Vèsè popilè nan Bib la ki soti nan Yoane 15

Pataje

Neŵo nineMufaina; mweŵo nimwemisimba. Uyo uwikala muli neŵo, naneŵo ukwikala muli ye, uyo akekata ifisepo ifinji; pakuti apakuŵula naneŵo, mweŵo mweŵene tamwisi-po ukucita neli kantu.

Mwikale muli neŵo, naneŵo njikale muli mweŵo. Koti nifyopele'fyo ifi tawisi umusimba uwine ukwikata-ko ifisepo, uwakuŵulo'kwikala mumufaina; fyopele'fyo namweŵo, kani muŵule ukwikala muli neŵo, tamwisi ukwikata-po ifisepo.

Kani mulukwikele muli neŵo, nemasiwi anji nekulukwikele muli mweŵo, ifintu fyonse ici mulukufwaya, kamulukucilomba, peŋka cikalukuli kuli mweŵo.

Mweŵo tamwansalulwile; sombi neŵo enenamusalulwileni, nekumwikalikeni ati muye, mukekate ifisepo, nefisepo fyenu ati fikekalilile; ati ifintu fyonse, ici mukalomba kuli ŵaTata mwisina lyanji, ŵakamupeleni.

Tapali umuntu uli neŵutemwe ubwakucilo'ŵukulu napali ŵuŵu, ati umuntu apose umweo wakwe pakuti pafiŵusa fyakwe.

Imisimba yonse ili muli neŵo, utawikata-po ifisepo, ŵalaufumya; kaŵili yonse uwikata ŵalauswesya ati ukekate nafimbi ifisepo.

Ifunde lyanji nilili, ati mulukutemwansyanya, koti nifyopele'fyo ifi mutemenweni naneŵo.

ŴaTata ŵalicindicilwe muli fifi, ati mwikate ifisepo ifinji; ifyo mukekala ŵasambile ŵanji.

Neŵo nineMufaina Uwine; ŵaTata eŴalimi.

Kani umuntu taekala muli neŵo, aŋgaposwa kwisonde koti musimba, nekuuminina; lomba aŵantu nekwiwuŋganisisya, nekwiposa mumulilo, nayo nekupya.

Ifintu ifyo namuŵuleni ati ukusaŋgalala kwanji kukalukwikele muli mweŵo, nako ukusaŋgalala kwenu nekulukufula.

Kani mwakulukwalama amafunde anji, eli mwakulukwikele muŵutemwe bwanji; koti nifyopele'fyo ifi nalukulama amafunde aŵaTata neŵo, nekulukwikele muwutemwe bwaŵo.

Ifintu ifyo ndukumufundeni ati mukalukutemwansyanya.

Ŋga muli ŵapacalo capansi, neŵapansi pano ŋga ŵalimutemenweni ati ŵaŵyesu; sombi pakuti tamuli ŵapacalo capansi, sombi nalimusalulwileni pali ŵo, pakuti pali fyefyo aŵapacalo capansi ŵalukumufitilweni