulor gare ro, Naming maset me karorap mim, ga marikming meba maboaving Morowa teip ga magaulap la mime akosar tavuk ila kire ga namo maialo giginanim miun.

“Teip ga magaulap la omeit la tale kan memaning paga ba meba amama Morowa ‘temaieng’, eba malaminaismeng. Memani, inamon onim na panbinim la maiong.

Teip ga magaulap la mime akosar malina kabirana ma teip ga magaulap, eba malaminaismeng. Memani, Morowa la eba amama, ‘Mimi lop tuam, migat.’

Teip ga magaulap la giginam dalap ma ga meliba ga maionama, eba malaminaismeng. Memani, Morowa leba muong ga mavuvutaling dalap ma.

Teip ga magaulap la ameuluan tavuk ila puvuvui ga maiavio ngitngit na kilalap ma non inamaniap, eba malaminaismeng. Memani, inamon onim na panbinim la maiong.

Teip ga magaulap la mime kadik me non teip ga magaulap, eba malaminaismeng. Memani, tubiat Morowa leba kadikang maime na tara o ties ula kakanu.

Leba kikismeng inamaniap la naganming ira ruo ga omiuluo ties tung, ga tiesmeng kikirat me ira mi ga mikirarameng ga mivuremeng ma non tiesiap okakarabunim, eba malaminaismeng. Eva, tegoming ga temiba maset. Memani, Morowa eba alang uniap miun na panbinim. Omit, tinan la makalameng teip unulip ga makirarameng gare rie. Ga ualo Morowa uniap ula kakanu maun.”

Teip ga magaulap la tale mime pringesnges, pa tekapirmeng kabirana ma inamaniap, eba malaminaismeng. Memani, eba alang Morowa uriro kimanam maun meba maionang ubuo.

Tie, Kamina gare tes maiong inamaniap na uro kimanam. Pa leba karuk ba ume boboinim o tes, tie eba mani le akosarming meba ina miarang boboinim o? Karuk kan! Tes lare tiro la karuk ara o ubi ba ieng. Mimet ogo inamaniap na kimanam, ga mime obutbut ma kibap ma.

Are ratmat ga maset le akosarming tavuk ila muri maset gare Morowa Mamo ming na panbinim la ume akosar tavuk ila muri maset.”

Pa tiesming it ‘migat’ o ‘karuk’. Aret tiro la puoieng ara. Man ties la namo ongangasming ties la namo miaramang, betieng ira karorama.”

Urie, Iesu la tiesong gare ro, “Mipto ra la aulo Morowa ea ming tinan gare ro, ‘Migana la akiraraong irama a noba migana, tie inabun akiraranang irama a. Pa leba noba migana la akofong logima a noba migana, tie inabun akafnang logima a.’ Pa mirulor: Baraba mipulo kirinim ang migana la okosarong ira mi. Karuk. Leba apadunang migana ba munama nuo, tie inabun ariginang non munama nuo ga nalang aun.

Miptang! Pa irama nuo ila lamige leba noaranang me na kirinim, tie aluoknang ga agonang. Mumuru le noba nap ma neip nuo le karuk ba aime, ga eba tale okosarnang kirinim meba tale nogoang Morowa ga neip nuo na kit o iou. Pa kilan nuo ila lamige leba noaranang me na kirinim, tie agiripnang ga agonang. Mumuru le namurit ba nap ma neip nuo le karuk ba aime, ga tala kan okosarnung kirinim, ga tala kan nogoang Morowa maun neip nuo na kit o iou.